നഗരസഭകളിൽ പി.എ നിയമനം: മാസംതോറും തനതുഫണ്ടിൽനിന്ന്​ ചോരുക​ 18.42 ലക്ഷത്തോളം രൂപ

തി​രു​വ​ന​ന്ത​പു​രം: പേ​ഴ്​​സ​ന​ൽ അ​സി​സ്റ്റ​ന്‍റു​മാ​രെ നി​യ​മി​ക്കാ​ൻ സ​ർ​ക്കാ​ർ അ​നു​മ​തി ന​ൽ​കി​യ​തോ​ടെ ന​ഗ​ര​സ​ഭ​ക​ൾ​ക്ക്​ മാ​സം​തോ​റും വ​രു​ന്ന​ത്​ 18.42 ല​ക്ഷ​ത്തോ​ളം അ​ധി​ക​ബാ​ധ്യ​ത. ത​ന​ത്​​ഫ​ണ്ടി​ൽ​നി​ന്ന്​ ആ​വ​ശ്യ​മാ​യ തു​ക ക​ണ്ടെ​ത്ത​ണ​മെ​ന്നാ​ണ്​ നി​ർ​ദേ​ശം. ദൈ​നം​ദി​ന കാ​ര്യ​ങ്ങ​ൾ​ക്കു​പോ​ലും ത​ന​തു​ഫ​ണ്ട്​ മ​തി​യാ​കാ​ത്ത സാ​ഹ​ച​ര്യ​ത്തി​ൽ ഇ​ത്​ എ​ങ്ങ​നെ മ​റി​ക​ട​ക്കു​മെ​ന്ന്​ ആ​ശ​ങ്ക​യു​ണ്ട്.

ന​ഗ​ര​സ​ഭ അ​ധ്യ​ക്ഷ​ന്മാ​ർ​ക്ക്​ ഇ​ഷ്ട​പ്ര​കാ​രം ക​രാ​ർ അ​ടി​സ്ഥാ​ന​ത്തി​ലോ ദി​വ​സ​വേ​ത​നാ​ടി​സ്ഥാ​ന​ത്തി​ലോ ക്ല​ർ​ക്കി​ന് തു​ല്യ​മാ​യ രീ​തി​യി​ൽ പി.​എ​മാ​രെ നി​യ​മി​ക്കാ​നാ​ണ്​ അ​നു​മ​തി. ഇ​വ​ർ​ക്ക്​ ക​രാ​ർ, ദി​വ​സ​വേ​ത​നാ​ടി​സ്ഥാ​ന​ത്തി​ൽ ക്ല​ർ​ക്കു​മാ​ർ​ക്ക് നി​ശ്ച​യി​ച്ച ശ​മ്പ​ളം ല​ഭി​ക്കും. ക​രാ​ർ അ​ടി​സ്ഥാ​ന​ത്തി​ൽ 21,175 രൂ​പ​യാ​ണ് പ്ര​തി​മാ​സം ല​ഭി​ക്കു​ക.

ദി​വ​സ​വേ​ത​നാ​ടി​സ്ഥാ​ന​ത്തി​ലാ​ണെ​ങ്കി​ൽ 20,385 രൂ​പ​യാ​കും. ഇ​തോ​ടെ സം​സ്ഥാ​ന​ത്തെ 87 ന​ഗ​ര​സ​ഭ​ക​ളി​ലാ​യി 87 പി.​എ​മാ​രെ ഉ​ട​ൻ​നി​യ​മി​ക്കും. ക​ഴി​ഞ്ഞ സ​ർ​ക്കാ​ർ കാ​ല​ത്ത് അ​ത​ത് ന​ഗ​ര​സ​ഭ​ക​ളി​ലെ ഒ​രു ക്ല​ർ​ക്കി​നെ അ​ധ്യ​ക്ഷ​ന്മാ​രു​ടെ പി.​എ ആ​ക്കാ​ൻ അ​നു​മ​തി ന​ൽ​കി ഉ​ത്ത​ര​വാ​യി​രു​ന്നു.

എ​ന്നാ​ൽ ക്ല​ർ​ക്കു​മാ​രു​ടെ കു​റ​വ്​ കാ​ര​ണം ഇ​ത് പ്രാ​യോ​ഗി​ക​മ​ല്ലെ​ന്ന് ന​ഗ​ര​സ​ഭ അ​ധ്യ​ക്ഷ​ന്മാ​രു​ടെ സം​ഘ​ട​ന​യാ​യ ചേം​ബ​ർ ഓ​ഫ് മു​നി​സി​പ്പ​ൽ ചെ​യ​ർ​മാ​ൻ കേ​ര​ള ക​ഴി​ഞ്ഞ ന​വം​ബ​റി​ൽ സ​ർ​ക്കാ​റി​ന് ക​ത്ത് ന​ൽ​കി​യി​രു​ന്നു. മേ​യ​ർ​മാ​രു​ടെ പി.​എ​മാ​രെ ഡെ​പ്യൂ​ട്ടേ​ഷ​ൻ വ്യ​വ​സ്ഥ​യി​ലാ​ണ് നി​യോ​ഗി​ക്കു​ന്ന​ത്. ഇതാണെങ്കിൽ പ്ര​ത്യേ​ക സാ​മ്പ​ത്തി​ക​ബാ​ധ്യ​ത വ​രി​ല്ല.