തദ്ദേശസ്ഥാപനങ്ങളിൽ അപേക്ഷകരെ ബുദ്ധിമുട്ടിക്കുന്ന ഉദ്യോഗസ്ഥർക്കെതിരെ നടപടിക്ക് നിർദേശം

പാ​ല​ക്കാ​ട്: അ​പേ​ക്ഷ​ക​രെ ബു​ദ്ധി​മു​ട്ടി​ക്കു​ന്ന ത​ദ്ദേ​ശ​വ​കു​പ്പ് ഉ​ദ്യോ​ഗ​സ്ഥ​ർ​ക്കെ​തി​രെ മു​ന്ന​റി​യി​പ്പി​ല്ലാ​തെ അ​ച്ച​ട​ക്ക ന​ട​പ​ടി​യെ​ടു​ക്കു​മെ​ന്ന് പ്രി​ൻ​സി​പ്പ​ൽ ഡ​യ​റ​ക്ട​റേ​റ്റി​ൽ നി​ന്ന് മു​ന്ന​റി​യി​പ്പ്. ത​​ദ്ദേ​ശ​സ്ഥാ​പ​ന​ങ്ങ​ളി​ൽ വി​വി​ധ ആ​വ​ശ്യ​ങ്ങ​ൾ​ക്കാ​യി സ​മീ​പി​ക്കു​ന്ന​വ​രെ ഉ​ദ്യോ​ഗ​സ്ഥ​ർ ബോ​ധ​പൂ​ർ​വം ബു​ദ്ധി​മു​ട്ടി​ക്കു​ന്ന സ​മീ​പ​നം തു​ട​രു​ന്ന​ത് അ​നു​വ​ദി​ക്കാ​നാ​വി​ല്ലെ​ന്ന് പ്രി​ൻ​സി​പ്പ​ൽ ഡ​യ​റ​ക്ട​ർ എം.​ജി. രാ​ജ​മാ​ണി​ക്യം ഉ​ത്ത​ര​വി​ൽ ചൂ​ണ്ടി​ക്കാ​ട്ടി.

അ​പേ​ക്ഷ​ക​ൾ ശ​രി​യാം​വി​ധം പ​രി​ശോ​ധി​ക്കാ​തെ​യും അ​പാ​ക​ത​ക​ളു​ണ്ടെ​ങ്കി​ൽ അ​വ അ​പേ​ക്ഷ​ക​രെ യ​ഥാ​സ​മ​യം അ​റി​യി​ക്കാ​തെ​യും ത​​ദ്ദേ​ശ​സ്ഥാ​പ​ന​ങ്ങ​ൾ അ​ലം​ഭാ​വം തു​ട​രു​ക​യാ​ണെ​ന്ന് വി​ജി​ല​ൻ​സ് റി​പ്പോ​ർ​ട്ട് ചെ​യ്തി​ട്ടു​ണ്ട്. ആ​വ​ശ്യ​ങ്ങ​ൾ​ക്കാ​യി അ​പേ​ക്ഷ​ക​ർ ത​ദ്ദേ​ശ​സ്ഥാ​പ​ന​ങ്ങ​ളി​ൽ പ​ല​ത​വ​ണ ക​യ​റി​യി​റ​ങ്ങേ​ണ്ട സ്ഥി​തി​യാ​ണ്.

ഈ ​അ​വ​സ്ഥ മാ​റ​ണം. അ​പേ​ക്ഷ സ​മ​ർ​പ്പി​ക്കു​ന്ന സ​മ​യ​ത്ത് ത​ന്നെ അ​നു​ബ​ന്ധ രേ​ഖ​ക​ളു​ണ്ടോ​യെ​ന്ന് പ​രി​ശോ​ധി​ക്ക​ണം. അ​പാ​ക​ത അ​ത​ത് സ​മ​യം അ​റി​യി​ക്ക​ണം. അ​നു​ബ​ന്ധ​രേ​ഖ​ക​ളു​ടെ ചെ​ക് ലി​സ്റ്റ് ഉ​ദ്യോ​ഗ​സ്ഥ​ർ ക​രു​തു​ക​യും അ​വ ഉ​റ​പ്പാ​ക്കു​ക​യും വേ​ണം. നി​ശ്ച​യി​ച്ച സ​മ​യ​പ​രി​ധി​ക്ക​കം അ​പേ​ക്ഷ​ക​ളി​ൽ തീ​ർ​പ്പാ​ക്ക​ണം.

തു​ട​ർ​ന്ന് രേ​ഖ​ക​ളി​ൽ അ​പാ​ക​ത ക​ണ്ടാ​ൽ അ​പേ​ക്ഷ​ക​ന് രേ​ഖാ​മൂ​ലം അ​റി​യി​പ്പ് ന​ൽ​ക​ണം. അ​പാ​ക​ത​ക​ൾ​ക്ക് അ​ടി​സ്ഥാ​ന​മാ​യ നി​യ​മ​ങ്ങ​ളും ച​ട്ട​ങ്ങ​ളും ഉ​ത്ത​ര​വു​ക​ളും പ​രാ​മ​ർ​ശി​ച്ച് വേ​ണം അ​റി​യി​പ്പ് ന​ൽ​കേ​ണ്ട​ത്. നി​ര​വ​ധി ത​വ​ണ അ​റി​യി​പ്പു​ക​ൾ ന​ൽ​കി അ​പേ​ക്ഷ​ക​നെ ഓ​ഫി​സി​ൽ വി​ളി​ച്ചു​വ​രു​ത്തേ​ണ്ട​തി​ല്ല. കാ​ല​താ​മ​സ​മു​ണ്ടാ​കു​ന്ന​തു​മാ​യി ബ​ന്ധ​പ്പെ​ട്ട് നി​ര​വ​ധി പ​രാ​തി​ക​ൾ വ​കു​പ്പു​ത​ല​ത്തി​ലും സ​ർ​ക്കാ​ർ ത​ല​ത്തി​ലും ഇ​പ്പോ​ഴു​മെ​ത്തു​ന്നു. അ​പേ​ക്ഷ​ക​ൾ സ​മ​യ​ബ​ന്ധി​ത​മാ​യി തീ​ർ​പ്പാ​ക്കാ​ൻ നി​ര​വ​ധി നി​ർ​ദേ​ശ​ങ്ങ​ൾ ഇ​തി​ന​കം ന​ൽ​കി.

അ​പേ​ക്ഷ​ക​രെ ബു​ദ്ധി​മു​ട്ടി​പ്പി​ക്കു​ന്ന ഉ​ദ്യോ​ഗ​സ്ഥ​ർ​ക്കെ​തി​രെ 1960 ലെ ​കേ​ര​ള സി​വി​ൽ സ​ർ​വി​സ​സ് (ത​രം​തി​രി​ക്ക​ലും നി​യ​ന്ത്ര​ണ​വും അ​പ്പീ​ലും) ച​ട്ട​ങ്ങ​ൾ പ്ര​കാ​രം മു​ന്ന​റി​യി​പ്പി​ല്ലാ​തെ ന​ട​പ​ടി സ്വീ​ക​രി​ക്കും.

പ​രാ​തി ല​ഭി​ച്ചാ​ൽ ഉ​ട​ൻ അ​ന്വേ​ഷ​ണം ന​ട​ത്തി പ്രി​ൻ​സി​പ്പ​ൽ ഡ​യ​റ​ക്ടേ​റ്റി​ലെ ചീ​ഫ് വി​ജി​ല​ൻ​സ് ഓ​ഫി​സ​ർ​ക്ക് നേ​രി​ട്ട് റി​പ്പോ​ർ​ട്ട് ചെ​യ്യാ​ൻ ജി​ല്ല​ക​ളി​ലെ ഇ​ന്റേ​ണ​ൽ വി​ജി​ല​ൻ​സ് ഓ​ഫി​സ​ർ​മാ​രെ ചു​മ​ത​ല​പ്പെ​ടു​ത്തി. ഈ ​നി​ർ​ദേ​ശം എ​ല്ലാ ഉ​ദ്യോ​ഗ​സ്ഥ​രി​ലും എ​ത്തി​യി​ട്ടു​ണ്ടെ​ന്ന് ഉ​റ​പ്പാ​ക്ക​ണ​മെ​ന്ന് ത​ദ്ദേ​ശ സെ​ക്ര​ട്ട​റി​മാ​രോ​ട് നി​ർ​ദേ​ശി​ച്ചു.