കണ്ണൂർ-കരുണ ബില്ലിനെതിരെ ആൻറണി

തിരുവനന്തപുരം: കണ്ണൂർ കരുണ ബി​ല്ലിനെതിരെ മുതിർന്ന കോൺഗ്രസ്സ്​ നേതാവ്​ എ.കെ ആൻറണി. മെഡിക്കൽ ബിൽ പാസാക്കിയത്​ ദുഃഖകരമാണെന്ന്​ ആൻറണി പറഞ്ഞു. നിയമസഭ ഇത്തരമൊരു ബിൽ പാസാക്കാൻ പാടില്ലായിരുന്നു. വിവാദമായ മെഡിക്കൽ ബില്ല്​ റദ്ദാക്കണമെന്നും ആൻറണി ആവ​ശ്യപ്പെട്ടു. നേരത്തെ കോൺഗ്രസ്​ നേതാക്കൻമാർ ബില്ലിന്​ അനുകൂലമായ നിലപാട്​ സ്വീകരിച്ചിരിന്നു.

പുരോഗമനപരമായ ഒരുപാട്​ നിയമങ്ങൾ പാസാക്കിയതാണ്​ ​േകരള നിയമസഭ. അർഹതപ്പെട്ടവരെ സഹായിക്കാൻ ​വേറെ മാർഗങ്ങൾ തേടണമായിരുന്നു. മാനേജ്​മ​​​െൻറുകളുടെ കള്ളക്കളിക്ക്​ ശാശ്വതമായ പരിഹാരം വേണം. ഭരണ-പ്രതിപക്ഷ പാർട്ടികൾ അതിന്​ വേണ്ടി ഒരുമിച്ചുനിൽക്കണമെന്നും ആൻറണി ആവശ്യപ്പെട്ടു.

മെഡിക്കൽ ബിൽ പാസാക്കിയതിൽ ആരെയും കുറ്റ​​പ്പെടുത്താനില്ല. പ്രതിപക്ഷ രാഷ്​ട്രീയമോ ഭരണപക്ഷ രാഷ്​ട്രീയമോ പറയാൻ ഉദ്ദേശിക്കുന്നുമില്ലെന്നും ത​​​​െൻറ പൊതുവായ നിലപാടാണിതെന്നും ആൻറണി കൂട്ടിച്ചേർത്തു.