എ.ഡി.ജി.പി-ആർ.എസ്​.എസ്​ കൂടിക്കാഴ്​ച; അന്വേഷണ നിർദേശം ആരോപണങ്ങൾക്ക്​ തടയിടാനുള്ള ​ശ്രമം

തി​രു​വ​ന​ന്ത​പു​രം: എ.​ഡി.​ജി.​പി എം.​ആ​ർ. അ​ജി​ത്​​കു​മാ​റും ആ​ർ.​എ​സ്.​എ​സ്​ നേ​താ​ക്ക​ളും ത​മ്മി​ലു​ള്ള കൂ​ടി​ക്കാ​ഴ്ച​യു​ടെ അ​ന്വേ​ഷ​ണ​ത്തി​ന്‍റെ ഭാ​വി​യി​ൽ​ ആ​ശ​ങ്ക. പ്ര​തി​പ​ക്ഷ​മു​ൾ​പ്പെ​ടെ ഉ​ന്ന​യി​ച്ച ആ​രോ​പ​ണ​ങ്ങ​ൾ​ക്ക്​ ത​ട​യി​ടാ​നു​ള്ള ​ശ്ര​മ​മാ​ണ്​ അ​ന്വേ​ഷ​ണ നി​ർ​ദേ​ശ​മെ​ന്ന്​ വി​മ​ർ​ശ​ന​മു​യ​ർ​ന്നു ക​ഴി​ഞ്ഞു.

കേ​സ് ര​ജി​സ്റ്റ​ർ ചെ​യ്തു​ള്ള അ​ന്വേ​ഷ​ണം സാ​ധ്യ​മാ​കി​ല്ല എ​ന്ന​താ​ണ്​ പ്ര​ധാ​ന വെ​ല്ലു​വി​ളി. കൂ​ടി​ക്കാ​ഴ്ച​യി​ൽ സ​ർ​വി​സ്​ ച​ട്ട​ലം​ഘ​ന​മോ ഔ​ദ്യോ​ഗി​ക പ​ദ​വി ദു​രു​പ​യോ​ഗ​മോ ഉ​ണ്ടെ​ങ്കി​ൽ മാ​ത്ര​മേ ന​ട​പ​ടി​ക്ക്​ സാ​ധ്യ​ത​യു​ള്ളൂ. കേ​സ് ര​ജി​സ്റ്റ​ർ ചെ​യ്തു​ള്ള അ​ന്വേ​ഷ​ണം സാ​ധ്യ​മാ​കാ​ത്ത​തി​നാ​ൽ ആ​ർ.​എ​സ്.​എ​സി​ന്‍റെ ഉ​ന്ന​ത നേ​താ​ക്ക​ളാ​യ ഹൊ​സ​ബാ​ലെ​യു​ടെ​യും രാം ​മാ​ധ​വി​ന്‍റെ​യും മൊ​ഴി രേ​ഖ​പ്പെ​ടു​ത്താ​ൻ അ​ന്വേ​ഷ​ണ സം​ഘ​ത്തി​ന്​ ക​ഴി​യി​ല്ല. അ​തേ​സ​മ​യം, അ​ജി​ത് കു​മാ​റി​നൊ​പ്പം കൂ​ടി​ക്കാ​ഴ്ച​യി​ൽ പ​ങ്കെ​ടു​ത്ത ആ​ർ.​എ​സ്.​എ​സ് നേ​താ​വ് എ. ​ജ​യ​കു​മാ​റി​ന്‍റെ​യും ക​ണ്ണൂ​ർ സ്വ​ദേ​ശി​യാ​യ വ്യ​വ​സാ​യി അ​ട​ക്ക​മു​ള്ള​വ​രു​ടെ​യും മൊ​ഴി​യെ​ടു​ക്കാ​നാ​ണ്​ ഡി.​ജി.​പി​യു​ടെ തീ​രു​മാ​നം.

2023 മേ​യ് 22ന് ​തൃ​ശൂ​രി​ൽ ആ​ർ.​എ​സ്.​എ​സ് നേ​താ​വ് ദ​ത്താ​ത്രേ​യ ഹൊ​സ​ബാ​ലെ​യു​മാ​യി ന​ട​ത്തി​യ കൂ​ടി​ക്കാ​ഴ്ച, ഇ​തി​ന്‍റെ 10ാം ദി​വ​സം ജൂ​ൺ ര​ണ്ടി​ന് തി​രു​വ​ന​ന്ത​പു​രം കോ​വ​ള​ത്തെ ഹോ​ട്ട​ലി​ൽ ആ​ർ.​എ​സ്.​എ​സ് നേ​താ​വ് രാം ​മാ​ധ​വു​മാ​യി ന​ട​ത്തി​യ കൂ​ടി​ക്കാ​ഴ്ച എ​ന്നി​വ​യാ​ണ് സം​സ്ഥാ​ന പൊ​ലീ​സ് മേ​ധാ​വി ഷെ​യ്ഖ് ദ​ർ​വേ​ശ് സാ​ഹി​ബ് അ​ന്വേ​ഷി​ക്കു​ക.

ഈ ​കൂ​ടി​ക്കാ​ഴ്ച​ക​ളി​ൽ സ​ർ​വി​സ് ച​ട്ട​ലം​ഘ​ന​മു​ണ്ടോ എ​ന്ന​ ക​ണ്ടെ​ത്ത​ലി​നാ​ണ് മു​ൻ​ഗ​ണ​ന. എ.​ഡി.​ജി.​പി ഔ​ദ്യോ​ഗി​ക പ​ദ​വി ദു​രു​പ​യോ​ഗം ചെ​യ്തി​ട്ടു​ണ്ടോ, കൂ​ടി​ക്കാ​ഴ്ച​ക്ക്​ അ​നു​മ​തി തേ​ടി​യോ എ​ന്നീ കാ​ര്യ​ങ്ങ​ൾ അ​ന്വേ​ഷി​ക്കും.

എ​ന്നാ​ൽ, കൂ​ടി​ക്കാ​ഴ്ച​യു​ടെ ഉ​ദ്ദേ​ശ്യ​മോ, കൂ​ടി​ക്കാ​ഴ്ച​യി​ൽ സം​സാ​രി​ച്ച കാ​ര്യ​ങ്ങ​ളോ ക​ണ്ടെ​ത്ത​ൽ ശ്ര​മ​ക​ര​മാ​ണ്. എ.​ഡി.​ജി.​പി​യു​ടെ​യും കൂ​ടി​ക്കാ​ഴ്ച​യി​ൽ പ​ങ്കെ​ടു​ത്ത​വ​രു​ടെ​യും മൊ​ഴി​ക​ൾ രേ​ഖ​പ്പെ​ടു​ത്തു​ന്ന​തി​ന​പ്പു​റം അ​ന്വേ​ഷ​ണം മു​ന്നോ​ട്ടു പോ​കി​ല്ലെ​ന്ന്​ ചു​രു​ക്കം.

സ​ർ​വി​സ്​ ച​ട്ട​ലം​ഘ​ന​മോ ഔ​ദ്യോ​ഗി​ക പ​ദ​വി ദു​രു​പ​യോ​ഗ​മോ ക​ണ്ടെ​ത്തി​യാ​ലും നി​യ​മ​ലം​ഘ​ന​മാ​യി ക​ണ​ക്കാ​ക്കാ​നാ​വി​ല്ലെ​ന്നും സ്വ​കാ​ര്യ സ​ന്ദ​ർ​ശ​ന​മാ​യി​രു​ന്നു എ​ന്ന്​ വി​ശ​ദീ​ക​രി​ച്ചാ​ൽ ​അ​ന്വേ​ഷ​ണ​ത്തി​ന്‍റെ​ പ്ര​സ​ക്തി ഇ​ല്ലാ​താ​കു​മെ​ന്നും നി​യ​മ​വി​ദ​ഗ്​​ധ​ർ ചൂ​ണ്ടി​ക്കാ​ട്ടു​ന്നു. മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ ഏ​ജ​ന്‍റാ​യാ​ണ്​ അ​ജി​ത്​​കു​മാ​റി​ന്‍റെ കൂ​ടി​ക്കാ​ഴ്ച​യെ​ന്നാ​യി​രു​ന്നു​ പ്ര​തി​പ​ക്ഷ​ത്തി​ന്‍റെ ആ​രോ​പ​ണം.