ഡി.വൈ.എഫ്‌.ഐ നേതാവിന്​ നേരെ ആസിഡ്​ ആക്രമണം

കോതമംഗലം: വീട്ടിലേക്ക് ബൈക്കില്‍ പോകവെ ഡി.വൈ.എഫ്‌.ഐ നേതാവിന്​ നേ​െ​ര ആസിഡ്​ ആക്രമണം. ഡി.വൈ.എഫ്‌.ഐ കോതമംഗലം ബ്ലോക്ക് പ്രസിഡന്‍റ്​ ജിയോ പയസിന് നേരെയാണ്​ ആക്രമണമുണ്ടായത്​. ശനിയാഴ്ച്ച രാത്രി ഒമ്പതോടെയാണ് സംഭവം.

ഡി.വൈ.എഫ്‌.ഐ എറണാകുളം ജില്ലാ കമ്മറ്റിയംഗം കൂടിയാണ്​ ജിയോ. രാമല്ലൂരിലെ വീട്ടിലേക്ക് പോകു​േമ്പാഴാണ്​ സംഭവമെന്ന്​ പരാതിയിൽ പറഞ്ഞു. ബൈക്ക് കൈകാട്ടി നിര്‍ത്തി ദേഹത്തേക്ക് ആസിഡ് ഒഴിക്കുകയായിരുന്നുവത്രെ.

പൊള്ളലേറ്റ ജിയോയെ ആദ്യം കോതമംഗലം ധര്‍മ്മഗിരി ആശുപത്രിയിലും പിന്നീട് എറണാകുളത്തെ സ്വകാര്യ ആശുപത്രിയിലും പ്രവേശിപ്പിച്ചു.

അക്രമത്തിന്​ പിന്നിൽ വ്യക്​തി വൈരാഗ്യമാണോ രാഷ്​ട്രീയമാണോ എന്ന കാര്യം​ അന്വേഷണത്തിന്​ ശേഷം മാത്രമേ പറയാനാകൂവെന്ന്​ പൊലീസ്​ പറഞ്ഞു.