സർവകക്ഷി യോഗത്തിന്​ ഇനി​ ​​പ്രസക്​തി എന്തെന്ന്​ എം.എം. ഹസൻ

തിരുവനന്തപുരം: അടച്ചിട്ട മുറിയിൽ ഇരുന്ന്​ സി.പി.എമ്മും ബി.ജെ.പിയും പ്രശ്​നങ്ങൾ പരിഹരിച്ച സാഹചര്യത്തിൽ ഇനി സർവകക്ഷി യോഗത്തിന്​ എന്താണ്​ ​​പ്രസക്​തിയെന്ന്​ കെ.പി.സി.സി പ്രസിഡൻറ്​ എം.എം. ഹസൻ. സർവകക്ഷി യോഗത്തിലേക്ക്​ കോൺഗ്രസിന്​ ക്ഷണം ലഭിച്ചിട്ടില്ല. ലഭിക്കു​േമ്പാൾ പോകണമോയെന്ന്​ ആലോചിക്കും. ചർച്ചയിൽ തങ്ങൾകൂടി ആവശ്യമുണ്ടെന്ന്​ തോന്നിയാൽ പോകുമെന്നും അദ്ദേഹം വാർത്തസമ്മേളനത്തിൽ പറഞ്ഞു.​ മാധ്യമങ്ങളോട്​ കഴിഞ്ഞദിവസം മുഖ്യമന്ത്രി പിണറായി വിജയൻ കാട്ടിയത്​ ധാർഷ്​ട്യമാണ്​. അതിനാൽ മാപ്പുപറയണം.

അതേസമയം ഗവർണർ വിളിച്ചപ്പോൾ മുഖ്യമന്ത്രി പോയി. അധികാരമോഹം കാരണം ഭയന്നാണ്​ ഗവർണറെ കാണാൻ പോയത്​. ഇതോടെ പിണറായി വെറും കടലാസ്​ പുലിയാണെന്ന്​ തെളിഞ്ഞു. ഒരുവശത്ത്​ ധാർഷ്​ട്യത്തി​​െൻറയും മറുവശത്ത്​ ഭീരുത്വത്തി​​െൻറയും മുഖമാണ്​ മുഖ്യമന്ത്രിക്കുള്ളത്​. മഅ്​ദനിയുടെ കാര്യത്തിൽ പി.ഡി.പി നേതാക്കൾ സഹായം ആവശ്യപ്പെട്ടാൽ സംസ്​ഥാന കോൺഗ്രസ്​ നേതൃത്വം കർണാടക സർക്കാറുമായി ബന്ധപ്പെടാൻ തയാറാണ്​. ഇത്തരം കാര്യങ്ങളിൽ സംസ്​ഥാന സർക്കാറുകൾ തമ്മിൽ ബന്ധപ്പെടുന്നതാണ്​ കൂടുതൽ ഫലപ്രദം.

എങ്കിലും പി.ഡി.പി നേതൃത്വം ആവശ്യപ്പെട്ടാൽ കർണാടക സർക്കാറിനെ കോൺഗ്രസ്​ ബന്ധപ്പെടും. സംസ്​ഥാനത്ത്​ പനി ബാധിച്ച്​ 414 പേർ മരിച്ചിട്ടും സർക്കാർ പ്രശ്​നത്തിന്​ യാതൊരു ഗൗരവവും നൽകുന്നില്ല. പനിമരണത്തിൽ ഒന്നാംപ്രതി സർക്കാറാണ്. ഇക്കാര്യത്തിൽ മുഖ്യമന്ത്രിയെയും ആരോഗ്യമന്ത്രിയെയും പ്രതികളാക്കി കൊലക്കുറ്റത്തിന്​ കേസെടുക്കണം. ബി.ജെ.പി നേതാക്കളുമായി ബന്ധപ്പെട്ട്​ ഉയർന്നുവന്നിരിക്കുന്ന അഴിമതി ആരോപണങ്ങളിൽ കോടതി നിരീക്ഷണത്തിലുള്ള സി.ബി.​െഎ അന്വേഷണം നടത്തണം.

സംസ്​ഥാന സർക്കാർ ഇക്കാര്യത്തിൽ സി.ബി.​െഎ അന്വേഷണം ആവശ്യപ്പെടണം. കഴിഞ്ഞ ഏതാനും ദിവസങ്ങളിലെ സംഘർഷത്തെ തുടർന്ന്​ അഴിമതി വിഷയത്തിൽ സർക്കാർ നിസ്സംഗത തുടരുകയാണ്​. നെഹ്​റു കോളജ്​ മാനേജ്​മ​െൻറുമായി ഒത്തുതീർപ്പ്​ ചർച്ചക്കുപോകുംമുമ്പ്​ പാർട്ടിയുമായി ആലോചിക്കാതിരുന്നതിൽ ഖേദമുണ്ടെന്ന്​ കെ. സുധാകരൻ വിശദീകരണം നൽകിയിട്ടുണ്ട്​. ചർച്ചക്ക്​ ​പോയത്​ വ്യക്​തിപരമായാണ്​. ഇത്​ മറ്റൊരുതരത്തിൽ വ്യാഖ്യാനിക്കുമെന്ന്​ കരുതിയിരുന്നി​െല്ലന്നും സുധാകരൻ വിശദീകരിച്ചിട്ടുണ്ട്​. കെ.പി.സി.സി രാഷ്​ട്രീയകാര്യസമിതിയോഗം ഇൗ മാസം എട്ടിന്​ വൈകീട്ട്​ ഏഴിന്​ ചേരുമെന്നും ഹസൻ അറിയിച്ചു.