അട്ടപ്പാടി അനെർട്ട് പദ്ധതിയിൽ അഴിമതിയെന്ന് ആരോപണം

പാ​ല​ക്കാ​ട്: ആ​ദി​വാ​സി​ക​ളു​ടെ ഉ​ന്ന​മ​ന​ത്തി​നെ​ന്ന പേ​രി​ൽ ഊ​ർ​ജ വ​കു​പ്പി​നു കീ​ഴി​ലു​ള്ള അ​നെ​ർ​ട്ട് (ഏ​ജ​ൻ​സി ഫോ​ർ ന്യൂ ​ആ​ൻ​ഡ് റി​ന്യൂ​വ​ബ്ൾ എ​ന​ർ​ജി റി​സ​ർ​ച് ആ​ൻ​ഡ് ടെ​ക്നോ​ള​ജി) അ​ട്ട​പ്പാ​ടി​യി​ൽ ന​ട​പ്പാ​ക്കി​യ 6.35 കോ​ടി​യു​ടെ പ​ദ്ധ​തി​യി​ൽ അ​ഴി​മ​തി​യെ​ന്ന് ആ​രോ​പ​ണം.

കോ​ടി​ക​ൾ ചെ​ല​വ​ഴി​ച്ച് അ​ട്ട​പ്പാ​ടി താ​ഴെ തു​ടു​ക്കി, മേ​ലെ തു​ടു​ക്കി, ഗ​ല​സി, ഊ​ര​ടം എ​ന്നീ പ്രാ​ക്ത​ന ഗോ​ത്ര​വ​ർ​ഗ ഉ​ന്ന​തി​ക​ളി​ൽ ന​ട​പ്പാ​ക്കി​യ പ​ദ്ധ​തി​ക​ളി​ൽ വൈ​ദ്യു​തി​മ​ന്ത്രി കെ. ​കൃ​ഷ്ണ​ൻ​കു​ട്ടി​യും ഉ​ദ്യോ​ഗ​സ്ഥ​രും ചേ​ർ​ന്ന് കോ​ടി​ക​ളു​ടെ അ​ഴി​മ​തി ന​ട​ത്തി​യ​താ​യി ഡി.​സി.​സി വൈ​സ് പ്ര​സി​ഡ​ന്റ് സു​മേ​ഷ് അ​ച്യു​ത​ൻ വാ​ർ​ത്ത​സ​മ്മേ​ള​ന​ത്തി​ൽ ആ​രോ​പി​ച്ചു.താ​ഴെ തു​ടു​ക്കി ഉ​ന്ന​തി​യി​ൽ സോ​ളാ​ർ-​വി​ൻ​ഡ് ഹൈ​ബ്രി​ഡ് പ​വ​ർ പ്ലാ​ന്റ് സ്ഥാ​പി​ക്കാ​ൻ 2021 ഡി​സം​ബ​ർ 21ന് ​ക്ഷ​ണി​ച്ച 1,43,38,800 രൂ​പ​യു​ടെ ടെ​ൻ​ഡ​റി​ൽ യോ​ഗ്യ​ത​യു​ള്ള ഒ​രു ക​മ്പ​നി മാ​ത്ര​മാ​ണ് പ​ങ്കെ​ടു​ത്ത​ത്.

ഒ​രു ക​മ്പ​നി​യി​ൽ​നി​ന്നു മാ​ത്രം ടെ​ൻ​ഡ​ർ ല​ഭി​ച്ചാ​ൽ റീ ​ടെ​ൻ​ഡ​ർ ചെ​യ്യ​ണ​മെ​ന്ന വ്യ​വ​സ്ഥ പാ​ലി​ക്കാ​തെ​യും കാ​റ്റി​ന്റെ ല​ഭ്യ​ത സം​ബ​ന്ധി​ച്ച് പ​ഠ​നം ന​ട​ത്താ​തെ​യു​മാ​ണ് തെ​ല​ങ്കാ​ന ആ​സ്ഥാ​ന​മാ​യ ക​മ്പ​നി​ക്ക് ടെ​ൻ​ഡ​റി​ൽ രേ​ഖ​പ്പെ​ടു​ത്തി​യ തു​ക​ക്ക് ക​രാ​ർ ഉ​റ​പ്പി​ച്ച​ത്. പി​ന്നീ​ട് ടെ​ൻ​ഡ​റി​ലേ​തി​നേ​ക്കാ​ൾ 27.66 ല​ക്ഷം രൂ​പ കൂ​ടു​ത​ൽ അ​നു​വ​ദി​ക്ക​ണ​മെ​ന്ന ക​മ്പ​നി​യു​ടെ ആ​വ​ശ്യം അംഗീകരിച്ച് 2023 ജൂ​ലൈ 19ന് ​മ​ന്ത്രി കെ. ​കൃ​ഷ്ണ​ൻ​കു​ട്ടി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന അ​നെ​ർ​ട്ട് ഗ​വേ​ണി​ങ് ബോ​ഡി യോ​ഗം തു​ക ന​ൽ​കാ​ൻ സ​ർ​ക്കാ​റി​ന് ശി​പാ​ർ​ശ ന​ൽ​കി.ഈ ​അ​ഴി​മ​തി​യി​ൽ അ​നെ​ർ​ട്ട് ചെ​യ​ർ​മാ​നാ​യ വൈ​ദ്യു​തി​മ​ന്ത്രി കെ. ​കൃ​ഷ്ണ​ൻ​കു​ട്ടി​യു​ടെ​യും സി.​ഇ.​ഒ ന​രേ​ന്ദ്ര​നാ​ഥ് വേ​ലൂ​രി​യു​ടെ​യും പ​ങ്ക് ഇ​തി​ലൂ​ടെ വ്യ​ക്ത​മാ​ണെ​ന്ന് സു​മേ​ഷ് അ​ച്യു​ത​ൻ ആ​രോ​പി​ച്ചു.

അ​ന്വേ​ഷി​ക്കാ​ൻ സ​മി​തിയെ നിയോഗിക്കും -മ​ന്ത്രി

അ​നെ​ർ​ട്ട് ആ​ദി​വാ​സി പ​ദ്ധ​തി​യി​ലെ അ​ഴി​മ​തി ആ​രോ​പ​ണം അ​ന്വേ​ഷി​ക്കാ​ൻ സാ​ങ്കേ​തി​ക വി​ദ​ഗ്ധ​ർ ഉ​ൾ​പ്പെ​ടു​ന്ന ക​മ്മി​റ്റി​യെ നി​യോ​ഗി​ക്കു​മെ​ന്ന് മ​ന്ത്രി കെ. ​കൃ​ഷ്ണ​ൻ​കു​ട്ടി ‘മാ​ധ്യ​മ’​ത്തോ​ട് പ​റ​ഞ്ഞു. അ​ന്വേ​ഷി​ച്ച് ര​ണ്ടാ​ഴ്ച​ക്ക​കം റി​പ്പോ​ർ​ട്ട് സ​മ​ർ​പ്പി​ക്കാ​ൻ ഊ​ർ​ജ വ​കു​പ്പ് അ​ഡീ​ഷ​ന​ൽ ചീ​ഫ് സെ​ക്ര​ട്ട​റി​യെ ചു​മ​ത​ല​പ്പെ​ടു​ത്തും. സോ​ളാ​ർ പ്ലാ​ന്റു​ക​ൾ പ്ര​വ​ർ​ത്ത​ന​ക്ഷ​മ​മാ​ണെ​ന്ന് ഉ​റ​പ്പു​വ​രു​ത്താ​ൻ അ​നെ​ർ​ട്ട് സി.​ഇ.​ഒ​ക്ക് നി​ർ​ദേ​ശം ന​ൽ​കി​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.