സ്ത്രീധന പീഡനം; ആസിഡ് ആക്രമണത്തിൽ യുവതിക്ക്​ ഗുരുതര പരിക്ക്​

ചെങ്ങന്നൂർ: ഭർത്താവി​​​െൻറ ആസിഡ് ആക്രമണത്തിൽ യുവതിക്ക്​ ശരീരമാസകലം ഗുരുതര പൊള്ളലേറ്റു. പുനലൂർ പിറവൻതൂർ ധന്യ ഭവനിൽ ബാല​​​െൻറയും രാധയുടെയും മകൾ ധന്യ കൃഷ്ണനെയാണ് (31) ​സ്ത്രീധനം ആവശ്യപ്പെട്ട്​ നടത്തിവന്ന നിരന്തര പീഡനത്തിനൊടുവിൽ ഭർത്താവ് ചെങ്ങന്നൂർ മുളക്കുഴ കാരയ്ക്കാട് പള്ളിപ്പടി നെടിയകാല വടക്കേതിൽ ബിനുകുമാർ (40) ആസിഡ്​ ഒഴിച്ച്​ പൊള്ളിച്ചത്​. 

സംഭവത്തെ തുടർന്ന് ബിനുകുമാറും മാതാവ്​ സരസ്വതിയും ഒളിവിലാണ്​. 2007ലായിരുന്നു ധന്യയുടെയും ബിനുവി​​​െൻറയും വിവാഹം. അന്ന് 20 പവൻ ആഭരണവും 50,000 രൂപയും നൽകിയിരുന്നു. ഇവർക്ക് ആതിര (ഒമ്പത്​), ആദിത്യ (അഞ്ച്​) എന്നീ പെൺമക്കളുണ്ട്. ഇപ്പോൾ രണ്ടരലക്ഷം രൂപകൂടി സ്ത്രീധനം ആവശ്യപ്പെട്ട്​ ശാരീരികമായും മാനസികമായും പീഡിപ്പിച്ചുവരുകയായിരുന്ന​േത്ര. ഭർതൃമാതാവി​​​െൻറ പ്രേരണകൂടി ആയതോടെ ഉപദ്രവം വർധിച്ചതായി ധന്യയുടെ മൊഴിയിൽ പറയുന്നു.

കഴിഞ്ഞ ആറിനു പുലർച്ചെയാണ് കേസിനാസ്പദമായ സംഭവം​. തലേദിവസം രാത്രിയും പുലർ​െച്ചയും മരക്കഷണംകൊണ്ട് മർദിക്കുകയും തുടർന്ന് ആസിഡ്‌ മുഖത്തേക്ക് ഒഴിക്കുകയുമായിരുന്നു. കൈകൊണ്ട് തട്ടിമാറ്റാൻ ശ്രമിച്ചപ്പോഴാണ് തെറിച്ച് ശരീരമാസകലം വീണത്. വലത്തേ മാറിടത്തിലാണ് കൂടുതലായി പൊള്ളലേറ്റത്. ഗുരുതര പരിക്കേറ്റ യുവതിയെ ആശുപത്രിയിൽ കൊണ്ടുപോകാൻപോലും ഭർത്താവ് തയാറായില്ല. 

കൂടുതൽ ഉപദ്രവങ്ങളിൽനിന്ന്​ ഭർതൃപിതാവ് ഗോപിനാഥനാണ് പലപ്പോഴും രക്ഷിച്ചിരുന്നതെന്ന് ധന്യ പറയുന്നു. മൊബൈൽ ഫോണും ഭർത്താവ് നശിപ്പിച്ചു. ഭർതൃപിതാവി​​​െൻറ സഹായത്തോടെ പുനലൂരിൽ വിവരമറിയിച്ചതിനെ തുടർന്ന് അമ്മ രാധയെത്തിയാണ് പുനലൂർ താലൂക്ക് ആശുപത്രിയിൽ പ്രവേശിപ്പിച്ചത്. മൂത്ത മകൾ ആതിര ബിനുകുമാറി​െനാപ്പമായതിനാൽ മകൾക്ക് എന്തെങ്കിലും സംഭവിക്കുമോ എന്ന ഭയത്തിലാണ്​ പരാതി നൽകാതിരുന്നത്​.  

ധന്യയുടെ പിതാവ് ബാലൻ ഒരുവശം തളർന്ന്​ കിടപ്പിലാണ്​. ​10ന്​ പുനലൂർ ​െപാലീസ് കേസ് രജിസ്​റ്റർ ചെയ്ത ശേഷം 12ന്​ ചെങ്ങന്നൂരിലേക്ക് കൈമാറി. ചെങ്ങന്നൂർ ​െപാലീസ് സർക്കിൾ ഇൻസ്പെക്ടറുടെ ചാർജുള്ള മാന്നാർ സി.ഐ ഷിബു പാപ്പച്ചൻ, എസ്.ഐ എം. സുധിലാൽ എന്നിവരുടെ നേതൃത്വത്തിൽ ബിനുകുമാറി​​​െൻറ വീട്ടിൽ എത്തിയപ്പോഴെല്ലാം വീട് അടച്ചുപൂട്ടി ആൾത്താമസമില്ലാത്ത നിലയിലായിരുന്നു. മുമ്പ്​ ഗൾഫിലായിരുന്ന ബിനുകുമാർ മുളക്കുഴ കോട്ടയിൽ വെൽഡിങ്​ വർക്ക്ഷോപ്പിലെ ജോലിക്കാരനാണ്.