ആലപ്പുഴ മെഡിക്കല് കോളജ്: രണ്ട് പി.ജി സീറ്റുകള്ക്ക് അനുമതി
text_fieldsതിരുവനന്തപുരം: ആലപ്പുഴ സര്ക്കാര് മെഡിക്കല് കോളജില് പുതുതായി രണ്ട് പി.ജി സീറ്റുകള്ക്ക് കേന്ദ്രം അനുമതി നല്കിയതായി മന്ത്രി വീണ ജോര്ജ്. രണ്ട് എം.ഡി സൈക്യാട്രി സീറ്റുകള്ക്കാണ് നാഷണല് മെഡിക്കല് കമീഷന് അനുമതി നല്കിയത്. ആലപ്പുഴ മെഡിക്കല് കോളജില് ഈ സര്ക്കാര് ആരംഭിച്ച എം.ഡി സൈക്യാട്രി കോഴ്സിന് നേരത്തെ ഒരു സീറ്റ് ലഭിച്ചിരുന്നു. ഇതോടെ എം.ഡി സൈക്യാട്രിയില് മൂന്ന് സീറ്റുകളായി.
മാനസികാരോഗ്യ രംഗം ശക്തിപ്പെടുത്താനായി സര്ക്കാര് നടത്തുന്ന പ്രവര്ത്തനങ്ങളില് ഇതേറെ സഹായിക്കും. സൈക്യാട്രി രംഗത്ത് കൂടുതല് വിദഗ്ധരെ സൃഷ്ടിക്കാനും ചികിത്സക്കും ഗവേഷണത്തിനും ഇതിലൂടെ ഏറെ സഹായകരമാണെന്നും മന്ത്രി പറഞ്ഞു.
ഈ സര്ക്കാര് അധികാരത്തില് വന്ന ശേഷം 80 മെഡിക്കല് പി.ജി സീറ്റുകള്ക്കാണ് അനുമതി ലഭ്യമായത്. കഴിഞ്ഞ വര്ഷം സെപ്റ്റംബറില് മാത്രം 43 മെഡിക്കല് പി.ജി സീറ്റുകള്ക്കാണ് അനുമതി ലഭ്യമായത്. സംസ്ഥാനത്തെ സര്ക്കാര് മെഡിക്കല് കോളജുകളിലെ അടിസ്ഥാന സൗകര്യ വികസനത്തെ തുടര്ന്നാണ് ഇത്രയേറെ സീറ്റുകള് വര്ധിപ്പിക്കാനായത്.
സമാനതകളില്ലാത്ത വികസന പ്രവര്ത്തനങ്ങളാണ് മെഡിക്കല് കോളേജുകളില് നടന്നു വരുന്നത്. രണ്ട് മെഡിക്കല് കോളജുകളും 15 നഴ്സിങ് കോളജുകളും ഈ സര്ക്കാരിന്റെ കാലത്ത് യാഥാർഥ്യമാക്കി. ദേശീയ തലത്തില് മെഡിക്കല് വിദ്യാഭ്യാസ സ്ഥാപനങ്ങളുടെ റാങ്ക് പട്ടികയില് തിരുവനന്തപുരം മെഡിക്കല് കോളജും ദന്തല് കോളജും തുടര്ച്ചയായ രണ്ടാം തവണയും ഇടം നേടി.
സര്ക്കാര് മെഡിക്കല് കോളജുകളുടെ റാങ്കിംഗില് തിരുവനന്തപുരം മെഡിക്കല് കോളജിന് രാജ്യത്ത് തന്നെ ആറാമതെത്താനും ദന്തല് കോളജിന് അഞ്ചാമതെത്താനുമായി. പട്ടികയില് ഉള്പ്പെട്ട കേരളത്തിലെ ഏക മെഡിക്കല് കോളജും ദന്തല് കോളജും കൂടിയാണിവ.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.