എ.​ഐ കാ​മ​റ; മുഖ്യമന്ത്രിയിലേക്ക് തിരിച്ച്​ പ്രതിപക്ഷം

തി​രു​വ​ന​ന്ത​പു​രം: ക​രാ​റി​ലെ ക്ര​മ​വി​രു​ദ്ധ ഇ​ട​പാ​ടു​ക​ളും പൊ​ള്ള​ത്ത​ര​ങ്ങ​ളും വെ​ളി​പ്പെ​ടു​ന്ന​തി​നൊ​പ്പം മു​ഖ്യ​മ​ന്ത്രി​യു​ടെ ഓ​ഫി​സി​നു​നേ​രെ, പ്ര​തി​പ​ക്ഷ ആ​രോ​പ​ണ​ങ്ങ​ളു​ടെ മു​ന നീ​ണ്ട​തോ​ടെ എ.​ഐ കാ​മ​റ വി​ഷ​യ​ത്തി​ൽ സ​ർ​ക്കാ​ർ കൂ​ടു​ത​ൽ പ്ര​തി​രോ​ധ​ത്തി​ൽ. ഇ​തു​വ​രെ കെ​ൽ​ട്രോ​ണി​നും മോ​ട്ടോ​ർ വാ​ഹ​ന​വ​കു​പ്പി​നും നേ​രെ​​യാ​യി​രു​ന്നു ആ​രോ​പ​ണ​ങ്ങ​ളെ​ങ്കി​ൽ അ​ത്​ മ​റി​ക​ട​ന്ന് മു​ഖ്യ​മ​​ന്ത്രി​യെ സം​ശ​യ​മു​ന​യി​ൽ നി​ർ​ത്തി​യാ​ണ്​ ​പ്ര​തി​പ​ക്ഷ നീ​ക്കം. ടെ​ന്‍ഡ​ര്‍ ഏ​റ്റെ​ടു​ത്ത​ത്​ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ മ​ക​ന്‍റെ ഭാ​ര്യ​പി​താ​വി​ന്‍റെ ബി​നാ​മി​യാ​ണെ​ന്ന് ബി.​ജെ.​പി സം​സ്ഥാ​ന വൈ​സ് പ്ര​സി​ഡ​ന്‍റ്​ ശോ​ഭ സു​രേ​ന്ദ്ര​ന്‍ ആ​രോ​പി​ച്ചു. മു​ഖ്യ​മ​ന്ത്രി​യു​ടെ മൗ​ന​ത്തി​ൽ ആ​ക്ര​മ​ണം ശ​ക്തി​പ്പെ​ടു​ത്തി​യ​തി​നൊ​പ്പം അ​ദ്ദേ​ഹ​ത്തി​ന്‍റെ മ​ടി​യി​ൽ ക​ന​മു​ണ്ടെ​ന്നും ആ​റു​മ​ണി വാ​ർ​ത്ത​സ​മ്മേ​ള​നം എ​വി​ടെ​യെ​ന്നും ചോ​ദി​ച്ച്​ പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​ൻ ചൊ​വ്വാ​ഴ്ച രം​​ഗ​ത്തെ​ത്തി. മു​ഖ്യ​മ​ന്ത്രി​യും സം​സ്ഥാ​ന സ​ർ​ക്കാ​റും ഒ​ളി​ച്ചു​ക​ളി​ക്കു​ക​യാ​ണെ​ന്നും മു​ഖ്യ​മ​ന്ത്രി അ​ഴി​മ​തി​ക്കാ​രെ സം​ര​ക്ഷി​ക്കു​ക​യാ​ണെ​ന്നു​മാ​യി​രു​ന്നു മു​ൻ പ്ര​തി​പ​ക്ഷ​നേ​താ​വ്​ ര​മേ​ശ്​ ചെ​ന്നി​ത്ത​ല​യു​ടെ കു​റ്റ​പ്പെ​ടു​ത്ത​ൽ.

വ്യ​വ​സാ​യ​മ​ന്ത്രി ഇ​​ട​പെ​ട്ട്​ വ്യ​വ​സാ​യ സെ​ക്ര​ട്ട​റി​യു​ടെ ​അ​ന്വേ​ഷ​ണം പ്ര​ഖ്യാ​പി​ച്ച​ത​ല്ലാ​തെ കെ​ൽ​ട്രോ​ണി​നെ ത​ള്ളാ​നോ കൊ​ള്ളാ​നോ സ​ർ​ക്കാ​ർ ത​യാ​റാ​യി​ട്ടി​ല്ല. സ​ർ​ക്കാ​ർ അ​ന്വേ​ഷ​ണ​ത്തി​ൽ കാ​ര്യ​മാ​യ ഒ​ന്നും ഉ​ണ്ടാ​കാ​നി​ട​യി​ല്ലെ​ന്ന​തി​നാ​ൽ നി​യ​മ​വ​ഴി തേ​ടാ​നാ​ണ്​ പ്ര​തി​പ​ക്ഷ തീ​രു​മാ​നം. പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​ൻ ഇ​ക്കാ​ര്യം ചൊ​വ്വാ​ഴ്ച തു​റ​ന്നു​​പ​റ​യു​ക​യും ചെ​യ്​​തു. വ്യ​വ​സാ​യ​മ​ന്ത്രി​യു​ടെ നി​ർ​ദേ​ശ പ്ര​കാ​രം ചി​ല ക​രാ​ർ രേ​ഖ​ക​ൾ കെ​ൽ​ട്രോ​ൺ പു​റ​ത്തു​വി​ട്ടി​രു​ന്നു.

ഇ​വ​യി​ൽ പ​ല​തും നേ​ര​ത്തേ പു​റ​ത്തു​വ​ന്ന​താ​ണെ​ന്ന​തും ഉ​പ​ക​രാ​ർ സം​ബ​ന്ധി​ച്ച സു​പ്ര​ധാ​ന രേ​ഖ​ക​ൾ മ​റ​യ്ക്ക്​ പി​ന്നി​ലാ​ണെ​ന്ന​തും ദു​രൂ​ഹ​ത വ​ർ​ധി​പ്പി​ക്കു​ന്നു. അ​തേ​സ​മ​യം പു​റ​ത്തു​വ​ന്ന രേ​ഖ​ക​ളി​ലെ പ​രാ​മ​ർ​ശ​ങ്ങ​ൾ​ത​ന്നെ ക്ര​മ​വി​രു​ദ്ധ​മാ​യ ഇ​ട​പാ​ടു​ക​ൾ ന​ട​ന്നു​വെ​ന്ന​തി​ന്​ അ​ടി​വ​ര​യി​ടു​ന്നു.

എ.​ഐ കാ​മ​റ ഇ​ട​പാ​ട് വി​വാ​ദ​മാ​യ​പ്പോ​ൾ ഉ​പ​ക​രാ​റു​ക​ളെ​ക്കു​റി​ച്ച് അ​റി​യി​ല്ലെ​ന്നും അ​റി​യേ​ണ്ട കാ​ര്യ​മി​ല്ലെ​ന്നു​മാ​യി​രു​ന്നു കെ​ൽ​ട്രോ​ൺ വാ​ദം. ഇ​തി​നി​ടെ​യാ​ണ് ഉ​പ​ക​രാ​റു​ക​ളെ​ക്കു​റി​ച്ച്​ എ​സ്.​ആ​ർ.​ഐ.​ടി കെ​ൽ​ട്രോ​ണി​നെ ധ​രി​പ്പി​ച്ചി​രു​ന്നു​വെ​ന്ന് വ്യ​ക്ത​മാ​ക്കു​ന്ന രേ​ഖ വെ​ബ്സൈ​റ്റി​ൽ പ്ര​സി​ദ്ധീ​ക​രി​ച്ച​ത്.

അ​തി​നി​ടെ, എ.​ഐ കാ​മ​റ വി​വാ​ദ​ത്തി​ൽ ഗ​താ​ഗ​ത ക​മീ​ഷ​ണ​റോ​ട് ഗ​താ​ഗ​ത​മ​ന്ത്രി വി​ശ​ദീ​ക​ര​ണം തേ​ടി. ധ​ന​വ​കു​പ്പി​ന്‍റെ മാ​ന​ദ​ണ്ഡ​ങ്ങ​ൾ കെ​ൽ​​ട്രോ​ൺ ലം​ഘി​ച്ചി​ട്ടു​ണ്ടോ എ​ന്ന​താ​ണ്​ പ്ര​ധാ​ന​മാ​യും ആ​രാ​ഞ്ഞ​ത്.

വ​കു​പ്പു​ക​ൾ​ക്ക് ആ​വ​ശ്യ​മാ​യ ഉ​പ​ക​ര​ണ​ങ്ങ​ള്‍ വാ​ങ്ങു​ന്ന​തി​നു​ള്ള മാ​ന​ദ​ണ്ഡ​ങ്ങ​ള്‍ വ്യ​ക്ത​മാ​ക്കി 2018 ആ​ഗ​സ്റ്റി​ൽ ധ​ന​വ​കു​പ്പ് ഉ​ത്ത​ര​വി​റ​ക്കി​യി​രു​ന്നു. ഇ​തു​പ്ര​കാ​രം കെ​ൽ​ട്രോ​ൺ എ​സ്.​ആ​ർ.​ഐ.​ടി​ക്ക് ന​ൽ​കി​യ ഉ​പ​ക​രാ​ർ മോ​ട്ടോ​ർ വാ​ഹ​ന വ​കു​പ്പി​നെ അ​റി​യി​ക്ക​ണം. അ​ങ്ങ​നെ വേ​ണ്ട​തി​ല്ലെ​ന്നാ​ണ്​ കെ​ൽ​ട്രോ​ൺ വാ​ദി​ച്ചി​രു​ന്ന​ത്. ഇ​ക്കാ​ര്യ​ത്തി​ലാ​ണ്​ ഗ​താ​ഗ​ത​മ​ന്ത്രി വി​ശ​ദീ​ക​ര​ണം തേ​ടി​യ​ത്.

കെൽ​ട്രോണിന്​ അറിവുണ്ടായിരുന്നുവെന്ന്​ രേഖകൾ

രണ്ടു​ രേഖകൾ കൂടി പുറത്ത്

തി​രു​വ​ന​ന്ത​പു​രം: എ.​ഐ കാ​മ​റ ഇ​ട​പാ​ടി​ൽ എ​സ്.​ആ​ർ.​ഐ.​ടി ഉ​ണ്ടാ​ക്കി​യ ഉ​പ​ക​രാ​ര്‍ വ്യ​വ​സ്ഥ​ക​ളെ​കു​റി​ച്ച് വ്യ​ക്ത​മാ​യ അ​റി​വു​ണ്ടാ​യി​രു​ന്നെ​ന്ന് സ​മ്മ​തി​ച്ച് കെ​ൽ​ട്രോ​ൺ. വി​വാ​ദ​ങ്ങ​ൾ​ക്കൊ​ടു​വി​ൽ ടെ​ൻ​ഡ​ര്‍ ഇ​വാ​ല്വേ​ഷ​ൻ റി​പ്പോ​ര്‍ട്ടും എ​സ്.​ആ​ർ.​​ഐ.​ടി സ​മ​ര്‍പ്പി​ച്ച ഉ​പ​ക​രാ​ര്‍ വി​ശ​ദാം​ശ​ങ്ങ​ളും കെ​ൽ​ട്രോ​ൺ തി​ങ്ക​ളാ​ഴ്ച വെ​ബ്സൈ​റ്റി​ൽ പ്ര​സി​ദ്ധീ​ക​രി​ച്ചു. പ്ര​സാ​ഡി​യോ​യും ട്രോ​യ്​​സും പ​ദ്ധ​തി നി​ര്‍വ​ഹ​ണ​ത്തി​ൽ സ​ഹ​ക​രി​ച്ചെ​ന്ന്​ വ്യ​ക്ത​മാ​ക്കു​ന്ന​താ​ണ്​ പു​റ​ത്തു​വ​ന്ന രേ​ഖ​ക​ൾ. 2021ല്‍ ​എ​സ്.​ആ​ർ.​ഐ.​ടി കെ​ല്‍ട്രോ​ണി​ന് ന​ല്‍കി​യ ക​ത്താ​ണ് വെ​ബ്സൈ​റ്റി​ല്‍ പ്ര​സി​ദ്ധീ​ക​രി​ച്ച​ത്. പ്ര​ധാ​ന ജോ​ലി​ക​ളെ​ല്ലാം ചെ​യ്യു​ന്ന​ത് ഉ​പ​ക​രാ​ർ ക​മ്പ​നി​ക​ളാ​ണെ​ന്നാ​ണ്​ രേ​ഖ​ക​ളി​ലു​ള്ള​ത്. കെ​ൽ​ട്രോ​ൺ ഉ​പ​ക​രാ​ർ ന​ൽ​കി​യ എ​സ്.​ആ​ർ.​ഐ.​ടി​യു​മാ​യി സ​ഹ​ക​രി​ച്ചി​രു​ന്നെ​ന്ന് വെ​ളി​പ്പെ​ടു​ത്തി ക​ഴി​ഞ്ഞ ദി​വ​സം ട്രോ​യ്​​സ് ക​മ്പ​നി രം​ഗ​ത്തെ​ത്തി​യി​രു​ന്നു.

ബി​ഡി​ങ് സ​മ​യ​ത്ത് മാ​നു​ഫാ​ക്ടേ​ഴ്സ് ഓ​ത​റൈ​സേ​ഷ​ൻ ഫോ​റം (എം.​എ.​എ​ഫ്) ആ​ണ് ട്രോ​യ്​​സ് എ​സ്.​ആ​ർ.​ഐ.​ടി​ക്ക് ന​ൽ​കി​യ​തെ​ന്നും ഇ​തു സ്വാ​ഭാ​വി​ക ന​ട​പ​ടി ക്ര​മ​മാ​ണെ​ന്നു​മാ​ണ്​ ക​മ്പ​നി​യു​ടെ വി​ശ​ദീ​ക​ര​ണം. നേ​ര​ത്തേ എ​സ്.​ആ​ര്‍.​ഐ.​ടി​യു​ടെ എ​ക്സി​ക്യു​ട്ടി​വ് ഡ​യ​റ​ക്ട​ര്‍, ഊ​രാ​ളു​ങ്ക​ല്‍-​എ​സ്.​ആ​ര്‍.​ഐ.​ടി ക​ണ്‍സോ​ർ​ട്യ​ത്തി​ന്‍റെ ഡ​യ​റ​ക്ട​ര്‍ എ​ന്നീ നി​ല​ക​ളി​ല്‍ പ്ര​വ​ർ​ത്തി​ച്ചി​രു​ന്ന ടി. ​ജി​തേ​ഷ് ഇ​വി​ടെ​നി​ന്ന്​ രാ​ജി​വെ​ച്ച ശേ​ഷ​മാ​ണ്​ ട്രോ​യ്​​സ് ഇ​ൻ​ഫോ​ടെ​ക്കി​ൽ ചേ​രു​ന്ന​ത്.

ഉ​പ​ക​രാ​ര്‍ ല​ഭി​ച്ച ക​മ്പ​നി​ക​ള്‍ ത​മ്മി​ല്‍ വ്യ​ക്തി​പ​ര​മാ​യി ബ​ന്ധ​മു​ണ്ടെ​ന്ന് പ്ര​തി​പ​ക്ഷം ആ​രോ​പ​ണം ഉ​ന്ന​യി​ച്ച​തി​നു​ പി​ന്നാ​ലെ​യാ​ണ്​ ഈ ​വി​വ​ര​ങ്ങ​ളും പു​റ​ത്തു​വ​ന്ന​ത്.