ലഹരി വിരുദ്ധ ദിനം സ്കൂളുകളിൽ ആചരിക്കണമെന്ന് വി. ശിവൻകുട്ടി

തിരുവനന്തപുരം: ലഹരി വിരുദ്ധ ദിനം സ്കൂളുകളിൽ സമുചിതമായി ആചരിക്കണമെന്ന് മന്ത്രി വി. ശിവൻകുട്ടി. സ്കൂളുകളിലെ ലഹരി വിരുദ്ധ ദിനാചരണത്തിന്റെ സംസ്ഥാനതല ഉദ്ഘാടനം മന്ത്രി തിരുവനന്തപുരം എസ്.എം.വി സ്കൂളിൽ 26ന് രാവിലെ 9.30 ന് നിർവഹിക്കും.

സംസ്ഥാനത്ത് മുഴുവൻ സ്കൂളുകളിലും ലഹരി വിരുദ്ധ ദിനാചരണം നടത്തണം. സ്കൂൾ അസംബ്ലിയിൽ ലഹരി വിരുദ്ധ പ്രതിജ്ഞ ചൊല്ലാം. ലഹരിപദാർഥങ്ങൾക്കെതിരെയുള്ള ബോധവൽക്കരണത്തിന്റെ ഭാഗമായുള്ള പരിപാടികൾ സ്കൂളുകളിൽ സംഘടിപ്പിക്കാമെന്നും മന്ത്രി അറിയിച്ചു.