അസാധാരണ വൈകല്യത്തിൽ പിറന്ന കുഞ്ഞ്​​ ആൺകുട്ടിയെന്ന്​ പരിശോധനഫലം

ആ​ല​പ്പു​ഴ: അ​സാ​ധാ​ര​ണ വൈ​ക​ല്യ​ത്തോ​ടെ പി​റ​ന്ന കു​ഞ്ഞ്​​ ആ​ൺ​കു​ട്ടി​യെ​ന്ന്​ ആ​രോ​ഗ്യ വ​കു​പ്പ്. ലിം​ഗ​മേ​തെ​ന്ന്​ തി​രി​ച്ച​റി​യാ​ൻ കു​ടും​ബം പ​രാ​തി​പ്പെ​ട്ട​തോ​ടെ ന​ട​ത്തി​യ ലിം​ഗ​നി​ർ​ണ​യ​ത്തി​ലാ​ണ്​ ഇ​ത്​ തി​രി​ച്ച​റി​ഞ്ഞ​ത്. കു​ഞ്ഞി​ന്റെ ജ​നി​ത​ക​വൈ​ക​ല്യം ക​ണ്ടെ​ത്താ​ൻ ​നേ​ര​ത്തേ സാ​മ്പി​ളു​ക​ൾ ശേ​ഖ​രി​ച്ചി​രു​ന്നു. ജ​നി​ത​ക പ​രി​ശോ​ധ​ന ഫ​ലം ല​ഭി​ക്കാ​ൻ ആ​റു​മാ​സം കാ​ത്തി​രി​ക്ക​ണം.

അ​തു​കൂ​ടി കി​ട്ടി​യ​ശേ​ഷ​മേ ഏ​തു​ത​രം ചി​കി​ത്സ തു​ട​ങ്ങ​ണ​മെ​ന്ന കാ​ര്യ​ത്തി​ൽ തീ​രു​മാ​ന​മെ​ടു​ക്കൂ. അ​ത്ര​യും​കാ​ലം കു​ഞ്ഞി​നു​ണ്ടാ​കു​ന്ന ആ​രോ​ഗ്യ​പ്ര​ശ്ന​ങ്ങ​ൾ​ക്ക് ചി​കി​ത്സ ന​ൽ​കു​മെ​ന്ന്​ ആ​രോ​ഗ്യ​വ​കു​പ്പ്​ അ​ധി​കൃ​ത​ർ പ​റ​ഞ്ഞു. അ​തി​നി​ടെ ശ്വാ​സ​ത​ട​സ്സം നേ​രി​ട്ട​തോ​ടെ കു​ഞ്ഞി​നെ വീ​ണ്ടും ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ തീ​വ്ര​പ​രി​ച​ണ വി​ഭാ​ഗ​ത്തി​ൽ പ്ര​വേ​ശി​പ്പി​ച്ചു.

ക​ട​പ്പു​റം വ​നി​ത-​ശി​ശു ആ​ശു​പ​ത്രി​യി​ലെ ഡോ​ക്ട​ർ​മാ​രു​ടെ ചി​കി​ത്സ പി​ഴ​വു​മൂ​ല​മാ​ണ് കു​ഞ്ഞി​ന് വൈ​ക​ല്യ​മു​ണ്ടാ​യ​തെ​ന്ന്​ ആ​രോ​പി​ച്ചാ​ണ് വീ​ട്ടു​കാ​ർ പ​രാ​തി ന​ൽ​കി​യ​ത്. ആ​രോ​ഗ്യ വ​കു​പ്പ് അ​ഡീ​ഷ​ന​ൽ ഡ​യ​റ​ക്ട​ർ അ​ന്വേ​ഷ​ണം ന​ട​ത്തി​യെ​ങ്കി​ലും തു​ട​ർ​ന​ട​പ​ടി​യു​ണ്ടാ​യി​ല്ല. ആ​ല​പ്പു​ഴ ല​ജ്​​ന​ത്ത്​ വാ​ർ​ഡ്​ ന​വ​റോ​ജി പു​ര​യി​ട​ത്തി​ൽ അ​നീ​ഷ്​-​സു​റു​മി ദ​മ്പ​തി​ക​ളു​ടെ ഇ​ള​യ കു​ഞ്ഞി​നാ​ണ്​ ദു​ര​വ​സ്ഥ.

ഒ​ക്​​ടോ​ബ​ർ 30നാ​ണ്​ മൂ​ന്നാം പ്ര​സ​വ​ത്തി​നാ​യി​ യു​വ​തി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. കു​ഞ്ഞി​ന് അ​ന​ക്ക​മി​ല്ലെ​ന്ന്​ ചൂ​ണ്ടി​ക്കാ​ട്ടി ന​വം​ബ​ർ ര​ണ്ടി​ന്​ ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് പ​റ​ഞ്ഞ​യ​ച്ചു. ഈ ​മാ​സം എ​ട്ടി​ന് രാ​ത്രി ഏ​ഴി​ന്​ ശ​സ്ത്ര​ക്രി​യ​യി​ലൂ​ടെ പു​റ​ത്തെ​ടു​ത്ത​തോ​ടെ​യാ​ണ് അ​സാ​ധാ​ര​ണ അം​ഗ​വൈ​ക​ല്യം തി​രി​ച്ച​റി​ഞ്ഞ​ത്. കു​ഞ്ഞി​നോ​ടു​ള്ള അ​വ​ഗ​ണ​ന​ക്കെ​തി​രെ നാ​ട്ടു​കാ​ർ ചൊ​വ്വാ​ഴ്ച രാ​ത്രി എ​ട്ടി​ന്​ വ​ട്ട​പ്പ​ള്ളി മ​ദ്​​റ​സ ഹാ​ളി​ൽ ചേ​രു​ന്ന യോ​ഗം ക​ർ​മ​സ​മി​തി രൂ​പ​വ​ത്​​ക​രി​ക്കും.