തിരുവനന്തപുരം മെഡിക്കൽ കോളജി​ലെ കോവിഡ്​ ചികിത്സയിൽ അനാസ്​ഥയെന്ന്​ ആരോപണം; ചർച്ചയായി വിഡിയോ

തിരുവനന്തപുരം: തിരുവനന്തപുരം മെഡിക്കൽ കോളജിലെ കോവിഡ് ചികിത്സയിൽ അനാസ്​ഥയെന്ന്​ ആരോപിച്ച്​ മുൻ മാധ്യമപ്രവർത്തകൻ പോസ്റ്റ്​ ചെയ്​ത വിഡിയോ സമൂഹമാധ്യമങ്ങളിൽ വൈറലാകുന്നു. കേരള കൗമുദിയിൽ നിന്ന് വിരമിച്ച ഹരിഹരൻ ആണ് കോവിഡ് ചികിത്സയുടെ പേരിൽ തിരുവനന്തപുരം മെഡിക്കൽ കോളജിൽ കൊലപാതകമാണ്​ നടക്കുന്നതെന്ന്​ ആരോപിച്ച്​ വിഡിയോ പോസ്റ്റ്​ ചെയ്​തത്​.

കോവിഡ് ചികിത്സക്കായാണ് ഹരിഹരൻ മെഡിക്കൽ കോളജ് ആശുപത്രിയിലേക്ക് പോകുന്നത്. കൃത്യമായ മാർഗനിർദേശവും പരിചരണവും നൽകാതെ അധികൃതർ തന്നെ പീഡിപ്പിച്ചുവെന്ന് അദ്ദേഹം വിഡിയോയിൽ പറയുന്നു. അവിടെയുള്ള രോഗിയെ പ്രാഥമിക കാര്യങ്ങൾ പോലും ചെയ്യാൻ അനുവദിക്കാതെ പീഡിപ്പിച്ചു. ആവശ്യമില്ലാതെ ആ രോഗിയെ വെന്‍റിലേറ്ററിലേക്ക് മാറ്റി.

എന്നാൽ അവിടെയുണ്ടായിരുന്നവർക്ക് വെന്‍റിലേറ്റർ ഉപയോഗിക്കാൻ പോലും അറിയുമായിരുന്നില്ല. ആ രോഗിയെ അധികൃതർ ഇത്തരത്തിൽ പീഡിപ്പിച്ച് കൊലപ്പെടുത്തുകയായിരുന്നുവെന്നും ഹരിഹരൻ വിഡിയോയിലൂടെ ആരോപിക്കുന്നു. മറ്റൊരു രോഗിയും ഇതേ രീതിയിൽ മെഡിക്കൽ കോളജ്​ അധികൃതരുടെ അനാസ്​ഥ മൂലം മരിച്ചെന്നും ഹരിഹരൻ ആരോപിക്കുന്നുണ്ട്​.