പടുത പറന്നു വീണു;​ പൊലിഞ്ഞത്​ ജീവൻ

ആലപ്പുഴ: മിനിലോറിയിൽ കെട്ടിയിരുന്ന വലിയ പടുത അഴിഞ്ഞുവീണുണ്ടായ അപകടത്തിൽ ഓ​ട്ടോ ​ൈ​ഡ്രവർ മരിച്ച സംഭവത്തി​െൻറ ഞെട്ടലിലാണ്​ പരിസരവാസികൾ. വളവും തിരിവുമില്ലാത്ത ആലപ്പുഴ-ചങ്ങനാശ്ശേരി റോഡിൽ പള്ളാത്തുരുത്തി പാലത്തിനു സമീപം എങ്ങനെയാണ്​ അപകടം നടന്നതെന്ന്​​ ആദ്യം ആർക്കും മനസ്സിലായില്ല. വാഹനങ്ങളുടെ കൂട്ടിയിടിയിൽ വലിയശബ്​ദംകേട്ട്​ ആദ്യമെത്തിയത്​ പച്ചക്കറി കട നടത്തുന്ന പുതുവൽവീട്ടിൽ ജിജി വർഗീസും രാജിയുമാണ്​.

സ്​ത്രീകളുടെ നിലവിളിയിൽ സമീപത്തെ ലോട്ടറി കച്ചവടക്കാരനും പരിസരവാസികളും ഓടിയെത്തി. തൊട്ടുപിന്നാലെ വാഹനത്തിലെത്തിയവരും രക്ഷാപ്രവർത്തനത്തിൽ പങ്കാളിയായി​. മിനിലോറിയുടെ ഉയരത്തിനു മുകളിൽ ചാക്കുകളിൽ പ്ലാസ്​റ്റിക്​ വേസ്​റ്റ്​ നിറച്ചിരുന്നു.

അതിനു​ മുകളിൽകെട്ടിയ വലിയപടുതയാണ്​ അഴിഞ്ഞ്​​ തൊട്ടുപിന്നാലെ​െയത്തിയ ഓ​ട്ടോക്ക്​ മുകളിൽ വീണത്​. ഇതോടെ ഡ്രൈവറുടെ കാഴ്​ച മറഞ്ഞ്​ നിയ​ന്ത്രണംവിട്ട്​ ഓ​ട്ടോമറിഞ്ഞു. ഇതിനൊപ്പം എതിർദിശയിൽനിന്ന്​ എത്തിയ ടോറസ്​ ദമ്പതികൾ സഞ്ചരിച്ച ഓ​ട്ടോയിലേക്ക്​ ഇടിച്ചുകയറുകയായിരുന്നു.

അപകടത്തിൽ കോട്ടയം പള്ളം മഠത്തിൽകളം സുകുമാര​െൻറ മകൻ സജീവാണ്​​ (54) മരിച്ചത്​. ഒപ്പമുണ്ടായിരുന്ന ഭാര്യ ലീലാമ്മക്ക്​ (54) പരിക്കേറ്റു. ലോറിയുടെ അടിയിലേക്ക്​ കയറിയ ഓ​ട്ടോയിൽ കുടുങ്ങിയ ഡ്രൈവറെയും ലീലാമ്മയെയും പുറത്തെത്തിക്കാൻ 15 മിനിറ്റിലേറെ സമയം വേണ്ടിവന്നു.

രക്തംവാർന്ന ഇരുവരെയും അതുവഴിയെത്തിയ പെട്ടിഓ​ട്ടോയിലാണ്​ ആശുപത്രിയിൽ എത്തിച്ചത്​. ഇതിനിടെ, ആദ്യമെത്തിയ അഗ്​നിരക്ഷാ സേന​ റോഡിൽ രക്തം കഴുകി വൃത്തിയാക്കി. തൊട്ടുപിന്നാലെ പൊലീസ്​ എത്തിയാണ്​ അപകടത്തിൽപെട്ട വാഹനങ്ങൾ റോഡിൽനിന്ന്​ മാറ്റിയത്​.

ഏറെനേരം എ.സി റോഡിൽ ഗതാഗതക്കുരുക്കും അനുഭവപ്പെട്ടു. ടോറസും ഓ​ട്ടോയും കൂട്ടിയിടിച്ച്​ മറിഞ്ഞതാണെന്നാണ്​ നാട്ടുകാർ ആദ്യം കരുതിയത്​. പിന്നീടാണ്​ പടുത അഴിഞ്ഞ മുകളിൽ പതിച്ചതാണെന്ന്​ മനസ്സിലായത്​.