എ.​ഐ കാ​മ​റ​: പിടികൂടൽ തകൃതി; പിഴ ചുമത്തൽ പാതിവഴിയിൽ

തി​രു​വ​ന​ന്ത​പു​രം: എ.​ഐ കാ​മ​റ​ക​ൾ ത​ല​ങ്ങും വി​ല​ങ്ങും ഗ​താ​ഗ​ത നി​യ​മ​ലം​ഘ​ന​ങ്ങ​ൾ പി​ടി​കൂ​ടു​ന്നു​ണ്ടെ​ങ്കി​ലും ​പി​ഴ ചു​മ​ത്തി​യു​ള്ള ചെ​ലാ​നു​ക​​ളു​ടെ എ​ണ്ണം കു​റ​വ്. മോ​ട്ടോ​ർ​വാ​ഹ​ന വ​കു​പ്പ്​ ഒ​ടു​വി​ൽ പു​റ​ത്തു​വി​ട്ട ക​ണ​ക്കു​ക​ൾ പ്ര​കാ​രം (ജൂ​ൺ ഒ​മ്പ​ത്​ വ​രെ) 3,52,730 കു​റ്റ​ങ്ങ​ളാ​ണ്​ പി​ടി​കൂ​ടി​യ​ത്. എ​ന്നാ​ൽ മോ​ട്ടോ​ർ​വാ​ഹ​ന വ​കു​പ്പ്​ അം​ഗീ​ക​രി​ച്ച് അ​യ​ച്ച ചെ​ലാ​നു​ക​ൾ 10,457 മാ​ത്ര​മാ​ണ്. സ്വ​ന്തം നി​ല​ക്ക്​​ പി​ഴ ചു​മ​ത്താ​ൻ ക​ഴി​വു​ള്ള കാ​മ​റ​ക​ളെ​ന്ന അ​വ​കാ​ശ​വാ​ദ​ത്തോ​ടെ സ​ർ​ക്കാ​ർ അ​വ​ത​രി​പ്പി​ച്ച കാ​മ​റ​ക​ൾ ഫ​ല​ത്തി​ൽ ഉ​ദ്യോ​ഗ​സ്ഥ​രു​ടെ സ​ഹാ​യ​മി​ല്ലാ​തെ കാ​ര്യ​ക്ഷ​മ​മാ​കി​ല്ലെ​ന്ന​തി​ന്​ തെ​ളി​വാ​ണ്​ ഈ ​ക​ണ​ക്കു​ക​ൾ.

കാ​മ​റ​ക​ൾ വ​ഴി​യു​ള്ള ചി​ത്ര​ങ്ങ​ൾ ക​ൺ​ട്രോ​ൾ റൂ​മി​ലെ കെ​ൽ​ട്രോ​ൺ നി​യോ​ഗി​ച്ച ഉ​ദ്യോ​ഗ​സ്ഥ​രാ​ണ്​ പ​രി​ശോ​ധി​ച്ച്​ ഉ​റ​പ്പു​വ​രു​ത്തു​ന്ന​ത്. തു​ട​ർ​ന്ന്​ വാ​ഹ​ന ന​മ്പ​ർ വി​വ​ര​ങ്ങ​ള​ട​ക്കം ഉ​ൾ​പ്പെ​ടു​ത്തി ക​ൺ​ട്രോ​ൾ റൂ​മി​ലെ മോ​ട്ടോ​ർ​വാ​ഹ​ന വ​കു​പ്പ്​ ഉ​ദ്യോ​ഗ​സ്ഥ​ന്​ കൈ​മാ​റും. ഈ ​ഉ​ദ്യോ​ഗ​സ്ഥ​നാ​ണ്​ പി​ഴ ചു​മ​ത്തു​ന്ന​ത്. ഇ​ത്ത​ര​ത്തി​ൽ പി​ടി​കൂ​ടി​യ 3,52,730 ഗ​താ​ഗ​ത​ക്കു​റ്റ​ങ്ങ​ളി​ൽ 80,743 എ​ണ്ണം കെ​ല്‍ട്രോ​ണ്‍ ഉ​റ​പ്പു​വ​രു​ത്തി. എ​ന്നാ​ൽ 19,790 കേ​സു​ക​ളേ ഇ​ന്റ​ഗ്രേ​റ്റ​ഡ് ട്രാ​ൻ​സ്പോ​ർ​ട്ട് മോ​ണി​റ്റ​റി​ങ്​ സി​സ്റ്റ​ത്തി​ൽ അ​പ്‌​ലോ​ഡ് ചെ​യ്തി​ട്ടു​ള്ളൂ. ഇ​തി​ലാ​ക​ട്ടെ മോ​ട്ടോ​ർ​വാ​ഹ​ന വ​കു​പ്പ്​ ചെ​ലാ​ൻ അ​യ​ച്ച​ത്​ ​10,457 കേ​സു​ക​ളി​ലും.

ചെ​ലാ​ൻ അ​യ​ക്ക​ൽ കൂ​ട​ണ​മെ​ങ്കി​ൽ കൂ​ടു​ത​ൽ ഉ​ദ്യോ​ഗ​സ്ഥ​രെ നി​യ​മി​ക്ക​ണ​മെ​ന്നാ​ണ്​ ഉ​ന്ന​ത​ത​ല യോ​ഗ​ത്തി​ന്‍റെ വി​ല​യി​രു​ത്ത​ൽ. ഇ​തി​നാ​യി മോ​ട്ടോ​ർ​വാ​ഹ​ന വ​കു​പ്പി​ന്​ നി​ർ​ദേ​ശം ന​ൽ​കി​യി​ട്ടു​ണ്ട്. ഒ​പ്പം കാ​മ​റ പ​ക​ര്‍ത്തി​യ നി​യ​മ​ലം​ഘ​ന​ങ്ങ​ൾ വെ​രി​ഫൈ ചെ​യ്യു​ന്ന​ത് വേ​ഗ​ത്തി​ലാ​ക്കാ​ൻ കെ​ൽ​ട്രോ​ണി​നോ​ടും ഇ​ന്റ​ഗ്രേ​റ്റ​ഡ് ട്രാ​ൻ​സ്പോ​ർ​ട്ട് മോ​ണി​റ്റ​റി​ങ്​ സി​സ്റ്റ​ത്തി​ൽ ഒ​ന്നി​ല​ധി​കം ലോ​ഗി​ൻ സൗ​ക​ര്യം ഒ​രു​ക്കി സം​വി​ധാ​നം വേ​ഗ​ത്തി​ലാ​ക്കാ​ൻ നാ​ഷ​ന​ൽ ഇ​ൻ​ഫ​ർ​മാ​റ്റി​ക് സെ​ന്റ​റി​നോ​ടും നി​ർ​ദേ​ശി​ച്ചി​ട്ടു​ണ്ട്.

പി​ടി​കൂ​ടി​യ കു​റ്റ​ങ്ങ​ളു​​ടെ എ​ണ്ണം പ​രി​ശോ​ധി​ക്കു​​മ്പോ​ൾ വ​രു​മാ​നം കോ​ടി​ക​ളാ​ണെ​ങ്കി​ലും ഇ​തെ​ല്ലാം ക​ട​ലാ​സി​ലാ​ണ്. ഇ​വ അ​ക്കൗ​ണ്ടി​ലെ​ത്ത​ണ​മെ​ങ്കി​ൽ ക​ട​മ്പ​ക​ൾ ഏ​റെ​യാ​ണ്. ഉ​ദ്യോ​ഗ​സ്ഥ​രെ കൂ​ടു​ത​ലാ​യി നി​യോ​ഗി​ക്കു​ന്ന​തോ​ടെ ചെ​ല​വും കൂ​ടും.

അ​തേ​സ​മ​യം കേ​സു​ക​ൾ കു​റ​യാ​ൻ കാ​ര​ണം ഹെ​വി വാ​ഹ​ന​ങ്ങ​ളി​ലെ സീ​റ്റ്​ ബെ​ൽ​റ്റി​ല്ലാ​ത്ത​ത്​ നി​യ​മ​ലം​ഘ​ന​മാ​യി ഇ​പ്പോ​ൾ ക​ണ​ക്കി​ലെ​ടു​ക്കാ​ത്ത​താ​ണെ​ന്നാ​ണ്​ മോ​ട്ടോ​ർ​വാ​ഹ​ന​വ​കു​പ്പി​ന്‍റെ വി​ശ​ദീ​ക​ര​ണം. ഹെ​വി വാ​ഹ​ന​ങ്ങ​ളെ​യും നി​ല​വി​ൽ സീ​റ്റ്​ ബെ​ൽ​റ്റി​ല്ലാ​ത്ത​തി​ന്​ പി​ടി​കൂ​ടു​ന്നു​ണ്ടെ​ന്നും എ​ന്നാ​ൽ വെ​രി​​ഫൈ ചെ​യ്യു​മ്പോ​ൾ ഇ​വ​യെ ഒ​ഴി​വാ​ക്കു​ക​യാ​ണെ​ന്നും ഉ​ദ്യോ​ഗ​സ്ഥ​ർ പ​റ​യു​ന്നു. സെ​പ്​​റ്റം​ബ​ർ ഒ​ന്നു​മു​ത​ൽ ഹെ​വി വാ​ഹ​ന​ങ്ങ​ൾ​ക്കും ​സീ​റ്റ്​ ബെ​ൽ​റ്റ്​ നി​ർ​ബ​ന്ധ​മാ​ക്കി​യ​ത്​ ഈ ​സാ​ഹ​ച​ര്യ​ത്തി​ലാ​ണ്.