നടിയെ ആക്രമിച്ചതിൽ ഗൂഢാലോചനയില്ലെന്ന് മുഖ്യമന്ത്രി പറഞ്ഞത് അന്നത്തെ വിവരങ്ങളുടെ അടിസ്ഥാനത്തിൽ

കോഴിക്കോട്: നടിക്കെതിരെ ആക്രമണം നടന്ന സംഭവത്തിൽ ഗൂഢാലോചനയൊന്നുമില്ലെന്ന്​ മുഖ്യമന്ത്രി പ്രതികരിച്ചത്​ അപ്പോൾ ലഭ്യമായ വിവരങ്ങൾ ​െവച്ചാണെന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ. ടൗൺഹാളിൽ മാധ്യമപ്രവര്‍ത്തകരോട്​ പ്രതികരിക്കുകയായിരുന്നു അദ്ദേഹം. പുതിയ വിവരങ്ങള്‍ പുറത്തുവരു​േമ്പാൾ കാര്യങ്ങൾ മാറും. നടന്‍ ദിലീപിനെ ദീർഘമായി ചോദ്യം ചെയ്​തതിനോടുള്ള പ്രതികരണമാരാഞ്ഞപ്പോൾ എത്ര മണിക്കൂര്‍ ചോദ്യം ചെയ്യണമെന്ന്​ പുറത്തുനിന്നുള്ളവർക്ക്​ നിര്‍ദേശിക്കാനാവില്ലെന്നായിരുന്നു  മറുപടി.

പൊലീസ് അന്വേഷണവും ചോദ്യം ചെയ്യലും വഴിക്കു നടക്കും. പാര്‍ട്ടി ഇക്കാര്യത്തിൽ ഇടപെടില്ല. സെല്‍ഭരണമൊന്നുമല്ല ഇവിടെ നടക്കുന്നത്. പൊലീസ്​ ഏത്​ ചോദ്യം ചോദിക്കണമെന്നൊക്കെ എഴുതിക്കൊടുത്തുള്ള അന്വേഷണം ബി.ജെ.പി ഭരിക്കുന്നിടങ്ങളിലാണ്​ നടക്കുക. പൊലീസ് അന്വേഷണം അതി​​​െൻറ വഴിക്കുതന്നെ നടക്കുമെന്നും എന്തെങ്കിലും അഭിപ്രായം പറഞ്ഞാൽ അത്​​ കേസ് അന്വേഷണത്തിൽ ഇടപെടലായി മാറുമെന്നും കോടിയേരി പറഞ്ഞു.