സത്യപ്രതിജ്ഞയിലെ 'ആയ ഞാൻ' 'എന്ന ഞാനാ'ക്കിയ കഥ; പിന്നിൽ വിരമിച്ച ബാങ്ക്​ ഉദ്യോഗസ്​ഥ​െൻറ ഏഴുവർഷത്തെ പരിശ്രമം

തിരുവനന്തപുരം: മേയ്​ 20 ന്​ പിണറായി വിജയൻ മുഖ്യമന്ത്രിയായി സത്യപ്രതിജ്ഞ ചെയ്​തപ്പോൾ 'പിണറായി വിജയൻ ആയ ഞാൻ' എന്നായിരുന്നു സത്യവാചകം. എന്നാൽ, തിങ്കളാഴ്​ച എം.എൽ.എ ആയി സത്യപ്രതിജ്ഞ ചെയ്​തപ്പോൾ അത്​ 'പിണറായി വിജയൻ എന്ന ഞാൻ' ആയി. പിണറായി മാത്രമല്ല മറ്റെല്ലാവരും സ്വ​ന്ത്യം പേരിനൊപ്പം 'എന്ന ഞാൻ' എന്ന വാക്ക​ുചേർതതായിരുന്നു സത്യപ്രതിജ്ഞ ചൊല്ലിയത്​. ഇംഗ്ലീഷിൽനിന്ന്​ മലയാളത്തിലേക്ക്​ പരിഭാഷ ചെയ്​തതാണല്ലോ സത്യപ്രതിജ്ഞ. അതിനാൽ തന്നെ മലയാളത്തിലേക്ക്​ സത്യപ്രതിജ്ഞ പരിഭാഷ ചെയ്​തപ്പോൾ 'ഐ' എന്ന ഇംഗ്ലീഷ്​ വാക്കിന്​ പകരം 'ആയ ഞാൻ' എന്ന പ്രയോഗം വന്നു.

തിങ്കളാഴ്​ച സത്യപ്രതിജ്ഞയിൽ 'ആയ ഞാൻ' വാക്ക്​ മാറി 'എന്ന ഞാൻ' എന്ന ശരിയായ പരിഭാഷ ഉപയോഗിച്ചതിന്​ പിന്നിൽ ഒരു മലയാളിയു​ടെ ഏഴു വർഷത്തെ പരിശ്രമമുണ്ട്​. വിരമിച്ച ബാങ്ക്​ ഉദ്യോഗസ്​ഥനായ വർഗീസ്​ അലക്​സാണ്ടറാണ്​ ഇൗ മാറ്റത്തിന്​ പിന്നിൽ. 2014ലെ ​ലോക്​സഭ തെരഞ്ഞെടുപ്പിൽ ചാലക്കുടിയിൽനിന്ന്​ എൽ.ഡി.എഫ്​ എം.പിയായി തെരഞ്ഞെടുക്കപ്പെട്ട ഇന്നസെൻറ്​ 'ആയ ഞാൻ' എന്ന വാക്ക്​ ഉപയോഗിച്ച്​ സത്യപ്രതിജ്ഞ ചെയ്യുന്നതിനിടെയാണ്​ ശരിയായ മലയാളം വാക്കി​െൻറ ആവശ്യകത​ 73 കാരനായ ഇദ്ദേഹം തിരിച്ചറിഞ്ഞത്​. ഇതോടെ 'ആയ' എന്ന പദത്തിന്​ പകരം 'എന്ന' വാക്ക്​ ഉപയോഗിക്കാമെന്ന്​ അദ്ദേഹം തിരിച്ചറിഞ്ഞു.

ഇന്ത്യൻ ഭരണഘടന അനുസരിച്ച്​ സത്യപ്രതിജ്ഞ മലയാളത്തിലാക്കിയപ്പോഴാണ്​ 'ആയ ഞാൻ' എന്ന പദം ഉപയോഗിച്ചത്​. പ്രിൻറ്​ ചെയ്യുന്ന സത്യപ്രതിജ്ഞയിൽ തിരുത്തലുകൾ വരുത്താതെ ഇതിൽ മാറ്റം വരുത്താൻ കഴിയില്ലെന്ന്​ സെക്രട്ടറിയറ്റിലെ സുഹൃത്തുക്കൾ അദ്ദേഹത്തെ അറിയിക്കുകയും ചെയ്​തു.

തുടർന്ന്​ മലയാള പരിഭാഷ പരിഷ്​കരിക്കണം എന്ന ആവശ്യവുമായി അദ്ദേഹം ഭാഷാ വകുപ്പിനെ സമീപിക്കുകയായിരുന്നു. അലക്​സാണ്ടറി​െൻറ നിർദേശം അന്നത്തെ സെക്രട്ടറി സുരേഷ്​ കുമാർ മുഖവിലക്കെടുത്തതിനെ തുടർന്ന്​ നിർദേശം ഒൗദ്യോഗിക ഭാഷാ കമീഷനെ അറിയിച്ചു. ഒരു വർഷത്തിന്​ ശേഷം അലക്​സാണ്ടറുടെ നിർദേശം സാധുവായി. എങ്കിലും 2016ലെ സത്യപ്രതിജ്ഞ ചടങ്ങിൽ പ്രതിജ്ഞയിൽ മാറ്റമൊന്നുമുണ്ടായില്ല. അതി​െൻറ കാരണം ​അന്വേഷിച്ചപ്പോൾ പരിഷ്​കരണം വരുത്തിയ സത്യപ്രതിജ്ഞ പ്രിൻറ്​ ചെയ്​തിട്ടില്ലെന്ന മറുപടി ആയിരുന്നു.

2021 ലെ തെരഞ്ഞെടുപ്പിന്​ ശേഷം അലക്​സാണ്ടർ നിയമസഭ സെക്രട്ടറിയെ 'എന്ന ഞാൻ' പ്രയോഗത്തെ ക്കുറിച്ച്​ ഒാർമിപ്പിച്ച്​ വീണ്ടും രംഗത്തെത്തി. എന്നാൽ മന്ത്രിമാരുടെ സത്യപ്രതിജ്ഞ ചടങ്ങിൽ പഴയ വാചകങ്ങൾ തന്നെയായിരുന്നു സത്യപ്രതിജ്ഞക്ക്​ ഉപയോഗിച്ചത്​ അതിൽ നിരാശനാകുകയും ചെയ്​തിരുന്നു. എന്നാൽ, എം.എൽ.എമാരുടെ സത്യപ്രതിജ്ഞ ചടങ്ങിൽ 'എന്ന ഞാൻ' പ്രയോഗം ഉപയോഗിച്ചതിൽ വലിയ സന്തോഷം തോന്നി. എം.എൽ.എമാരുടെ സത്യപ്രതിജ്ഞ ചടങ്ങ്​ ടി.വിയിലൂടെയാണ്​ അദ്ദേഹം കണ്ടത്​. ഞായറാഴ്​ച പുതിയ പതിപ്പുകൾ ലഭിച്ചതിൽ തിങ്കളാഴ്​ച എം.എൽ.എമാർ സത്യപ്രതിജ്ഞയിൽ പുതിയ വാചകങ്ങൾ ഉപയോഗിക്കുകയായിരുന്നു.

തമിഴിൽ സത്യവാചകം ചൊല്ലിയ ദേവികുളം എൽ.എൽ.എ എ. രാജ 'എൻട്ര ഞാൻ' എന്ന്​ ഉപയോഗിക്കുകയും ചെയ്​തതായും അദ്ദേഹം പറഞ്ഞു.