അങ്കമാലിയിൽ വാഹനാപകടത്തിൽ ഡ്രൈവറുടെ കൈ അറ്റു

അങ്കമാലി: അരീക്കൽ ജങ്​ഷനിൽ ചൊവ്വാഴ്​ച രാവിലെ അഞ്ചരയോടെ ഉണ്ടായ വാഹനാപകടത്തിൽ ഡ്രൈവറുടെ കൈ അറ്റു. മേലൂർ മാരിയ ൻപാറ വീട്ടിൽ ജോബിയുടെ വലതു കൈ ആണ് മുറിഞ്ഞു പോയത്.

ജോബി ഓടിച്ച, പാലു കൊണ്ടുവരുന്ന ടാറ്റ എയ്സ് വാഹനത്തിന്​ മറ്റൊരു വാഹനം ഇടിക്കുകയായിരുന്നു. ഇടിച്ച വാഹനം തിരിച്ചറിഞ്ഞിട്ടില്ല. നിയന്ത്രണംവിട്ട എയ്സ് മതിൽ ഇടിച്ചാണ് നിന്നത്. ഗുരുതര പരിക്കേറ്റ
ജോബിയെ എൽ.എഫ് ആശുപത്രിയിൽ പ്രവേശിപ്പിച്ചിരിക്കുകയാണ്​.