എയർ ഇന്ത്യ എക്സ്പ്രസ് വിമാനം അടിയന്തരമായി നിലത്തിറക്കി

തിരുവനന്തപുരം: എയർ ഇന്ത്യ എക്സ്പ്രസ് വിമാനം തിരുവനന്തപുരം അന്താരാഷ്ട്ര വിമാനത്താവളത്തിൽ അടിയന്തരമായി നിലത്തിറക്കി. തിരുച്ചിറപ്പള്ളി - ഷാർജ എ.എക്സ്.ബി 613 വിമാനമാണ് എമർജൻസി ലാൻഡിങ് നടത്തിയത്.

സാങ്കേതിക തകരാറിനെ തുടർന്നാണ് ലാൻഡിങ്ങിന് തീരുമാനിച്ചത്. വിമാനം നിലത്തിറക്കുന്നതിന് മുന്നോടിയായി വിമാനത്താവളത്തിൽ ജാഗ്രത നിർദേശം നൽകിയിരുന്നു.

161 യാത്രക്കാരാണ് വിമാനത്തിൽ ഉണ്ടായിരുന്നത്. യാത്രക്കാർ സുരക്ഷിതരാണെന്ന് അധികൃതർ അറിയിച്ചു.