'ലോ​ക​ത്തൊ​രു ന​ഗ​ര​വും ഇതുപോലുണ്ടാവില്ല'; മാലിന്യം​കൊണ്ടുള്ള ദുരവസ്ഥ കേരളത്തിന്​ അപമാനകരമെന്ന്​ ഹൈകോടതി

കൊ​ച്ചി: മാ​ലി​ന്യം കു​മി​ഞ്ഞു​കൂ​ടു​ന്ന ദു​ര​വ​സ്ഥ കേ​ര​ള​ത്തി​ന്​ അ​പ​മാ​ന​ക​ര​മെ​ന്ന്​ ഹൈ​കോ​ട​തി. ലോ​ക​ത്തൊ​രു ന​ഗ​ര​വും കേ​ര​ള​ത്തി​ന്‍റെ ത​ല​സ്ഥാ​നം​പോ​ലെ​യാ​വി​ല്ലെ​ന്നും ത​ല​സ്ഥാ​ന ന​ഗ​ര​ത്തി​ന്‍റെ സ്ഥി​തി ഏ​റ്റ​വും മോ​ശ​മാ​ണെ​ന്നും ജ​സ്റ്റി​സ് ബെ​ച്ചു കു​ര്യ​ൻ തോ​മ​സ്, ജ​സ്റ്റി​സ് പി. ​ഗോ​പി​നാ​ഥ് എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച് വി​മ​ർ​ശി​ച്ചു. തി​രു​വ​ന​ന്ത​പു​ര​ത്തെ ആ​മ​യി​ഴ​ഞ്ചാ​ൻ തോ​ട്ടി​ലെ മാ​ലി​ന്യം വൃ​ത്തി​യാ​ക്കാ​നി​റ​ങ്ങി​യ ജോ​യി മ​രി​ച്ച സം​ഭ​വ​വു​മാ​യി ബ​ന്ധ​പ്പെ​ട്ട് അ​മി​ക്ക​സ്‌ ക്യൂ​റി ന​ൽ​കി​യ റി​പ്പോ​ർ​ട്ട് ഞെ​ട്ടി​ക്കു​ന്ന​താ​ണ്.

സ​ർ​ക്കാ​രി​ന്‍റെ മൂ​ക്കി​നു​താ​ഴെ​യാ​ണ് ഇ​തൊ​ക്കെ ന​ട​ക്കു​ന്ന​ത്. സ​മ്പ​ന്ന​മ​ല്ലെ​ങ്കി​ലും അ​യ​ൽ​രാ​ജ്യ​മാ​യ ശ്രീ​ല​ങ്ക ഇ​ക്കാ​ര്യ​ത്തി​ൽ സ്വീ​ക​രി​ക്കു​ന്ന ന​ട​പ​ടി​ക​ൾ ശ്ലാ​ഘ​നീ​യ​മാ​ണ്. ഇ​തെ​ന്താ​ണെ​ന്ന് ഉ​ദ്യോ​ഗ​സ്ഥ​ർ ഒ​രി​ക്ക​ലെ​ങ്കി​ലും അ​വി​ടം സ​ന്ദ​ർ​ശി​ച്ച് മ​ന​സ്സി​ലാ​ക്ക​ണം. അ​മി​ക്ക​സ്‌​ക്യൂ​റി​യു​ടെ നി​ർ​ദേ​ശ​ങ്ങ​ൾ പ്ര​ധാ​ന​മാ​ണ്. ഇ​തി​ലോ​രോ​ന്നി​ലും സ​ർ​ക്കാ​ർ സ്വീ​ക​രി​ച്ച ന​ട​പ​ടി നി​രീ​ക്ഷി​ക്കും. സ​ർ​ക്കാ​രി​ന്‍റെ ക​ർ​മ​പ​രി​പാ​ടി​ക​ൾ അ​ഡീ. ചീ​ഫ് സെ​ക്ര​ട്ട​റി ശാ​ര​ദാ മു​ര​ളീ​ധ​ര​ൻ വി​ശ​ദീ​ക​രി​ച്ചു. അ​ന​ധി​കൃ​ത​മാ​യി മാ​ലി​ന്യം നീ​ക്കു​ന്ന​വ​ർ തി​രു​വ​ന​ന്ത​പു​ര​ത്തു​ണ്ടെ​ന്ന് അ​വ​ർ പ​റ​ഞ്ഞു. വി​ല​പി​ടി​പ്പു​ള്ള​വ വേ​ർ​തി​രി​ച്ചെ​ടു​ത്ത​ശേ​ഷം മാ​ലി​ന്യം തോ​ടു​ക​ളി​ലും മ​റ്റും ഇ​വ​ർ ഉ​പേ​ക്ഷി​ക്കു​ന്നു. ഇ​വ​ർ​ക്കെ​തി​രെ​യും മാ​ലി​ന്യം കൈ​മാ​റു​ന്ന​വ​ർ​ക്കെ​തി​രെ​യും ന​ട​പ​ടി​യെ​ടു​ക്കു​മെ​ന്നും അ​റി​യി​ച്ചു.

ആ​മ​യി​ഴ​ഞ്ചാ​ൻ തോ​ട് പൂ​ർ​ണ​മാ​യും വൃ​ത്തി​യാ​ക്കാ​നു​ള്ള പ​ദ്ധ​തി ത​യാ​റാ​ക്കി​വ​രു​ക​യാ​ണെ​ന്ന് സ​ർ​ക്കാ​ർ അ​ഭി​ഭാ​ഷ​ക​ൻ അ​റി​യി​ച്ചു. റെ​യി​ൽ​വേ​യു​ടെ ഭാ​ഗ​ത്തെ മാ​ലി​ന്യം നീ​ക്ക​ണ​മെ​ങ്കി​ൽ യ​ന്ത്ര​സ​ഹാ​യം വേ​ണം. ആ​ഗ​സ്റ്റ് അ​വ​സാ​ന​ത്തോ​ടെ റെ​യി​ൽ​വേ​യു​ടെ കീ​ഴി​ലു​ള്ള ക​നാ​ലു​ക​ളു​ടെ​യ​ട​ക്കം ശു​ചീ​ക​ര​ണം പൂ​ർ​ത്തി​യാ​കും. റെ​യി​ൽ​വേ​യു​മാ​യി ഇ​ക്കാ​ര്യം ച​ർ​ച്ച ചെ​യ്തി​ട്ടു​ണ്ട്. ഇ​തെ​ല്ലാം എ​പ്പോ​ൾ ന​ട​പ്പാ​കു​മെ​ന്ന് കോ​ട​തി ആ​രാ​ഞ്ഞു.

കു​റ്റ​ക്കാ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്ക​ണം. വ​ൻ​തോ​തി​ൽ പ്ലാ​സ്റ്റി​ക് മാ​ലി​ന്യ​ങ്ങ​ൾ ട്രെ​യി​നു​ക​ളി​ൽ​നി​ന്ന് ട്രാ​ക്കി​ലേ​ക്ക​ട​ക്കം ത​ള്ളു​ന്നു​ണ്ടെ​ന്നും കോ​ട​തി കു​റ്റ​പ്പെ​ടു​ത്തി. പ​രി​സ​ര​വാ​സി​ക​ളാ​യ ജ​ന​ങ്ങ​ളും ത​ള്ളു​ന്നു​ണ്ടെ​ന്നാ​യി​രു​ന്നു റെ​യി​ൽ​വേ​യു​ടെ വാ​ദം. മാ​ലി​ന്യ​നി​ക്ഷേ​പം എ​ങ്ങ​നെ ത​ട​യാ​നാ​വു​മെ​ന്നും കോ​ട​തി ചോ​ദി​ച്ചു. ഇ​തി​നു​ള്ള ക​ർ​മ പ​രി​പാ​ടി​ക​ൾ വ്യ​ക്ത​മാ​ക്ക​ണമെന്നും കോടതി പറഞ്ഞു.