എ.ഡി.എമ്മിന്റെ മരണം; തെളിവുകള്‍ സംരക്ഷിക്കൽ: ഹരജിയില്‍ വിധി മൂന്നിന്

ക​ണ്ണൂ​ര്‍: മു​ൻ എ.​ഡി.​എം ന​വീ​ന്‍ ബാ​ബു​വി​ന്റെ മ​ര​ണ​വു​മാ​യി ബ​ന്ധ​പ്പെ​ട്ട കേ​സി​ലെ ഡി​ജി​റ്റ​ൽ തെ​ളി​വു​ക​ൾ ഉ​ൾ​പ്പെ​ടെ സം​ര​ക്ഷി​ക്ക​ണ​മെ​ന്ന് ആ​വ​ശ്യ​പ്പെ​ട്ട് കു​ടും​ബം ന​ല്‍കി​യ ഹ​ര​ജി​യി​ല്‍ ക​ണ്ണൂ​ർ ഒ​ന്നാം ക്ലാ​സ് മ​ജി​സ്ട്രേ​റ്റ് കോ​ട​തി ഡി​സം​ബ​ർ മൂ​ന്നി​ന് വി​ധി പ​റ​യും. കേ​സി​ലെ പ്ര​തി പി.​പി. ദി​വ്യ, പ​മ്പു​ട​മ ടി.​വി. പ്ര​ശാ​ന്ത്, ജി​ല്ല ക​ല​ക്ട​ര്‍ അ​രു​ൺ കെ. ​വി​ജ​യ​ൻ എ​ന്നി​വ​രു​ടെ ഫോ​ണ്‍ രേ​ഖ​ക​ളും സി.​സി ടി.​വി ദൃ​ശ്യ​ങ്ങ​ളും ഉ​ൾ​പ്പെ​ടെ തെ​ളി​വു​ക​ൾ സം​ര​ക്ഷി​ക്ക​ണ​മെ​ന്നാ​വ​ശ്യ​പ്പെ​ട്ടാ​ണ് കോ​ട​തി​യെ സ​മീ​പി​ച്ച​ത്. ക​ല​ക്ട​ര്‍ ഉ​പ​യോ​ഗി​ക്കു​ന്ന ഒ​രു ഫോ​ണി​ലെ കാ​ള്‍ റെ​ക്കോ​ഡു​ക​ള്‍ മാ​ത്ര​മേ അ​ന്വേ​ഷ​ണ​സം​ഘം പ​രി​ശോ​ധി​ച്ചി​ട്ടു​ള്ളൂ​. തെ​ളി​വു​ക​ള്‍ സം​ര​ക്ഷി​ക്കാ​ന്‍ അ​ന്വേ​ഷ​ണ ഉ​ദ്യോ​ഗ​സ്ഥ​ന്‍ ടെ​ലി​​ഫോ​ൺ ക​മ്പ​നി​ക​ൾ​ക്ക് നി​ര്‍ദേ​ശം ന​ല്‍ക​ണ​ണ​ം.

കേ​സു​മാ​യി ബ​ന്ധ​പ്പെ​ട്ട എ​ല്ലാ തെ​ളി​വു​ക​ളും ശേ​ഖ​രി​ച്ചി​ട്ടു​ണ്ടെ​ന്ന് പ്രോ​സി​ക്യൂ​ഷ​ന്‍ അ​റി​യി​ച്ചു. എ​ന്നാ​ൽ, പ്ര​തി​ക​ളു​ടേ​ത് ഉ​ൾ​പ്പ​ടെ​യു​ള്ള​വ​രു​ടെ ഫോ​ണി​ലേ​ക്ക് വ​ന്ന ന​മ്പ​റു​ക​ൾ റി​പ്പോ​ര്‍ട്ടി​ല്‍ വ്യ​ക്ത​മ​ല്ലെ​ന്ന് കു​ടും​ബം ഉ​ന്ന​യി​ച്ചു. പ്ര​തി​ക​ള​ല്ലാ​ത്ത​വ​രു​ടെ ഫോ​ണ്‍ രേ​ഖ​ക​ള്‍ എ​ടു​ക്കു​ന്ന​ത് സ്വ​കാ​ര്യ​ത​യെ ബാ​ധി​ക്കി​ല്ലേ​യെ​ന്ന് കോ​ട​തി ചോ​ദി​ച്ചു. ഇ​തി​നു പി​ന്നാ​ലെ​യാ​ണ് വി​ധി​പ​റ​യു​ന്ന​ത് മാ​റ്റി​യ​ത്. അ​ന്വേ​ഷ​ണത്തി​ല്‍ തൃ​പ്തി ഇ​ല്ലെ​ന്നും കേ​സ് അ​ന്വേ​ഷ​ണം മ​റ്റൊ​രു ഏ​ജ​ന്‍സി​ക്ക് കൈ​മാ​റു​ന്ന കാ​ര്യം പ​രി​ഗ​ണി​ക്കേ​ണ്ടി​വ​രു​മെ​ന്നും കു​ടും​ബ​ത്തി​ന്റെ അ​ഭി​ഭാ​ഷ​ക പി.​എം. സ​ജി​ത പി​ന്നീ​ട് മാ​ധ്യ​മ​ങ്ങ​ളോ​ട് പ​റ​ഞ്ഞു.