തെരഞ്ഞെടുപ്പിൽ കുഞ്ഞാലിക്കുട്ടിയുമായി അണിയറ ചർച്ച നടത്തിയ സി.പി.എം നേതാവിനെതിരെ നടപടി

കോഴിക്കോട്​: നിയമസഭ തെരഞ്ഞെടുപ്പ്​ വേളയിൽ മുസ്​ലിം ലീഗ്​ ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടിയുമായി അണിയറയിൽ ചർച്ചനടത്തിയ ഏരിയ കമ്മിറ്റി അംഗത്തി​െനതിരെ സി.പി.എം നടപടി. താമരശ്ശേരി ഏരിയ കമ്മിറ്റി അംഗം ഗിരീഷ്​ ജോണിനെയാണ്​ പാർട്ടിയുടെ തെരഞ്ഞെടുക്കപ്പെട്ട എല്ലാ സ്​ഥാനങ്ങളിൽ നിന്നും നീക്കുന്നത്​. ഇതോടെ ഇദ്ദേഹം പാർട്ടി ബ്രാഞ്ച്​ അംഗം മാ​ത്രമാവും. തിരുവമ്പാടിയിലെ തെരഞ്ഞെുടുപ്പ്​ പ്രചാരണത്തിനിടെയാണ്​ സംഭവം.

പുതുപ്പാടി ഗ്രാമ പഞ്ചായത്ത്​ മുൻ പ്രസിഡൻറുകൂടിയായ ഗിരീഷ്​ ജോണി​‍െൻറയും കൂടരഞ്ഞി പഞ്ചായത്ത്​ പ്രസിഡൻറും​ ലോക്കൽ സെക്രട്ടറിയുമായ ലി​േൻറാ ജോസഫി​‍െൻറയും പേരുകളാണ്​ തിരുവമ്പാടിയിലെ സ്​ഥാനാർഥി നിർണയവേളയിൽ സി.പി.എമ്മിൽ ഉയർന്നത്​. ചർച്ചക്കൊടുവിൽ ലി​േൻറാക്ക്​ നറുക്ക്​ വീണതോടെ ഗിരീഷ്​ തെരഞ്ഞെടുപ്പ്​ പ്രചാരണത്തിൽ നിന്ന്​ മാറിനിന്നു. ലോക്കൽ കമ്മിറ്റികളടക്കം ഇക്കാര്യത്തിൽ വിമർശനമുന്നയിച്ചതോടെ ​തെരഞ്ഞെടുപ്പിന്​ പിന്നാലെ വിഷയം താമരശ്ശേരി ഏരിയ കമ്മിറ്റി ചർച്ച ​െചയ്​ത്​ ജില്ല നേതൃത്വത്തി​‍െൻറ ​ശ്രദ്ധയിൽ പെടുത്തുകയായിരുന്നു.

പ്രതീക്ഷിച്ച തിരുവമ്പാടി സീറ്റ്​ കിട്ടാതെ വന്നപ്പോൾ എതിർസ്​ഥാനാർഥിയായ സി.പി. ചെറിയമുഹമ്മദി​‍െൻറ പാർട്ടിയുടെ ദേശീയ ജനറൽ സെക്രട്ടറിയുമായി ​കൂടിക്കാഴ്​ച നടത്തിയത്​ 'പൊറുക്കാനാവാത്ത കുറ്റ'മായാണ്​ ജില്ല നേതൃത്വം വിലയിരുത്തിയത്​. മാത്രമല്ല ഗിരീഷിന്​ കുഞ്ഞാലിക്കുട്ടിയിൽ നിന്ന്​ സ്​ഥാനാർഥിത്വത്തിൽ ലഭിച്ച 'ഓഫർ' യഥാസമയം പാർട്ടിയെ അറിയിച്ചില്ല.

നടപടി ഉടൻ കീഴ്​ഘടകങ്ങളിലേക്ക്​ റിപ്പോർട്ട്​ ​െചയ്യും. 4,643 വോട്ടി​‍െൻറ ഭൂരിപക്ഷത്തിലാണ്​ തിരുവമ്പാടിയിലിൽ ഇത്തവണ സി.പി.എം വിജയിച്ചത്​.