മൂക്കുകയറില്ലാ​​തെ ആംബുലൻസുകൾ:​ കമീഷൻ റിപ്പോർട്ട്​ ഗതാഗത വകുപ്പ്​ വെച്ചുപൂട്ടി

തി​രു​വ​ന​ന്ത​പു​രം: ആം​ബു​ല​ൻ​സു​ക​ളു​ടെ അ​മി​ത ചാ​ർ​ജി​നും അ​നാ​രോ​ഗ്യ​പ്ര​വ​ണ​ത​ക​ൾ​ക്കും ​മൂ​ക്കു​ക​യ​റി​ടു​ന്ന​തി​നാ​യി സ​ർ​ക്കാ​ർ നി​യോ​ഗി​ച്ച ക​മീ​ഷ​ൻ പ​ഠി​ച്ച്​ റി​പ്പോ​ർ​ട്ട്​ സ​മ​ർ​പ്പി​ച്ചെ​ങ്കി​ലും ശി​പാ​ർ​​ശ​ക​ളും നി​ർ​ദേ​ശ​ങ്ങ​ളും ഗ​താ​ഗ​ത വ​കു​പ്പ്​ വെ​ച്ചു​പൂ​ട്ടി. ആം​ബു​ല​ൻ​സു​ക​ളെ ആ​റ്​ വി​ഭാ​ഗ​ങ്ങ​ളാ​യി തി​രി​ച്ചും ​സൗ​ക​ര്യ​ങ്ങ​ൾ​ക്ക​നു​സ​രി​ച്ച് നി​ര​ക്ക്​ നി​ശ്ച​യി​ച്ചും ജ​സ്റ്റി​സ്​ രാ​മ​ച​ന്ദ്ര​ൻ ക​മീ​ഷ​ൻ സ​മ​ർ​പ്പി​ച്ച റി​പ്പോ​ർ​ട്ട്​ ഒ​ന്ന​ര​വ​ർ​ഷം ​ക​ഴി​ഞ്ഞി​ട്ടും വെ​ളി​ച്ചം ക​ണ്ടി​ട്ടി​ല്ല. അ​ത്യാ​ഹി​ത​ങ്ങ​ളി​ലും അ​ടി​യ​ന്ത​ര സാ​ഹ​ച​ര്യ​ങ്ങ​ളി​ലും തോ​ന്നും​പ​ടി ക​ഴു​ത്ത​റ​പ്പ​ൻ നി​ര​ക്കീ​ടാ​ക്ക​ല​ട​ക്കം പ​രാ​തി​ക​ൾ വ്യാ​പ​ക​മാ​കു​മ്പോ​ഴും ഗ​താ​ഗ​ത വ​കു​പ്പും മോ​ട്ടോ​ർ വാ​ഹ​ന​വ​കു​പ്പി​നും ഇ​ക്കാ​ര്യ​ത്തി​ൽ മി​ണ്ടാ​ട്ട​വു​മി​ല്ല. ആ​ശു​പ​ത്രി​ക​ൾ​ക്കു​ള്ളി​ൽ ത​ന്നെ കാ​ൻ​വാ​സി​ങ്ങി​ന്​ ഏ​ജ​ന്‍റു​മാ​രെ​യ​ട​ക്കം നി​യോ​ഗി​ച്ചാ​ണ്​ പ്ര​വ​ർ​ത്ത​ന​ങ്ങ​ൾ. ഒ​രു ജി​ല്ല​യി​ൽ ത​ന്നെ ഈ​ടാ​ക്കു​ന്ന​ത്​ പ​ല നി​ര​ക്കാ​ണ്. ​ജീ​വ​കാ​രു​ണ്യ​സ്വ​ഭാ​വ​ത്തി​ൽ പ്ര​വ​ർ​ത്തി​ക്കു​ന്ന ചു​രു​ക്കം ആം​ബു​ല​ൻ​സു​ക​ൾ മാ​ത്ര​മാ​ണ്​ അ​പ​വാ​ദം. അ​ന​ധി​കൃ​ത ആം​ബു​ല​ൻ​സു​ക​ളെ നി​യ​ന്ത്രി​ക്കാ​നും ആം​ബു​ല​ൻ​സു​ക​ളു​ടെ സേ​വ​നം സം​സ്ഥാ​ന​ത്തു​ട​നീ​ളം ഏ​കോ​പി​പ്പി​ക്കാ​നും ആ​രോ​ഗ്യ-​ഗ​താ​ഗ​ത മ​ന്ത്രി​മാ​ർ പ​ല​വ​ട്ടം യോ​ഗം ചേ​ർ​ന്നി​രു​ന്നു​വെ​ങ്കി​ലും തീ​രു​മാ​ന​ങ്ങ​ളൊ​ന്നും ന​ട​പ്പാ​യി​ല്ല. ഇ​തി​നി​ടെ​യി​ലാ​ണ്​ 2021 അ​വ​സാ​ന​ത്തി​ൽ സ​മ​ർ​പ്പി​ച്ച ജ​സ്റ്റി​സ്​ രാ​മ​ച​ന്ദ്ര​ൻ ക​മീ​ഷ​ൻ റി​പ്പോ​ർ​ട്ടി​നെ കു​റി​ച്ച്​ ചോ​ദ്യ​ങ്ങ​ളു​യ​രു​ന്ന​ത്.

സം​സ്ഥാ​ന​ത്തെ ആം​ബു​ല​ൻ​സു​ക​ളെ മോ​ർ​ച്ച​റി വാ​ൻ, അ​ഡ്വാ​ൻ​സ്​ ലൈ​ഫ്​ സ​പ്പോ​ർ​ട്ട്​ എ.​സി, അ​ഡ്വാ​ൻ​സ്​ ലൈ​ഫ്​ സ​പ്പോ​ർ​ട്ട്​ നോ​ൺ എ.​സി, ബേ​സി​ക്​ ലൈ​ഫ്​ സ​പ്പോ​ർ​ട്ട്​ എ.​സി, ബേ​സി​ക്​ ലൈ​ഫ്​ സ​പ്പോ​ർ​ട്ട്​ നോ​ൺ എ.​സി, ഐ.​സി.​യു, എ​ൻ.​ഐ.​സി.​യു എ​ന്നി​ങ്ങ​നെ ആ​റ്​ കാ​റ്റ​ഗ​റി​ക​ളാ​യി വി​ഭ​ജി​ച്ചും സൗ​ക​ര്യ​ങ്ങ​ൾ​ക്ക​നു​സ​രി​ച്ച്​ ഓ​രോ കാ​റ്റ​ഗ​റി​ക്കും കി​ലോ​മീ​റ്റ​ർ നി​ര​ക്ക്​ നി​ശ്ച​യി​ച്ചു​മാ​ണ്​ ക​മീ​ഷ​ൻ റി​പ്പോ​ർ​ട്ട്​ സ​മ​ർ​പ്പി​ച്ച​ത്.

റ​സീ​പ്​​റ്റ്​ നി​ർ​ബ​ന്ധ​മാ​ക്ക​ണ​മെ​ന്ന​താ​ണ്​ പ്ര​ധാ​ന ശി​പാ​ർ​ശ​ക​ളി​ലൊ​ന്ന്. മൃ​​ത​ദേ​ഹ​ങ്ങ​ൾ കൊ​ണ്ടു​പോ​കു​ന്ന​തി​ന്​ മാ​ത്രം ഉ​പ​യോ​ഗി​ക്കു​ന്ന ‘മോ​ർ​ച്ച​റി വാ​ൻ’ എ​ന്ന​തി​ന്​​ പു​തി​യ കാ​റ്റ​ഗ​റി​യും ശി​പാ​ർ​ശ​ക​ളി​ലു​ണ്ടാ​യി​രു​ന്നു. ഇ​വ​ക്ക്​​ ആം​ബു​ല​ൻ​സ്​ നി​ര​ക്ക്​ ഈ​ടാ​ക്കാ​നാ​കി​ല്ല. ഇ​ത്ത​രം വാ​ഹ​ന​ങ്ങ​ൾ​ക്ക്​ അ​മി​ത​വേ​ഗം അ​നു​വ​ദി​ക്ക​രു​തെ​ന്നും ശി​പാ​ർ​ശ​യി​ലു​ണ്ടാ​യി​രു​ന്നു.