വിഷയ മിനിമം പുനഃസ്ഥാപിച്ചുള്ള ആദ്യ വാർഷിക പരീക്ഷ ഈ വർഷം എട്ടാം ക്ലാസിൽ

തി​രു​വ​ന​ന്ത​പു​രം: വി​ഷ​യ മി​നി​മം പു​നഃ​സ്ഥാ​പി​ച്ചു​ള്ള ആ​ദ്യ സ്കൂ​ൾ വാ​ർ​ഷി​ക പ​രീ​ക്ഷ ഈ ​അ​ധ്യ​യ​ന വ​ർ​ഷം എ​ട്ടാം ക്ലാ​സി​ലെ വി​ദ്യാ​ർ​ഥി​ക​ൾ​ക്കാ​യി ന​ട​ത്തു​മെ​ന്ന്​ പൊ​തു​വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി.

2025-26 അ​ധ്യ​യ​ന വ​ർ​ഷം എ​ട്ട്, ഒ​മ്പ​ത്​ ക്ലാ​സു​ക​ളി​ലും 2026-27 അ​ധ്യ​യ​ന വ​ർ​ഷം എ​ട്ട്, ഒ​മ്പ​ത്, പ​ത്ത്​ ക്ലാ​സു​ക​ളി​ലും പൊ​തു​പ​രീ​ക്ഷ​യി​ൽ വി​ഷ​യ മി​നി​മം ന​ട​പ്പാ​ക്കും. ഇ​തു​സം​ബ​ന്ധി​ച്ച്​ പൊ​തു​വി​ദ്യാ​ഭ്യാ​സ വ​കു​പ്പ്​ സം​ഘ​ടി​പ്പി​ച്ച കോ​ൺ​ക്ലേ​വി​ൽ ഉ​യ​ർ​ന്ന പ്ര​തി​ഷേ​ധം പൂ​ർ​ണ​മാ​യും അ​ട​ങ്ങി​യി​ട്ടി​ല്ലെ​ന്നും ഘ​ട്ടം​ഘ​ട്ട​മാ​യി പ​രി​ഹ​രി​ക്കാ​നാ​കു​മെ​ന്നും മ​ന്ത്രി പ​റ​ഞ്ഞു.

പൊ​തു​വി​ദ്യാ​ഭ്യാ​സ​ത്തി​ന്‍റെ ഗു​ണ​നി​ല​വാ​രം ഉ​യ​ർ​ത്താ​നു​ള്ള ഇ​ത്ത​രം ന​ട​പ​ടി​ക​ളു​മാ​യി മു​ന്നോ​ട്ടു​പോ​കു​മെ​ന്ന് മു​ഖ്യ​മ​ന്ത്രി ത​ന്നെ വ്യ​ക്​​ത​മാ​ക്കി​യി​ട്ടു​ണ്ട്. പൊ​തു​പ​രീ​ക്ഷ​യി​ൽ വി​ഷ​യ മി​നി​മം ന​ട​പ്പാ​ക്കു​ന്ന​തി​നും നി​ര​ന്ത​ര മൂ​ല്യ​നി​ർ​ണ​യ​ത്തി​ൽ തി​ക​ഞ്ഞ ജാ​ഗ്ര​ത പു​ല​ർ​ത്തു​ന്ന​തി​നും മെ​റി​റ്റ് മാ​ത്രം പ​രി​ഗ​ണി​ക്കു​ന്ന​തി​നാ​യി പ്ര​ത്യേ​ക മാ​ന​ദ​ണ്ഡ​ങ്ങ​ൾ പു​റ​പ്പെ​ടു​വി​ക്കു​ന്ന​തി​നും അ​നു​മ​തി ന​ൽ​കി സ​ർ​ക്കാ​ർ ഉ​ത്ത​ര​വ് പു​റ​പ്പെ​ടു​വി​ച്ചി​ട്ടു​ണ്ട്. മി​നി​മം മാ​ർ​ക്ക്​ നേ​ടാ​ൻ ക​ഴി​യാ​ത്ത​വ​ർ​ക്ക്​ പ​രി​ഹാ​ര​ബോ​ധ​ന​വും തു​ട​ർ​ന്ന്​ പ​രീ​ക്ഷ​യും ന​ട​ത്തു​മെ​ന്നും മ​ന്ത്രി പ​റ​ഞ്ഞു.

സ്കൂ​ൾ വാ​ർ​ഷി​ക പ​രീ​ക്ഷ​ക​ളു​ടെ തീ​യ​തി​ക​ൾ തീ​രു​മാ​നി​ച്ച​താ​യും മ​ന്ത്രി അ​റി​യി​ച്ചു. ​ഹൈ​സ്കൂ​ളു​ക​ൾ​ക്കൊ​പ്പ​മു​ള്ള എ​ൽ.​പി വി​ഭാ​ഗം പ​രീ​ക്ഷ 2025 ഫെ​ബ്രു​വ​രി 28 മു​ത​ൽ മാ​ർ​ച്ച് 27 വ​രെ ന​ട​ത്തും.

ഹൈ​സ്കൂ​ളു​ക​ൾ​ക്കൊ​പ്പ​മു​ള്ള യു.​പി വി​ഭാ​ഗം പ​രീ​ക്ഷ ഫെ​ബ്രു​വ​രി 27 മു​ത​ൽ മാ​ർ​ച്ച് 27 വ​രെ ന​ട​ത്തും. എ​ട്ടാം ക്ലാ​സി​ലെ പ​രീ​ക്ഷ ഫെ​ബ്രു​വ​രി 24 മു​ത​ൽ മാ​ർ​ച്ച് 20 വ​രെ​യും ഒ​മ്പ​താം ക്ലാ​സ്​ പ​രീ​ക്ഷ ഫെ​ബ്രു​വ​രി 24 മു​ത​ൽ മാ​ർ​ച്ച് 27 വ​രെ​യും ന​ട​ത്തും.