പ്രണവിന്​ അക്ഷര വീട്​ ഒരുങ്ങി; സമർപ്പണം ഇന്ന്​

ആലത്തൂർ: മനോബലത്തി​േൻറയും സ്ഥിരോത്സാഹത്തി​േൻറയും പ്രതീകമായ ആലത്തൂരി​െൻറ പ്രിയപുത്രൻ പ്രണവിനുള്ള അക്ഷരവീടി​െൻറ കൈമാറ്റത്തിന്​ നാടൊരുങ്ങി. കോവിഡ് മാനദണ്ഡം പാലിച്ച്​, വെള്ളിയാഴ്​ച രാവിലെ 11ന് വീടി​െൻറ പരിസരത്ത്​ നടക്കുന്ന ചടങ്ങിൽ രമ്യ ഹരിദാസ് എം.പി അക്ഷര വീട് സമർപ്പണം നിർവഹിക്കും​.

ആലത്തൂർ പഞ്ചായത്ത്​ അഞ്ചാം വാർഡായ അരങ്ങാട്ടുപറമ്പിലാണ്​ പ്രണവി​െൻറ പ്രതിഭക്കുള്ള ആദരമായി സമർപ്പിക്കപ്പെടുന്ന 'ഖ' അക്ഷര വീട്​ ഉയർന്നിരിക്കുന്നത്​.

മലയാള അക്ഷരങ്ങൾ കോർത്തിണക്കി 'മാധ്യമ'വും, അഭിനേതാക്കളുടെ സംഘടനയായ അമ്മയും യൂനിമണി-എൻ.എം.സി ഗ്രൂപ്പും സംയുക്തമായാണ് വീട് നിർമിച്ചത്. ആലത്തൂർ കൃപ ചാരിറ്റബിൾ സൊസൈറ്റി ആൻഡ് കൃപ പാലിയേറ്റിവ്​ കെയർ യൂനിറ്റി​െൻറ അഭ്യർഥന മാനിച്ച്​ ആലത്തൂരിലെ സിവിൽ എൻജിനീയർ എസ്. ഉമ്മർ ഫാറൂഖാണ് വീട്​ നിർമാണത്തിന്​ ആവശ്യമായ സ്ഥലം സൗജന്യമായി നൽകിയത്​.

2018 ഒക്ടോബർ ഒമ്പതിന് വൻജനാവലിയെ സാക്ഷി നിർത്തി ആലത്തൂർ മുൻ എം.പി പി.കെ. ബിജുവാണ് വീടി​െൻറ നിർമാണോദ്ഘാടനം നിർവഹിച്ചത്​. ഹാബിറ്റാറ്റി​െൻറ ചീഫ് ആർക്കിടെക്​ട്​ ജി. ശങ്കറാണ് വീടി​െൻറ രൂപകൽപന നിർവഹിച്ചത്. ഹാബിറ്റാറ്റ്​ എൻജിനീയർ ശ്രീജിത്ത് പ്രസാദ്, ഓവർസിയർ അശ്വിൻ എന്നിവരുടെ മോൽനോട്ടത്തിലാണ്​ നിർമാണം പൂർത്തീകരിച്ചത്​.

വെള്ളിയാഴ്​ച നടക്കുന്ന സമർപ്പണചടങ്ങിൽ 'ഖ' അക്ഷരം നാമകരണം ചെയ്​ത വീടി​െൻറ ഫലകം പ്രണവിന്​, നിർമാണ കമ്മിറ്റി രക്ഷാധികാരി കെ.ഡി. പ്രസേനൻ എം.എൽ.എ കൈമാറും. ആലത്തൂർ ഗ്രാമപഞ്ചായത്ത്​ പ്രസിഡൻറ്​ എം.എ. നാസർ, ​സ്​റ്റാൻഡിങ്​ കമ്മിറ്റി ചെയർപേഴ്​സൻ രജനി ബാബു, പ്രതിപക്ഷ അംഗം പി. വിജയൻ, എ. ഉസ്​മാൻ എന്നിവർ പ​െങ്കടുക്കും.