'അഭിഭാഷകരിൽ നിന്ന് അവഹേളിക്കുന്ന ചോദ്യങ്ങള് ഉണ്ടായിട്ടും കോടതി ഇടപെട്ടില്ല'; വിചാരണ കോടതി മാറ്റണമെന്ന് നടി
text_fieldsകൊച്ചി: വിചാരണ കോടതി മാറ്റണമെന്നാവശ്യപ്പെട്ട് അക്രമിക്കപ്പെട്ട നടി ൈഹേകാടതിയിൽ ഹരജി നൽകി.
കോടതി പക്ഷപാതപരമായി പെരുമാറുന്നു എന്നാരോപിച്ചാണ് പരാതിക്കാരി ഹൈകോടതിയില് എത്തിയിരിക്കുന്നത്. വിസ്താരം നടക്കുമ്പോള് പ്രതിഭാഗത്തുനിന്ന് മാനസികമായി വിഷമിപ്പിക്കുന്ന രീതിയിലുള്ള ചോദ്യങ്ങള് ഉണ്ടായിട്ടും കോടതി ഇടപെട്ടില്ലെന്നും ഹരജിയില് പറയുന്നു. വനിതാ ജഡ്ജിയാണ് കേസില് വാദം കേള്ക്കുന്നത്.
നേരത്തേ വിചാരണക്കോടതിയില് പ്രോസിക്യൂഷന് ഇക്കാര്യം ഉന്നയിച്ചതിനെ തുടര്ന്ന് വിചാരണ നടപടികള് നിര്ത്തിവെച്ചിരുന്നു.
എറണാകുളത്തെ പ്രത്യേക കോടതിയില് അടച്ചിട്ട മുറിയിലാണ് വിചാരണ നടക്കുന്നത്. നടപടികള് പൂര്ത്തിയാക്കി ജനുവരിയില് വിധി പറയണമെന്ന് സുപ്രീംകോടതി നിര്ദേശമുണ്ട്. കോവിഡ് പശ്ചാത്തലത്തില് ജഡ്ജിയുടെ ആവശ്യപ്രകാരം നീട്ടി നല്കിയ സമയമാണിത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.