ആലത്തൂർ തോൽവിക്ക് കാരണം കോൺഗ്രസ് ഗ്രൂപ്പുപോരിനെ തുടർന്നുള്ള നിഷ്ക്രിയത

പാ​ല​ക്കാ​ട്: ര​മ്യ ഹ​രി​ദാ​സി​ന്റെ തോ​ൽ​വി​ക്കി​ട​യാ​ക്കി​യ​ത് വ്യ​ക്ത​മാ​യ ഗ്രൂ​പ്പു​പോ​രി​നെ തു​ട​ർ​ന്ന് ആ​ല​ത്തൂ​ർ മ​ണ്ഡ​ല​ത്തി​ൽ കോ​ൺ​ഗ്ര​സ് പ്ര​വ​ർ​ത്ത​ന​ങ്ങ​ളി​ലു​ണ്ടാ​യ അ​ലം​ഭാ​വം. പ​രാ​ജ​യ​ത്തെ തു​ട​ർ​ന്ന് കോ​ൺ​ഗ്ര​സ് നേ​താ​ക്ക​ളു​ടെ ആ​രോ​പ​ണ പ്ര​ത്യാ​രോ​പ​ണ​ങ്ങ​ളി​ലാ​ണ് യു.​ഡി.​എ​ഫി​ന് വ​ൻ ഭൂ​രി​പ​ക്ഷം ന​ൽ​കാ​റു​ള്ള ചി​റ്റൂ​ർ, നെ​ന്മാ​റ മ​ണ്ഡ​ല​ങ്ങ​ളി​ൽ പ്ര​വ​ർ​ത്ത​ന​ങ്ങ​ൾ നി​ഷ്ക്രി​യ​മാ​യി​രു​ന്നെ​ന്ന തു​റ​ന്നു​പ​റ​ച്ചി​ലു​ക​ളു​ണ്ടാ​യ​ത്.

ക​ഴി​ഞ്ഞ തെ​ര​ഞ്ഞെ​ടു​പ്പി​ൽ കാ​ൽ ല​ക്ഷ​ത്തി​ല​ധി​കം ഭൂ​രി​പ​ക്ഷം ര​മ്യ ഹ​രി​ദാ​സി​ന് ന​ൽ​കി​യി​രു​ന്ന ചി​റ്റൂ​ർ മ​ണ്ഡ​ല​ത്തി​ൽ ഇ​ത്ത​വ​ണ 1472 വോ​ട്ടി​ന്റെ ഭൂ​രി​പ​ക്ഷം മാ​ത്ര​മാ​ണ് ല​ഭി​ച്ച​ത്. പ​തി​നാ​യി​ര​ത്തി​ല​ധി​കം വോ​ട്ടി​ന്റെ ഭൂ​രി​പ​ക്ഷം ന​ൽ​കി​യ നെ​ന്മാ​റ​യി​ലാ​ക​ട്ടെ 587 വോ​ട്ടി​ന്റെ ഭൂ​രി​പ​ക്ഷ​വും.

കെ.​സി. വേ​ണു​ഗോ​പാ​ൽ പ​ക്ഷ​ക്കാ​ര​നാ​യ ഡി.​സി.​സി പ്ര​സി​ഡ​ന്റും ര​മേ​ശ് ചെ​ന്നി​ത്ത​ല വി​ഭാ​ഗം പി​ന്തു​ണ​യു​ള്ള സ്ഥാ​നാ​ർ​ഥി​യും ഒ​പ്പ​മു​ള്ള ചി​റ്റൂ​ർ മേ​ഖ​ല​യി​ലെ നേ​താ​ക്ക​ളും ത​മ്മി​ലെ സ്വ​ര​​ച്ചേ​ർ​ച്ച​യി​ല്ലാ​യ്മ തെ​ര​ഞ്ഞെ​ടു​പ്പി​നു മു​മ്പേ തു​ട​ങ്ങി​യി​രു​ന്നു. മ​ണ്ഡ​ലം ഭാ​ര​വാ​ഹി​ത്വ പു​നഃ​ക്ര​മീ​ക​ര​ണം പോ​ര് രൂ​ക്ഷ​മാ​ക്കു​ക​യും ചെ​യ്തു. മ​ണ്ഡ​ലം​ത​ല-​ബ്ലോ​ക്ക്ത​ല ബൂ​ത്ത് ക​മ്മി​റ്റി ഓ​ഫി​സു​ക​ൾ​പോ​ലും ഗ്രൂ​പ്പു​പോ​ര് കാ​ര​ണം തു​റ​ന്നി​രു​ന്നി​ല്ല. പ​ല​യി​ട​ത്തും ക​ൺ​വെ​ൻ​ഷ​നു​ക​ൾ വി​ളി​ച്ചു​കൂ​ട്ടി​യി​ല്ല. ബൂ​ത്ത്ത​ല ഗൃ​ഹ​സ​ന്ദ​ർ​ശ​ന​ങ്ങ​ളും ന​ട​ന്നി​ല്ല.

അ​ച്ച​ട​ക്ക​ലം​ഘ​നം ന​ട​ത്തി​യ​വ​രോ​ട് മൃ​ദു​സ​മീ​പ​നം, തെ​ര​ഞ്ഞെ​ടു​പ്പ് പ്ര​വ​ർ​ത്ത​നം ഒ​രു വി​ഭാ​ഗം മാ​ത്രം ഏ​റ്റെ​ടു​ത്ത​ത്, യോ​ഗ​ങ്ങ​ളി​ൽ ഒ​രു വി​ഭാ​ഗ​ത്തെ ഒ​ഴി​വാ​ക്ക​ൽ തു​ട​ങ്ങി സം​ഘ​ട​നാ​സം​വി​ധാ​ന​ത്തെ നോ​ക്കു​കു​ത്തി​യാ​ക്കി​യ പ്ര​വ​ർ​ത്ത​ന​മാ​ണ് പാ​ർ​ല​മെ​ന്റ് മ​ണ്ഡ​ലം തെ​ര​ഞ്ഞെ​ടു​പ്പ് ക​മ്മി​റ്റി​യു​ടെ ചെ​യ​ർ​മാ​നാ​യ ഡി.​സി.​സി പ്ര​സി​ഡ​ന്റി​ൽ​നി​ന്നു​ണ്ടാ​യ​തെ​ന്ന് ചി​റ്റൂ​ർ മ​ണ്ഡ​ലം ക​മ്മി​റ്റി നേ​താ​ക്ക​ൾ നേ​ര​​ത്തേ ആ​രോ​പ​ണ​മു​ന്ന​യി​ച്ചി​രു​ന്നു. തെ​ര​ഞ്ഞെ​ടു​പ്പി​നു​ശേ​ഷ​വും വി​ഷ​യം ​കെ.​പി.​സി.​സി ഭാ​ര​വാ​ഹി​ക​ളു​ടെ ശ്ര​ദ്ധ​യി​ൽ​പെ​ടു​ത്തി​യി​ട്ടു​ണ്ട്.