ആലുവയില്‍ എ.എസ്.ഐ ആത്മഹത്യ ചെയ്​തു

എറണാകുളം: ആലുവയില്‍ പൊലീസുകാരനെ ആത്മഹത്യ ചെയ്ത നിലയില്‍ കണ്ടെത്തി. ആലുവ തടിയിട്ടപറമ്പ് സ്റ്റേഷനിലെ എ.എസ്.ഐ ബാ ബുവാണ് ആത്മഹത്യ ചെയ്തത്. ആലുവ കുട്ടമശ്ശേരിയിലെ വീട്ടിലാണ് ബാബുവിനെ തൂങ്ങിമരിച്ച നിലയിൽ കണ്ടത്.

ബുധനാഴ്​ച പുലർച്ചെ ഭാര്യയാണ്​ എ.എസ്​.ഐയെ മരിച്ച നിലയിൽ കണ്ടെത്തിയത്. കുറച്ചു ദിവസങ്ങളായി ഇദ്ദേഹം മെഡിക്കൽ ലീവിലായിരുന്നു. ജോലി സംബന്ധമായി മാനസിക സംഘർഷത്തിലായിരുന്നു ബാബുവെന്ന്​ സുഹൃത്തുക്കൾ പറഞ്ഞു. എസ്​.ഐയുടെ ഭാഗത്ത്​ നിന്ന്​ കനത്ത സമ്മർദ്ദമുണ്ടായിരുന്നു. അതിനാൽ ട്രാൻസ്​ഫറിന്​ അപേക്ഷിച്ചിരുന്നുവെന്നും സുഹൃത്ത്​ മാധ്യമങ്ങളോട്​ പറഞ്ഞു. എന്നാൽ കുടുംബം ഇതെകുറിച്ച്​ പരാതിപ്പെട്ടിട്ടില്ല.