മാനവീയം വീഥിയിൽ വീണ്ടും ആക്രമണം: പൊലീസിന് നേരെ കല്ലേറ്, സ്ത്രീയുടെ തലക്ക് പരിക്കേറ്റു

തി​രു​വ​ന​ന്ത​പു​രം: മാ​ന​വീ​യം വീ​ഥി​യിലെ നൈ​റ്റ് ലൈ​ഫി​നിടെ വീണ്ടും ആക്രമണം. അർധരാത്രിയോടെ മദ്യപിച്ചെത്തിയ സംഘമാണ് പൊലീസിന് നേരെ കല്ലെറിഞ്ഞത്. കല്ലേറിൽ നെട്ടയം സ്വദേശിയായ സ്ത്രീയുടെ തലക്ക് പരിക്കേറ്റു. സംഭവത്തിൽ നെട്ടയം, നെയ്യാറ്റിൻകര സ്വദേശികളായ നാലു പേരെ പൊലീസ് കസ്റ്റഡിയിലെടുത്തു.

പാട്ടും ഡാൻസും നടക്കുന്നതിനിടെ അക്രമിസംഘം കസേരകൾ തള്ളിമാറ്റുകയും അക്രമാസക്തരായി പെരുമാറുകയുമായിരുന്നു. ഇതോടെ സ്ഥലത്തെത്തിയ പൊലീസ് ഇവരെ ആൽത്തറ പരിസരത്തേക്ക് മാറ്റി. ഇതോടെ അക്രമിസംഘം പൊലീസിന് നേരെ കല്ലെറിയുകയായിരുന്നു.

വെ​ള്ളി​യാ​ഴ്ച രാ​ത്രി മാ​ന​വീ​യം വീ​ഥി​യി​ല്‍ ജ​ന​മ​ധ്യ​ത്തി​ല്‍ യു​വാ​ക്ക​ള്‍ ത​മ്മി​ലേ​റ്റു​മു​ട്ടി​യ സം​ഭ​വ​ത്തി​ല്‍ ക​ണ്ടാ​ല​റി​യാ​വു​ന്ന ര​ണ്ടു​ പേ​ര്‍ക്കെ​തി​രെ മ്യൂ​സി​യം പൊ​ലീ​സ് കേ​സെ​ടു​ത്തിരുന്നു. കേ​ര​ളീ​യ​വു​മാ​യി ബ​ന്ധ​പ്പെ​ട്ട ആ​ഘോ​ഷ​ങ്ങ​ൾ​ക്കി​ട​യിൽ യു​വാ​ക്ക​ള്‍ ഏ​റ്റു​മു​ട്ടി​യത്.

പൊ​ലീ​സെ​ത്തി ഇ​വ​രെ പി​ന്തി​രി​പ്പി​ച്ച് പ​റ​ഞ്ഞു​വി​ടു​ക​യാ​യി​രു​ന്നു. ആ​ർ​ക്കും പ​രാ​തി​യി​ല്ലാ​ത്ത​തി​നാ​ല്‍ പൊ​ലീ​സ് കേ​സെ​ടു​ത്ത​തു​മി​ല്ല. സം​ഭ​വ​ത്തി​ന്‍റെ വി​ഡി​യോ പു​റ​ത്തു​വ​ന്ന​തോ​ടെ വി​വാ​ദ​മാ​യി. മാ​ന​വീ​യം വീ​ഥി​യെ നൈ​റ്റ് ലൈ​ഫി​ൽ നി​ന്ന് ഒ​ഴി​വാ​ക്ക​ണ​മെ​ന്നു​വ​രെ സ​മൂ​ഹ​മാ​ധ്യ​മ​ങ്ങ​ളി​ൽ ച​ർ​ച്ച​യാ​യി. ഇ​തോ​ടെ​യാ​ണ് സം​ഭ​വ​ത്തി​ൽ സ​ർ​ക്കാ​ർ നി​ർ​ദേ​ശ​പ്ര​കാ​രം മ്യൂ​സി​യം പൊ​ലീ​സ് അ​ന്വേ​ഷ​ണം ആ​രം​ഭി​ച്ച​ത്. അ​ക്ര​മ​ത്തി​നി​ര​യാ​യ പൂ​ന്തു​റ സ്വ​ദേ​ശി​യി​ൽ നി​ന്ന് മൊ​ഴി​യെ​ടു​ത്ത് കേ​സെ​ടു​ക്കു​ക​യാ​യി​രു​ന്നു.

ശ​നി​യാ​ഴ്ച പു​ല​ർ​ച്ചെ മാ​ന​വീ​യം വീ​ഥി​യി​ൽ ക​ലാ​പ​രി​പാ​ടി​ക്കി​ടെ സ​ഹോ​ദ​ര​ന്മാ​രെ സം​ഘം​ ചേ​ർ​ന്ന്​ വ​ള​ഞ്ഞി​ട്ടു​ത​ല്ലി​യ സം​ഭ​വ​ത്തി​ൽ ഒ​രാ​ളെ പൊ​ലീ​സ് പി​ടി​കൂ​ടി. തൈ​ക്കാ​ട് മേ​ലാ​റ​ന്നൂ​ർ സ്വ​ദേ​ശി ശി​വ (19)​യെ ആ​ണ് മ്യൂ​സി​യം പൊ​ലീ​സ് അ​റ​സ്റ്റ് ചെ​യ്ത​ത്. അ​ക്ര​മി​സം​ഘ​ത്തി​ലു​ണ്ടെ​ന്നു​ക​രു​തു​ന്ന മൂ​ന്നു​പേ​ർ ക​സ്റ്റ​ഡി​യി​ലു​ണ്ട്.

ക​ലാ​പ​രി​പാ​ടി കാ​ണാ​നെ​ത്തി​യ പൂ​ന്തു​റ സ്വ​ദേ​ശി അ​ക്സ​ല​ൻ (27), അ​നു​ജ​ൻ ജ​നീ​ഷ് എ​ന്നി​വ​രെ ഒ​രു സം​ഘം ആ​ളു​ക​ൾ വ​ള​ഞ്ഞി​ട്ട് മ​ർ​ദി​ച്ചെ​ന്നാ​ണ് കേ​സ്. അ​ക്ര​മ​ത്തി​ൽ അ​ക്സ​ല​ന്‍റെ ത​ല​ക്ക്​ പ​രി​ക്കേ​ൽ​ക്കു​ക​യും ചെ​യ്തു. ക​ലാ​പ​രി​പാ​ടി ന​ട​ക്കു​മ്പോ​ൾ റോ​ഡി​ൽ നൃ​ത്തം​വെ​ച്ച​തി​ന്റെ പേ​രി​ലാ​യി​രു​ന്നു ആ​ക്ര​മ​ണം.

അ​ക്സ​ല​നെ അ​ക്ര​മി സം​ഘം നി​ല​ത്തു​ത​ള്ളി​യി​ട്ട്​ മ​ർ​ദി​ക്കു​ക​യും ച​വി​ട്ടു​ക​യും ചെ​യ്യു​ന്ന ദൃ​ശ്യ​ങ്ങ​ൾ വ്യാ​പ​ക​മാ​യി പ്ര​ച​രി​ക്കു​ക​യും സം​ഭ​വം വി​വാ​ദ​മാ​കു​ക​യും ചെ​യ്ത​തോ​ടെ​യാ​ണ് പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ച​ത്.