അങ്കമാലി-ശബരി റെയിൽപാത; ദുരിതത്തിന്​ അറുതിയില്ലാതെ ഭൂവുടമകൾ

കൊ​ച്ചി: പ​ദ്ധ​തി ന​ട​ത്തി​പ്പി​ൽ അ​നി​ശ്ചി​ത​ത്വം തു​ട​രു​മ്പോ​ൾ അ​ങ്ക​മാ​ലി-​ശ​ബ​രി റെ​യി​ൽ പ​ദ്ധ​തി മേ​ഖ​ല​യി​ൽ വ​രു​ന്ന ഭൂ​വു​ട​മ​ക​ൾ കാ​ൽ​നൂ​റ്റാ​ണ്ടി​ലേ​റെ​യാ​യി ദു​രി​ത​ത്തി​ൽ. പ​ദ്ധ​തി ന​ട​ത്തി​പ്പു​മാ​യി ബ​ന്ധ​പ്പെ​ട്ട് സം​സ്ഥാ​നം സ​ഹ​ക​രി​ക്കു​ന്നി​ല്ലെ​ന്ന കേ​ന്ദ്ര റെ​യി​ൽ​വേ മ​ന്ത്രി​യു​ടെ പ്ര​സ്താ​വ​ന​യും, അ​ത്​ ഖ​ണ്ഡി​ച്ച്​ മു​ഖ്യ​മ​ന്ത്രി​യു​ടെ മ​റു​പ​ടി​യു​മാ​ണ് ഇ​ട​വേ​ള​ക്കു​ശേ​ഷം പ​ദ്ധ​തി വീ​ണ്ടും ച​ർ​ച്ച​യാ​കാ​ൻ കാ​ര​ണം. കാ​ൽ​നൂ​റ്റാ​ണ്ട് പി​ന്നി​ടു​മ്പോ​ഴും പ​ദ്ധ​തി എ​ങ്ങു​മെ​ത്താ​ത്ത​താ​ണ് ഭൂ ​ഉ​ട​മ​ക​ളെ പ്ര​തി​സ​ന്ധി​യി​ലാ​ക്കു​ന്ന​ത്.

1995-96ലെ ​റെ​യി​ൽ​വേ ബ​ജ​റ്റി​ൽ വി​ഭാ​വ​നം​ചെ​യ്ത്​ തൊ​ട്ട​ടു​ത്ത വ​ർ​ഷം പ്രാ​ഥ​മി​ക സ​ർ​വേ ന​ട​ത്തി​യ​തി​ന് പി​ന്നാ​ലെ നി​ർ​മാ​ണ​വും ആ​രം​ഭി​ച്ചു. കാ​ല​ടി​യി​ൽ റെ​യി​ൽ​വേ സ്റ്റേ​ഷ​നും പെ​രി​യാ​റി​ന് കു​റു​കേ ഒ​രു​കി​ലോ​മീ​റ്റ​ർ നീ​ള​മു​ള്ള പാ​ല​വും നി​ർ​മി​ച്ചു. 2022ൽ ​അ​ങ്ക​മാ​ലി മു​ത​ൽ രാ​മ​പു​രം വ​രെ​യു​ള്ള 70 കി.​മീ. ​പ്ര​ദേ​ശ​ത്ത്​ സ്ഥ​ലം ഏ​റ്റെ​ടു​ക്കാ​ൻ സ​ർ​വേ ന​ട​ത്തി. എ​റ​ണാ​കു​ളം ജി​ല്ല​യി​ലി​ത് പൂ​ർ​ത്തി​യാ​യി. കോ​ട്ട​യം ജി​ല്ല‍യി​ൽ ഇ​തി​നെ​തി​രെ ചി​ല​ർ നി​യ​മ ന​ട​പ​ടി​ക​ൾ ആ​രം​ഭി​ച്ച​തോ​ടെ പ​ദ്ധ​തി നി​ല​ച്ചു.

നി​ല​വി​ൽ 17 വി​ല്ലേ​ജു​ക​ളി​ൽ ഭൂ​മി​യേ​റ്റെ​ടു​ക്കാ​നാ​യി ര​ണ്ട് പ​തി​റ്റാ​ണ്ട് മു​മ്പ് 25 ഹെ​ക്ട​ർ സ്ഥ​ലം അ​ള​ന്നു​തി​രി​ച്ച് റെ​യി​ൽ​വേ ക​ല്ലി​ട്ടു. ഇ​തോ​ടെ ഈ ​സ്ഥ​ലം വി​ൽ​ക്കാ​നോ കൈ​മാ​റ്റം ചെ​യ്യാ​നോ ക​ഴി​യാ​ത്ത അ​വ​സ്ഥ​യി​ലാ​ണ്​ ഭൂ​വു​ട​മ​ക​ൾ. ഉ​ട​മ​ക​ളി​ൽ പ​ല​രും മ​രി​ച്ചെ​ങ്കി​ലും പ​ദ്ധ​തി​യി​ൽ അ​ന്തി​മ തീ​രു​മാ​ന​മാ​കാ​ത്ത​ത് മ​റ്റു​ള്ള​വ​രെ​യും ദു​രി​ത​ത്തി​ലാ​ക്കു​ക​യാ​ണ്. ഈ ​ഭൂ​മി ഈ​ടു​വെ​ച്ച് ബാ​ങ്കു​ക​ൾ വാ​യ്പ ന​ൽ​കി​ല്ല.

2019ൽ ​തു​ട​ർ പ്ര​വ​ർ​ത്ത​ന​ങ്ങ​ൾ മ​ര​വി​പ്പി​ച്ചി​രു​ന്നു. എ​ന്നാ​ൽ, പ​ദ്ധ​തി​ത്തു​ക​യു​ടെ പ​കു​തി സം​സ്ഥാ​നം വ​ഹി​ക്ക​ണ​മെ​ന്ന നി​ർ​ദേ​ശം സം​സ്ഥാ​ന സ​ർ​ക്കാ​ർ അം​ഗീ​ക​രി​ക്കു​ക​യും 2021 ബ​ജ​റ്റി​ൽ കി​ഫ്ബി വ​ഴി 2000 കോ​ടി മാ​റ്റി​വെ​ക്കു​ക​യും ചെ​യ്തു. ഇ​തോ​ടെ മു​ട​ങ്ങി​ക്കി​ട​ന്ന പ​ദ്ധ​തി​ക്ക് വീ​ണ്ടും ജീ​വ​ൻ​വെ​ച്ചു.

ഇ​തി​നു​പി​ന്നാ​ലെ 2023ലെ ​കേ​ന്ദ്ര ബ​ജ​റ്റി​ൽ 100 കോ​ടി രൂ​പ അ​നു​വ​ദി​ച്ച​തോ​ടെ പ​ദ്ധ​തി യാ​ഥാ​ർ​ഥ്യ​മാ​കു​മെ​ന്ന പ്ര​തീ​തി​യാ​യി. ഇ​ത് ഭൂ​വു​ട​മ​ക​ൾ​ക്ക​ട​ക്കം ആ​ശ്വാ​സ​മേ​കി​യി​രു​ന്നു. എ​ന്നാ​ൽ, പ​ദ്ധ​തി​ത്തു​ക​യി​ലെ പ​ങ്കാ​ളി​ത്തം സം​ബ​ന്ധി​ച്ച കേ​ന്ദ്ര-​സം​സ്ഥാ​ന ത​ർ​ക്ക​മാ​ണ് ഇ​പ്പോ​ഴ​ത്തെ പ്ര​തി​സ​ന്ധി.