എ.ഐ.വൈ.എഫ് നേതാവിന്​ ഗുണ്ടാസംഘത്തി​െൻറ മർദനം

അന്തിക്കാട്: എ.ഐ.വൈ.എഫ് നേതാവിനുനേരെ തോക്കുചൂണ്ടി കാറിൽ കയറ്റി ഗുണ്ടാസംഘത്തി​െൻറ ക്രൂരമർദനം. ചാഴൂർ വില്ലേജ് സെക്രട്ടറിയും സി.പി.ഐ ലോക്കൽ കമ്മിറ്റി അംഗവുമായ ആലപ്പാട് കുന്നത്ത് വീട്ടിൽ ജയദാസിനെയാണ്​ (27) ആക്രമിച്ചത്. ഞായറാഴ്ച രാത്രി 10.30ന് ആലപ്പാട് സെൻററിലൂടെ ബൈക്കിൽ സഞ്ചരിക്കവെ കായക്കുരു എന്ന പേരുള്ള രാഗേഷി​െൻറ നേതൃത്വത്തിൽ കാറിലെത്തിയ അഞ്ചംഗ ഗുണ്ടാസംഘമാണ്​ ആ​ക്രമിച്ചത്​.

കാർ ബൈക്കിന്​ കുറുകെയിട്ട് തടഞ്ഞശേഷം തോക്ക് ചൂണ്ടി ഭീഷണിപ്പെടുത്തി വാഹനത്തിൽ കയറ്റി കൊണ്ടുപോയി മർദിക്കുകയും കത്തി കൊണ്ട് മുറിവേൽപ്പിക്കുകയുമായിരുന്നു. തുടർന്ന്​ രാത്രി 12ഓടെ ചേറ്റകുളത്തിനു സമീപമുള്ള പാടത്ത് ഉപേക്ഷിച്ച് സംഘം കടന്നുകളഞ്ഞു.

മുഖത്തും ഇടത് കണ്ണിനും പുറത്തും ഉൾപ്പെടെ ശരീരത്തി​െൻറ എല്ലാ ഭാഗത്തും ക്രൂരമായ മർദനവും കത്തികൊണ്ടുള്ള മുറിപ്പാടുകളും ഉണ്ട്. ഗുരുതര പരിക്കിനെ തുടർന്ന് ജയദാസിനെ ചേർപ്പ് ഗവ. ആശുപത്രിയിൽ പ്രവേശിപ്പിച്ചു. ജയദാസി​െൻറ മൊഴി രേഖപ്പെടുത്തിയ അന്തിക്കാട് പൊലീസ്​ കേസെടുത്ത് അ​േന്വഷണം ആ​്രംഭിച്ചു. ഗുണ്ടാസംഘങ്ങളുടെ അഴിഞ്ഞാട്ടത്തിന് അറുതി വരുത്തണമെന്നാവശ്യപ്പെട്ട് എ.ഐ.വൈ.എഫ് പ്രവർത്തകർ ആലപ്പാട് സെൻററിൽ പ്രകടനം നടത്തി.