എ.കെ. ആൻറണിക്ക്​ മസ്​തിഷ്​ക രക്​തസ്രാവം

ന്യൂഡൽഹി: രക്​തസമ്മർദം താഴ്​ന്ന്​ കുളിമുറിയിൽ വീണ മുതിർന്ന കോൺഗ്രസ്​ നേതാവ്​ എ.കെ. ആൻറണിക്ക്​ തലച്ചോറിൽ നേരിയ രക്​തസ്രാവം. രാംമനോഹർ ലോഹ്യ ആശുപത്രിയിൽ കഴിയുന്ന അദ്ദേഹത്തിന്​ ഡോക്​ടർമാർ ഏതാനും ദിവസം വിശ്രമം നിർദേശിച്ചു.

ന്യൂറോ സർജൻമാരുടെ സംഘം വ്യാഴാഴ്​ച വിശദപരിശോധന നടത്തിയശേഷമാണ്​ പൂർണവിശ്രമം നിർദേശിച്ചത്​. സന്ദർശകരെ അനുവദിക്കുന്നില്ല. സംസാരിക്കുന്നതിനും നിയന്ത്രണമുണ്ട്​. 76കാരനായ ആൻറണ​ിയെ ബുധനാഴ്​ച ഉച്ചക്കാണ്​ ആശുപത്രിയിലാക്കിയത്​.