20 വർഷത്തിനിപ്പുറം കരിഷ്മ മടങ്ങുന്നു; കുടുംബത്തിന്‍റെ കുളിർമയിലേക്ക്

മ​ല​പ്പു​റം: ഓ​ൺ​ലൈ​നി​ലൂ​ടെ മ​ക്ക​ളെ ക​ണ്ട​പ്പോ​ൾ ക​രി​ഷ്മ​യു​ടെ നെ​ഞ്ച് പി​ട​ഞ്ഞു, തൊ​ണ്ട​യി​ട​റി, വാ​ക്കു​ക​ൾ മു​റി​ഞ്ഞ് തേ​ങ്ങ​ലാ​യി. 20 വ​ർ​ഷ​ത്തി​ന്റെ വി​ട​വു​ണ്ടാ​യി​ട്ടും മ​ക്ക​ളെ ക​ണ്ട് തി​രി​ച്ച​റി​യാ​ൻ അ​വ​ർ​ക്ക് അ​ധി​ക നി​മി​ഷം വേ​ണ്ടി​വ​ന്നി​ല്ല. ക​ര​ഞ്ഞു​തീ​ർ​ത്ത അ​നേ​കം രാ​പ​ക​ലു​ക​ൾ​ക്കൊ​ടു​വി​ൽ കു​ടും​ബ​ത്തി​ന്‍റെ ത​ണ​ലി​ലേ​ക്ക് തി​രി​കെ പോ​കു​ന്ന​തി​ന്‍റെ നി​ർ​വൃ​തി​യി​ലാ​ണ് മ​ഹാ​രാ​ഷ്ട്ര റോ​ഹ റാ​യ്ഗഡ് സ്വ​ദേ​ശി​നി​യാ​യ ഈ 50​കാ​രി.

യൗ​വ​ന​ത്തി​ലു​ണ്ടാ​യ മാ​ന​സി​കാ​സ്വാ​സ്ഥ്യ​ത്തി​ൽ ക​രി​ഷ്മ​ക്ക് ന​ഷ്ട​മാ​യ​ത് കു​ടും​ബ​ത്തി​ന്റെ സാ​മീ​പ്യ​വും 20 വ​ർ​ഷ​ത്തെ സു​ന്ദ​ര ജീ​വി​ത​വു​മാ​ണ്. റോ​ഹ താ​ലൂ​ക്കി​ലെ വാ​ങ്ഡി ഗ്രാ​മ​ത്തി​ലെ അം​ഗ​ൻ​വാ​ടി​യി​ൽ അ​ധ്യാ​പി​ക​യാ​യി​രു​ന്നു അ​വ​ർ. മാ​ന​സി​കാ​സ്വാ​സ്ഥ്യ​ത്തെ തു​ട​ർ​ന്ന് കു​ടും​ബ​ത്തെ അ​റി​യി​ക്കാ​തെ നാ​ടു​വി​ട്ടി​റ​ങ്ങി. പി​ഞ്ചു കു​ഞ്ഞു​ങ്ങ​ളെ വി​ദ്യാ​ല​യ​ത്തി​ലാ​ക്കി​യാ​ണ് വീ​ട് വി​ട്ട​ത്. നാ​ല​ഞ്ചു വ​ർ​ഷം എ​വി​ടെ​യൊ​ക്കെ​യോ അ​ല​ഞ്ഞു. ഒ​ടു​വി​ൽ 15 വ​ർ​ഷം മു​മ്പ് മ​ല​പ്പു​റം പെ​രി​ന്ത​ൽ​മ​ണ്ണ​യി​ലെ​ത്തി. അ​വി​ടെ​നി​ന്ന് പൊ​ലീ​സാ​ണ് ത​വ​നൂ​രി​ലെ റെ​സ്ക്യൂ ഹോ​മി​ലാക്കു​ന്ന​ത്. ക​രി​ഷ്മ നാ​ട് വി​ട്ട​തു മു​ത​ൽ ഭ​ർ​ത്താ​വും സ​ഹോ​ദ​ര​നും കു​ടും​ബ​വു​മാ​ണ് മ​ക്ക​ളോ​ടൊ​പ്പ​മു​ണ്ടാ​യി​രു​ന്ന​ത്. ക​രി​ഷ്മ തി​രി​ച്ചു​വ​രു​മെ​ന്ന പ്ര​തീ​ക്ഷ​യി​ൽ ഭ​ർ​ത്താ​വ് മ​ക്ക​ളെ നേ​ഞ്ചോ​ട് ചേ​ർ​ത്ത് വ​ള​ർ​ത്തി. മ​ക​ൻ അ​ക്ഷ​യി​ന് ഇ​പ്പോ​ൾ 25ഉം ​മ​ക​ൾ​ക്ക് 26ഉം ​വ​യ​സ്സാ​യി. മ​ക​ൾ ഭ​ർ​ത്താ​വി​നൊ​പ്പം മും​ബൈ​യി​ൽ താ​മ​സി​ക്കു​ന്നു. മ​ക​നും ജോ​ലി​യു​മാ​യി മും​ബൈ​യി​ൽ ത​ന്നെ.

ക​ഴി​ഞ്ഞ ദി​വ​സ​മാ​ണ് അ​ങ്ങ​ക​ലെ​യു​ള്ള കു​ടും​ബ​ത്തോ​ട് വി​ഡി​യോ ചാ​റ്റി​ലൂ​ടെ സം​സാ​രി​ക്കാ​ൻ ക​രി​ഷ്മ​ക്ക് സാ​ധി​ച്ച​ത്. കാ​ണാ​താ​യ ആ​ളു​ക​ളെ ക​ണ്ടെ​ത്തു​ന്ന ‘മി​സി​ങ് പേ​ഴ്സ​ൻ കേ​ര​ള’ വാ​ട്ട്സ്ആ​പ്പ് ഗ്രൂ​പ്പാ​ണ് ക​രി​ഷ്മ​യു​ടെ ജീ​വി​ത​ത്തി​ലേ​ക്ക് വെ​ളി​ച്ചം വീ​ശി​യ​ത്. ഗ്രൂ​പ്പി​ന്‍റെ അ​ഡ്മി​ൻ ഒ.​കെ.​എം. അ​ഷ്റ​ഫി​ന്റെ പ്ര​യ​ത്ന​മാ​ണ് ഫ​ലം ക​ണ്ട​ത്. മ​ഹാ​രാ​ഷ്ട്ര​യി​ലെ സാ​മൂ​ഹി​ക പ്ര​വ​ർ​ത്ത​ക​ൻ മു​ന്നു ശ​ർ​മ​യു​ടെ സ​ഹാ​യം നി​ർ​ണാ​യ​ക​മാ​യി. മാ​ർ​ച്ച് ഏ​ഴി​ന് ത​ല​ശ്ശേ​രി ചി​ൽ​ഡ്ര​ൻ​സ് ഹോം ​ചൈ​ൽ​ഡ് വെ​ൽ​ഫെ​യ​ർ ഇ​ൻ​സ്പെ​ക്ട​ർ അ​ഷ്റ​ഫ് മ​ന്നു ശ​ർ​മ​യെ ബ​ന്ധ​പ്പെ​ട്ട​തോ​ടെ​യാ​ണ് വി​വ​ര​ങ്ങ​ൾ പു​റ​ത്ത​റി​യു​ന്ന​ത്. തു​ട​ർ​ന്ന് ഗ്രാ​മ​ത്ത​ല​വ​നു​മാ​യി വി​ഡി​യോ കോ​ളി​ലൂ​ടെ സം​സാ​രി​ച്ചു.

നാ​ട്ടി​ലേ​ക്ക് തി​രി​കെ പോ​ക​ണ​മെ​ങ്കി​ൽ അ​വി​ടെ​നി​ന്ന് രേ​ഖ​ക​ൾ ഹാ​ജ​രാ​ക്ക​ണം. അ​വ ഒ​രു​ക്കു​ന്ന​തി​ന്‍റെ ശ്ര​മ​ത്തി​ലാ​ണ് മ​ക്ക​ളും ഭ​ർ​ത്താ​വു​മി​പ്പോ​ൾ. ശ​രി​യാ​യി ക​ഴി​ഞ്ഞാ​ൽ അ​ടു​ത്ത ദി​വ​സം ത​ന്നെ കു​ടും​ബം ത​വ​നൂ​രി​ലെ​ത്തും. തു​ട​ർ​ന്ന് ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി നാ​ട്ടി​ലേ​ക്ക് മ​ട​ങ്ങാം.