ഇടതു ചേർന്ന്​ ആലത്തൂർ

ആലത്തൂർ: മാറിച്ചിന്തിക്കാൻ ആലത്തൂരിന്​ ഒന്നുമില്ലായിരുന്നു, അത്രമേൽ ഇടതിനോട്​ ചേർന്നുനിന്ന മണ്ഡലത്തി​െൻറ ജനവിധി ഇക്കുറിയും സൂചിപ്പിക്കുന്നതതാണ്​. കഴിഞ്ഞ നിയമസഭ തെരഞ്ഞെടുപ്പിൽ ജില്ലയിൽ കൂടുതൽ ഭുരിപക്ഷത്തിൽ മണ്ഡലത്തിൽ ജയിച്ച സി.പി.എമ്മി​െൻറ ​കെ.ഡി​. പ്രസേനനിത്​ രണ്ടാമൂഴമായിരുന്നു.

34,118 വോട്ടി​െൻറ ഭൂരിപക്ഷത്തിലാണ്​ കോൺഗ്രസ്​ സ്ഥാനാർഥി പാളയം പ്രദീപിനെ ഇക്കുറി പ്രസേനൻ തറപറ്റിച്ചത്​. കാർഷിക മേഖല കൂടിയായ മണ്ഡലത്തിലെത്തിച്ച വികസനപദ്ധതികൾ വോട്ടായപ്പോൾ കഴിഞ്ഞ പാർലമെൻറ്​​ തെരഞ്ഞെടുപ്പ്​ നൽകിയ ആത്​മവിശ്വാസവുമായി കളംനിറയാനിറങ്ങിയ യു.ഡി.എഫിന്​ അടിപതറുകയായിരുന്നു.

സിറ്റിങ്​​ എം.എൽ.എയും ആലത്തൂർ സ്വദേശിയുമായ എൽ.ഡി.എഫ്​ സ്ഥാനാർഥിക്കെതിരെ അതേ നാട്ടിൽനിന്ന്​ തന്നെ കരുത്തനായ എതിരാളിയെ ഇറക്കി മണ്ഡലം പിടിക്കാനുള്ള യു.ഡി.എഫ്​ പദ്ധതി പാളിയെന്ന്​ വ്യക്തമാക്കുന്നതാണ് ഇത്തവണത്തെ വോട്ടുകണക്കുകൾ. എൽ.ഡി.എഫ്​ സ്ഥാനാർഥി കെ.ഡി. പ്രസേനൻ 74653 വോട്ടുകൾ നേടിയപ്പോൾ എതിർ സ്ഥാനാർത്ഥി കോൺഗ്രസിലെ പാളയം പ്രദീപിന് 40,535 വോട്ടുകൾ മാത്രമാണ്​ നേടാനായത്​. ബി.ജെ.പിയുടെ പ്രശാന്ത് ശിവൻ 18,349 വോട്ടും നേടി.

പാർലെമെൻറ് തെരഞ്ഞെടുപ്പിൽ രമ്യ ഹരിദാസ് മണ്ഡലത്തിൽ നേടിയ 22713 വോട്ടി​െൻറ ഭൂരിപക്ഷം കഴിഞ്ഞ പഞ്ചായത്ത് തെരഞ്ഞെടുപ്പിൽ തന്നെ എൽ.ഡി.എഫ് മറികടന്നിരുന്നു. നിയമസഭ തെരഞ്ഞെടുപ്പിന്​ ഒരു​ങ്ങു​േമ്പാഴും മണ്ഡലത്തിൽ രമ്യ ഹരിദാസ്​ ഉയർത്തിയ ലീഡ്​ തന്നെയായിരുന്നു ഇടതുമുന്നണിയുടെ വെല്ലുവിളി. എന്നാൽ, ഇത്​ നിഷ്​പ്രഭമാക്കാൻ ഇടതുമുന്നണിയുടെ ചിട്ടയായ പ്രവർത്തനത്തിനായെന്ന്​ തെളിയിക്കുന്നതാണ്​ നിലവിലെ വോട്ടുകണക്കുകൾ.

നിലവിൽ മണ്ഡലത്തിലെ ഏഴ് പഞ്ചായത്തുകളിൽ കുഴൽമന്ദത്ത് യു.ഡി.എഫും മറ്റിടങ്ങളിൽ ഇടതുമുന്നണിയുമാണ്​ ഭരിക്കുന്നത്​. ആലത്തൂർ ബ്ലോക്ക് പഞ്ചായത്തും മണ്ഡലത്തിലെ രണ്ട് ജില്ല പഞ്ചായത്ത് ഡിവിഷനുകളും നിലവിൽ ഇടതുഭരണത്തിലാണ്​.