വർഗീയതക്കും തൊഴിലില്ലായ്മക്കുമെതിരെ എ.ഐ.വൈ.എഫ് കാൽനട ജാഥ

തൃ​ശൂ​ര്‍: ‘ഒ​രു​മി​ച്ച് ന​ട​ക്കാം വ​ർ​ഗീ​യ​ത​ക്കെ​തി​രെ, ഒ​ന്നാ​യി പൊ​രു​താം തൊ​ഴി​ലി​നു​വേ​ണ്ടി’ എ​ന്ന മു​ദ്രാ​വാ​ക്യ​മു​യ​ർ​ത്തി എ.​ഐ.​വൈ.​എ​ഫ് ര​ണ്ട് കാ​ൽ​ന​ട ജാ​ഥ​ക​ൾ സം​സ്ഥാ​ന​ത്ത് സം​ഘ​ടി​പ്പി​ക്കു​മെ​ന്ന് സം​സ്ഥാ​ന സെ​ക്ര​ട്ട​റി ടി.​ടി. ജി​സ്മോ​ന്‍ വാ​ർ​ത്ത സ​മ്മേ​ള​ന​ത്തി​ല്‍ പ​റ​ഞ്ഞു.

വ​ർ​ഗീ​യ​ത​ക്കും തൊ​ഴി​ലി​ല്ലാ​യ്മ​ക്കു​മെ​തി​രെ ’സേ​വ് ഇ​ന്ത്യ മാ​ർ​ച്ച്’ എ​ന്ന പേ​രി​ൽ മേ​യ് 15ന് ​തി​രു​വ​ന​ന്ത​പു​ര​ത്ത് നി​ന്നാ​രം​ഭി​ക്കു​ന്ന തെ​ക്ക​ൻ മേ​ഖ​ല ജാ​ഥ സം​സ്ഥാ​ന സെ​ക്ര​ട്ട​റി ടി.​ടി. ജി​സ്മോ​നും മേ​യ് 17ന് ​കാ​സ​ർ​കോ​ട് നി​ന്നാ​രം​ഭി​ക്കു​ന്ന വ​ട​ക്ക​ൻ മേ​ഖ​ല ജാ​ഥ സം​സ്ഥാ​ന പ്ര​സി​ഡ​ന്റ് എ​ൻ. അ​രു​ണും ന​യി​ക്കും. 14 ജി​ല്ല​ക​ളി​ലൂ​ടെ​യും ക​ട​ന്നു​പോ​കു​ന്ന കാ​ൽ​ന​ട ജാ​ഥ മേ​യ് 28ന് ​തൃ​ശൂ​രി​ൽ കാ​ൽ​ല​ക്ഷം യു​വ​ജ​ന​ങ്ങ​ൾ അ​ണി​നി​ര​ക്കു​ന്ന ഫാ​ഷി​സ്റ്റ് വി​രു​ദ്ധ സം​ഗ​മ​ത്തോ​ടെ സ​മാ​പി​ക്കും.

പൊ​ലീ​സി​നും ഗ​താ​ഗ​ത വ​കു​പ്പി​നു​മെ​തി​രെ വി​മ​ർ​ശ​നം

തൃ​ശൂ​ർ: പൊ​ലീ​സി​നും ഗ​താ​ഗ​ത വ​കു​പ്പി​നു​മെ​തി​രെ വി​മ​ർ​ശ​ന​വു​മാ​യി എ.​ഐ.​വൈ.​എ​ഫ്. ഇ​ട​തു​മു​ന്ന​ണി​യു​ടെ പൊ​ലീ​സ് ന​യ​ത്തി​ന് വി​രു​ദ്ധ​മാ​യാ​ണ് പൊ​ലീ​സ് പ്ര​വ​ർ​ത്തി​ക്കു​ന്ന​തെ​ന്ന് സം​സ്ഥാ​ന സെ​ക്ര​ട്ട​റി ടി.​ടി. ജി​സ്മോ​ൻ തൃ​ശൂ​രി​ൽ വാ​ർ​ത്ത സ​മ്മേ​ള​ന​ത്തി​ൽ പ​റ​ഞ്ഞു.

നീ​തി നി​ർ​വ​ഹ​ണ​ത്തി​ന് ഉ​ത്ത​ര​വാ​ദ​പ്പെ​ട്ട പൊ​ലീ​സ് ഉ​ദ്യോ​ഗ​സ്ഥ​രി​ൽ ചി​ല​ർ നീ​തി നി​ഷേ​ധ​ത്തി​ന്റെ​യും ജ​നാ​ധി​പ​ത്യ അ​വ​കാ​ശ​ങ്ങ​ളു​ടെ​യും ലം​ഘ​ക​രാ​യി മാ​റി​യി​രി​ക്കു​ന്നു. ഇ​ത് പൊ​ലീ​സ് സേ​ന​ക്ക് അ​പ​മാ​ന​മു​ണ്ടാ​ക്കു​ന്ന​താ​ണ്. പൊ​ലീ​സി​ലെ ക്രി​മി​ന​ലു​ക​ൾ​ക്കെ​തി​രെ ആ​ഭ്യ​ന്ത​ര വ​കു​പ്പ് ന​ട​പ​ടി സ്വീ​ക​രി​ച്ച് ഇ​ട​തു​മു​ന്ന​ണി​യു​ടെ പൊ​ലീ​സ് ന​യം സം​ര​ക്ഷി​ക്ക​ണം.

സ്ത്രീ​വി​രു​ദ്ധ പ്ര​സ്താ​വ​ന പി​ൻ​വ​ലി​ച്ച് ബി.​ജെ.​പി സം​സ്ഥാ​ന അ​ധ്യ​ക്ഷ​ൻ കെ. ​സു​രേ​ന്ദ്ര​ൻ കേ​ര​ള സ​മൂ​ഹ​ത്തോ​ട് മാ​പ്പു പ​റ​യ​ണ​മെ​ന്നും കെ-​സ്വി​ഫ്റ്റി​ന്റെ മ​റ​വി​ലു​ള്ള ക​രാ​ർ നി​യ​മ​ന​ങ്ങ​ൾ അ​വ​സാ​നി​പ്പി​ക്കു​ക​യും കെ.​എ​സ്.​ആ​ർ.​ടി.​സി ഡി​പ്പോ​ക​ൾ അ​ട​ച്ചു​പൂ​ട്ടാ​നു​ള്ള നീ​ക്ക​ത്തി​ൽ നി​ന്നും പി​ൻ​മാ​റ​ണ​മെ​ന്നും ഭാ​ര​വാ​ഹി​ക​ൾ പ​റ​ഞ്ഞു. സം​സ്ഥാ​ന പ്ര​സി​ഡ​ന്റ് എ​ൻ. അ​രു​ൺ, സം​സ്ഥാ​ന വൈ​സ് പ്ര​സി​ഡ​ന്റ് പ്ര​സാ​ദ് പ​റേ​രി, ജി​ല്ല പ്ര​സി​ഡ​ന്റ് ബി​നോ​യ് ഷെ​ബീ​ർ എ​ന്നി​വ​രും വാ​ർ​ത്ത സ​മ്മേ​ള​ന​ത്തി​ൽ പ​ങ്കെ​ടു​ത്തു.