സർക്കാർ നിർദേശങ്ങൾ അനുസരിക്കാത്ത ഉദ്യോഗസ്​ഥർക്കെതിരെ കർശന നടപടി -മുഖ്യമന്ത്രി

തി​രു​വ​ന​ന്ത​പു​രം: പൊ​ലീ​സി​ലെ ദാ​സ്യ​വൃ​ത്തി പൂ​ർ​ണ​മാ​യും അ​വ​സാ​നി​പ്പി​ക്കു​മെ​ന്ന്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. സ​ര്‍ക്കാ​റും പൊ​ലീ​സ് മേ​ധാ​വി​യും ന​ല്‍കു​ന്ന നി​ർ​ദേ​ശ​ങ്ങ​ള്‍ക്ക് വി​രു​ദ്ധ​മാ​യി പ്ര​വ​ര്‍ത്തി​ക്കു​ന്ന ഏ​തു ഉ​ന്ന​ത ഉ​ദ്യോ​ഗ​സ്ഥ​നെ​തി​രെ​യും ക​ര്‍ശ​ന ന​ട​പ​ടി സ്വീ​ക​രി​ക്കു​മെ​ന്നും നി​യ​മ​സ​ഭ​യി​ൽ മു​ഖ്യ​മ​ന്ത്രി വ്യ​ക്ത​മാ​ക്കി.

കോ​ണ്‍സ്​​റ്റ​ബി​ള്‍ ഉ​ള്‍പ്പെ​ടെ സ​ക​ല ജീ​വ​ന​ക്കാ​രു​ടെ​യും മാ​നു​ഷി​കാ​വ​കാ​ശ​ങ്ങ​ള്‍ക്കു പ​രി​ര​ക്ഷ​യും ആ​ദ​ര​വും ന​ല്‍കു​ന്ന സ​മീ​പ​ന​മേ സ​ര്‍ക്കാ​റി​ല്‍ നി​ന്നു​ണ്ടാ​വൂ. പൊ​ലീ​സി​​​െൻറ അ​ച്ച​ട​ക്കം ലം​ഘി​ക്കാ​ന്‍ എ​ന്തെ​ങ്കി​ലും പ​ഴു​താ​ക്കു​ന്ന​തും അ​ച്ച​ട​ക്ക​ത്തി​​​െൻറ പേ​രി​ലെ മ​നു​ഷ്യാ​വ​കാ​ശ ധ്വം​സ​ന​വും അ​നു​വ​ദി​ക്കി​ല്ല. ഈ ​വി​ധ​ത്തി​ലു​ള്ള സ​മ​തു​ലി​ത സ​മീ​പ​ന​മാ​വും സ​ര്‍ക്കാ​റി​ല്‍നി​ന്നു​ണ്ടാ​വു​ക. കോ​ൺ​സ്​​റ്റ​ബി​ള്‍മാ​രെ​യും മ​റ്റും വീ​ട്ടാ​വ​ശ്യ​ങ്ങ​ള്‍ക്കും വ്യ​ക്തി​പ​ര​മാ​യ സേ​വ​ന​ങ്ങ​ൾ​ക്കും​ ഉ​പ​യോ​ഗി​ക്കു​ന്നു​ണ്ടോ എ​ന്ന്​ പ​രി​ശോ​ധി​ക്കാ​ന്‍ നി​ർ​ദേ​ശി​ച്ചി​ട്ടു​ണ്ട്.

എ.​ഡി.​ജി.​പി സു​ദേ​ഷ് കു​മാ​റി​​​െൻറ മ​ക​ൾ ദേ​ഹോ​പ​ദ്ര​വം ഏ​ൽ​പി​ച്ചെ​ന്ന ഡ്രൈ​വ​ര്‍ ഗ​വാ​സ്‌​ക​റു​ടെ മൊ​ഴി​യി​ൽ എ.​ഡി.​ജി.​പി​യു​ടെ മ​ക​ളെ പ്ര​തി​യാ​ക്കി കേ​സെ​ടു​ത്ത​ു. എ.​ഡി.​ജി.​പി​യു​ടെ മ​ക​ളു​ടെ മൊ​ഴി പ്ര​കാ​ര​വും കേ​സെ​ടു​ത്തി​ട്ടു​ണ്ട്.  ര​ണ്ട് കേ​സും ക്രൈം ​ബ്രാ​ഞ്ച് എ.​ഡി.​ജി.​പി​യു​ടെ മേ​ല്‍നോ​ട്ട​ത്തി​ല്‍ അ​ന്വേ​ഷി​ക്കു​ക​യാ​ണ്​.  സ്വാ​ത​ന്ത്ര്യ​ല​ബ്​​ധി​ക്കു​ശേ​ഷം ഏ​ഴു പ​തി​റ്റാ​ണ്ടു ക​ഴി​ഞ്ഞി​ട്ടും ബ്രി​ട്ടീ​ഷ് പൊ​ലീ​സ് ഭ​ര​ണ​ത്തി​​​െൻറ ഇൗ ​ജീ​ർ​ണ സം​സ്‌​കാ​രം തു​ട​രു​ന്നു​വെ​ന്ന പ​രാ​തി ഗൗ​ര​വ​മാ​യ​താ​ണെ​ന്നും കെ.​എ​സ്. ശ​ബ​രീ​നാ​ഥ​​​െൻറ സ​ബ്​​മി​ഷ​നു​ള്ള മ​റു​പ​ടി​യി​ൽ മു​ഖ്യ​മ​ന്ത്രി ചൂ​ണ്ടി​ക്കാ​ട്ടി.