അ​ൻ​വ​റിന്റെ ആ​രോ​പ​ണ​ങ്ങ​ൾ ഒ​രു നാ​ണ​ക്കേ​ടു​മു​ണ്ടാ​ക്കി​യി​ട്ടി​ല്ല -എ.കെ. ബാലൻ

പാ​ല​ക്കാ​ട്: പി.​വി. അ​ൻ​വ​ർ എം.​എ​ൽ.​എ​യു​ടെ ആ​രോ​പ​ണ​ങ്ങ​ൾ സ​ർ​ക്കാ​റി​നും ഭ​ര​ണ​പ​ക്ഷ​ത്തി​നും ഒ​രു നാ​ണ​ക്കേ​ടു​മു​ണ്ടാ​ക്കി​യി​ട്ടി​ല്ലെ​ന്ന് സി.​പി.​എം കേ​ന്ദ്ര ക​മ്മി​റ്റി അം​ഗം എ.​കെ. ബാ​ല​ൻ. പൊ​ലീ​സു​മാ​യി ബ​ന്ധ​പ്പെ​ട്ട് ഗു​രു​ത​ര ആ​രോ​പ​ണ​ങ്ങ​ളാ​ണ് അ​ൻ​വ​ർ ഉ​യ​ർ​ത്തി​യ​ത്. ആ​രാ​യാ​ലും ഉ​പ്പ് തി​ന്ന​വ​ർ വെ​ള്ളം കു​ടി​ക്കും. അ​ൻ​വ​ർ ഉ​ന്ന​യി​ച്ച എ​ല്ലാ ആ​രോ​പ​ണ​ങ്ങ​ളും ഡി.​ജി.​പി ക​ർ​ശ​ന​മാ​യി പ​രി​ശോ​ധി​ക്കും.

ഏ​ത് പ്ര​മാ​ണി​യാ​യാ​ലും ന​ട​പ​ടി സ്വീ​ക​രി​ക്കും. പി. ​ശ​ശി​ക്കെ​തി​രാ​യി വ​ന്ന​ത​ട​ക്കം എ​ല്ലാം പൊ​ലീ​സ് പ​രി​ശോ​ധി​ക്കും. പാ​ർ​ട്ടി​യി​ൽ സ്ത്രീ​ക​ൾ​ക്ക് നേ​രെ ചൂ​ഷ​ണം ന​ട​ക്കു​ന്നെ​ന്ന കോ​ൺ​​ഗ്ര​സ് നേ​താ​വ് സി​മി റോ​സ്ബെ​ൽ ഉ​യ​ർ​ത്തി​യ ആ​രോ​പ​ണ​ത്തി​ന് മ​തി​യാ​യ പ്രാ​ധാ​ന്യം കോ​ൺ​ഗ്ര​സി​ൽ​നി​ന്ന് ല​ഭി​ച്ചി​ട്ടി​ല്ല. ഇ​ക്കാ​ര്യ​ത്തി​ൽ പ്ര​തി​പ​ക്ഷ നേ​താ​വ് ഇ​നി​യെ​ങ്കി​ലും നി​ല​പാ​ട് വ്യ​ക്ത​മാ​ക്ക​ണ​മെ​ന്നും എ.​കെ. ബാ​ല​ൻ മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു.

ആരോപണം പരിശോധിക്കും -ടി.പി. രാമകൃഷ്ണൻ

കോ​ഴി​ക്കോ​ട്: മു​ഖ്യ​മ​ന്ത്രി​യു​ടെ പൊ​ളി​റ്റി​ക്ക​ൽ സെ​ക്ര​ട്ട​റി പി. ​ശ​ശി​ക്കെ​തി​രെ കു​റ്റാ​രോ​പ​ണ​ങ്ങ​ളു​ണ്ടെ​ങ്കി​ൽ പ​രി​ശോ​ധി​ക്കു​മെ​ന്ന് ഇ​ട​തു​മു​ന്ന​ണി ക​ൺ​വീ​ന​ർ ടി.​പി. രാ​മ​കൃ​ഷ്ണ​ൻ എം.​എ​ൽ.​എ. പ്ര​സ് ക്ല​ബി​ന്റെ മീ​റ്റ് ദ ​പ്ര​സ് പ​രി​പാ​ടി​യി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. പി.​വി. അ​ൻ​വ​ർ എം.​എ​ൽ.​എ ഉ​ന്ന​യി​ച്ച പ്ര​ശ്‌​ന​ങ്ങ​ളെ​ല്ലാം അ​തീ​വ ഗൗ​ര​വ​മു​ള്ള​താ​ണ്. അ​ദ്ദേ​ഹ​ത്തി​ന്റെ അ​നു​ഭ​വ​ങ്ങ​ളും പ​രി​ശോ​ധ​ന​യി​ൽ ക​ണ്ടെ​ത്തി​യ കാ​ര്യ​ങ്ങ​ളു​മാ​ണ് പ​റ​ഞ്ഞ​തെ​ന്നും അ​വ പ​റ​യു​ന്ന​തി​ൽ തെ​റ്റി​ല്ലെ​ന്നും ടി.​പി വ്യ​ക്ത​മാ​ക്കി. ആ​രോ​പ​ണം ഉ​യ​ർ​ന്നു​വ​ന്ന​തു​കൊ​ണ്ടു​മാ​ത്രം ഒ​രാ​ൾ കു​റ്റ​വാ​ളി​യാ​കി​ല്ല. ആ​രോ​പ​ണം ഉ​ന്ന​യി​ച്ചു ക​ഴി​ഞ്ഞാ​ൽ അ​തു ശ​രി​യോ തെ​റ്റോ എ​ന്നു ക​ണ്ടെ​ത്തേ​ണ്ട​തു​ണ്ട്. എ​ല്ലാ ആ​രോ​പ​ണ​ങ്ങ​ളും പ​രി​ശോ​ധി​ക്കും. അ​താ​ണ് സ​ർ​ക്കാ​റി​ന്റെ സ​മീ​പ​നം. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഇ​ക്കാ​ര്യം വ്യ​ക്ത​മാ​ക്കി​യി​ട്ടു​ണ്ട്.

ഇ​പ്പോ​ൾ ഉ​യ​ർ​ന്നു​വ​ന്നി​ട്ടു​ള്ള ആ​രോ​പ​ണ​ങ്ങ​ൾ ഇ​ട​തു​മു​ന്ന​ണി​യെ ബാ​ധി​ക്കി​ല്ല. ആ​ഭ്യ​ന്ത​ര വ​കു​പ്പി​നെ​തി​രെ​യ​ല്ല, ചി​ല ഉ​ദ്യോ​ഗ​സ്ഥ​ർ​ക്കെ​തി​രെ​യാ​ണ് അ​ൻ​വ​ർ ആ​രോ​പ​ണം ഉ​ന്ന​യി​ച്ച​ത്. ആ​രോ​പ​ണം ഉ​യ​ർ​ന്ന സാ​ഹ​ച​ര്യ​ത്തി​ൽ സ​ർ​ക്കാ​ർ പ്ര​തി​ക്കൂ​ട്ടി​ലാ​ണെ​ന്ന വാ​ദം ശ​രി​യ​ല്ല. മു​ന്ന​ണി കൂ​ടു​ത​ൽ ശ​ക്ത​മാ​യി മു​ന്നോ​ട്ടു​പോ​കും. എ​ല്ലാ പ്ര​തി​സ​ന്ധി​ക​ളെ​യും അ​തി​ജീ​വി​ച്ച് ക​രു​ത്തു​റ്റ നേ​തൃ​ത്വം ന​ൽ​കു​ന്ന നേ​താ​വാ​ണ് പി​ണ​റാ​യി വി​ജ​യ​ൻ-​അ​ദ്ദേ​ഹം പ​റ​ഞ്ഞു.