സി.പി.എമ്മും ബി.ജെ.പിയും അക്രമിസൈന്യങ്ങളെ തീറ്റിപ്പോറ്റുന്നു -ആൻറണി 

തിരുവനന്തപുരം: കരുതിക്കൂട്ടി ഏത്​ അവസരത്തിലും ഏറ്റുമുട്ടാനും ചോരപ്പുഴയൊഴുക്കാനും നാശംവിത​ക്കാനും തയാറുള്ള രണ്ട്​ വലിയ അക്രമിസൈന്യങ്ങളെ സി.പി.എമ്മും ബി.​െജ.പിയും കേരളത്തിൽ തീറ്റിപ്പോറ്റുകയാണെന്ന്​ മുതിർന്ന കോൺഗ്രസ്​ നേതാവ്​ എ​.കെ. ആൻറണി. നീക്കങ്ങൾ യുദ്ധസമാനമാണ്​. ഇവരുടെ ലക്ഷ്യം കേരളത്തെ രാഷ്​ട്രീയമായി പങ്കി​െട്ടടുക്കുകയാണ്​. ഇൗ രണ്ട്​ ചേരിയിലും നിൽക്കാത്തവർക്ക്​ സമാധാനത്തോടെ ജീവിക്കാനാകാത്ത സ്ഥിതിയാ​ണെന്നും ചങ്ങലക്ക്​ ഭ്രാന്ത്​ പിടിച്ചാൽ എന്ത്​ ചെയ്യുമെന്നും അദ്ദേഹം ചോദിച്ചു. കേരള ​െലജിസ്​ലേച്ചർ ​െസക്ര​േട്ടറിയറ്റ്​ എംപ്ലോയീസ്​ ഒാർഗനൈസേഷൻ വാർഷിക സമ്മേളനം ഉദ്​ഘാടനം ചെയതശേഷം മാധ്യമപ്രവർത്തകരുടെ ചോദ്യങ്ങ​േളാട്​ പ്രതികരിക്കുകയായിരുന്നു അദ്ദേഹം.

കേന്ദ്രവും കേരളവും ഭരിക്കുന്ന കക്ഷികൾ കേരളത്തെ അതിവേഗം കലാപഭൂമിയാക്കുകയാണ്​. കേരളം ഭരിക്കുന്ന പാർട്ടിയാണ്​ അതിക്രമം കാണിക്കുന്നതെങ്കിൽ കേന്ദ്രത്തോട്​ പരാതി പറയാം. നേരെ തിരിച്ചാണെങ്കിൽ കേരളത്തോടും. എന്നാൽ, ഇവർ രണ്ടുകൂട്ടരും പരസ്​പരം ആക്രമണത്തിന്​ മുതിർന്നാൽ ജനം ആരോട്​ പരാതിപ്പെടും. വേലിതന്നെ വിളവുതിന്നുന്ന സ്ഥിതിയാണുള്ളത്​. ഇപ്പോൾ നടക്കുന്നത്​ ‘അഡ്​ജസ്​റ്റ്​​െമൻറ്​’ അറസ്​റ്റുകളാണ്​. കേന്ദ്ര-സംസ്ഥാനങ്ങൾ ഭരിക്കുന്ന പാർട്ടികൾ പരസ്​പരം ഏറ്റുമുട്ടിയാൽ അതിനെ തടയാനുള്ള പൊലീസ്​ ഇവിടെയില്ല. മാത്രമല്ല​ പൊലീസ്​ ഇക്കാര്യത്തിൽ നിസ്സഹായരുമാണ്​. ആക്രമണം തടയണമെങ്കിൽ പൊലീസിന്​ നിർഭയമായി പ്രവർത്തിക്കാനുള്ള അവസരമുണ്ടാകണം. അക്രമസംഭവങ്ങൾ അത്​ ആര്​ തുടങ്ങിയാലും മി​ന്നും വേഗത്തിൽ പ്രത്യാക്രമണമുണ്ടായത്​ കൃത്യമായ ആസൂത്രണത്തി​​െൻറ ഭാഗമാണ്​. ആളുകളെ നിർബന്ധിച്ച്​ ഇരുപക്ഷ​േത്തക്കും ചേർക്കാൻ കരുനീക്കം നടക്കുന്ന​​ു​. ബി.ജെ.പിയെയും സി.പി.എമ്മിനെയും​ പോലെ അക്രമിസൈന്യത്തെ വളർത്തിയെടുക്കാൻ കോൺഗ്രസ്​ ഉദ്ദേശിക്കുന്നില്ലെന്നും ആൻറണി പറഞ്ഞു. കോവളം കൊട്ടാരം സംബന്ധിച്ച ചോദ്യങ്ങൾ ഇവിടെയുള്ള ആളുകളോട്​ ചോദിക്കണമെന്നായിരുന്നു പ്രതികരണം. എം. വിൻസ​െൻറ്​ എം.എൽ.എയുടെ വിഷയം കോടതിയിലിരിക്കുന്ന കാര്യമായതിനാൽ പ്രതികരിക്കുന്നില്ലെന്നും അ​േദ്ദഹം പ്രതികരിച്ചു.