ഇടുക്കിയിൽ എല്ലാ ഷട്ടറും അടച്ചു

തൊടുപുഴ: ഇടുക്കി അണക്കെട്ടിൽ ജലനിരപ്പ്​ താഴ്ന്നതിനെത്തുടർന്ന്​ ചെറുതോണി ഡാമിന്‍റെ എല്ലാ ഷട്ടറും അടച്ചു. അഞ്ച്​ ഷട്ടറിൽ നാലെണ്ണം കഴിഞ്ഞ ദിവസങ്ങളിൽ അടച്ചിരുന്നു. അവസാനത്തേത്​ ഞായറാഴ്ച രാവിലെ ഏഴിനാണ്​ അടച്ചത്​. ജലനിരപ്പ്​ ഉയർന്നതിനെത്തുടർന്ന്​ ഈ മാസം ഏഴിനാണ്​ ചെറുതോണി ഡാമിന്‍റെ ഷട്ടറുകൾ തുറന്ന് ​തുടങ്ങിയത്​.

നിലവിൽ 2386.74 അടി വെള്ളമാണ്​ ഡാമിലുള്ളത്​. കഴിഞ്ഞവർഷം ഇതേസമയം 2371.40 അടിയായിരുന്നു. മുല്ലപ്പെരിയാറിന്‍റെ എല്ലാ ഷട്ടറും ശനിയാഴ്ച അടച്ചിരുന്നു. 138 അടിയാണ് മുല്ലപ്പെരിയാറിലെ ജലനിരപ്പ്​.