‘എനിടൈം മണി’ തട്ടിപ്പ്; കൂടുതൽ കേസുകളിൽ പ്രതികളുടെ അറസ്റ്റ് ഉടൻ

കോ​ഴി​ക്കോ​ട്: പാ​ലാ​ഴി​യി​ലെ എ​നി​ടൈം മ​ണി (എ.​ടി.​എം) സാ​മ്പ​ത്തി​ക ത​ട്ടി​പ്പു​കേ​സി​ൽ പ്ര​തി​ക​ളു​ടെ അ​റ​സ്റ്റ് രേ​ഖ​പ്പെ​ടു​ത്തി പ​ന്തീ​രാ​ങ്കാ​വ് പൊ​ലീ​സും. ര​ജി​സ്റ്റ​ർ ചെ​യ്ത 18 കേ​സു​ക​ളി​ൽ നാ​ലെ​ണ്ണ​ത്തി​ലാ​ണ് നാ​ല് പ്ര​തി​ക​ളു​ടെ അ​റ​സ്റ്റ് രേ​ഖ​പ്പെ​ടു​ത്തി​യ​ത്. ബാ​ക്കി കേ​സു​ക​ളി​ൽ വ​രും ദി​വ​സ​ങ്ങ​ളി​ൽ അ​റ​സ്റ്റു​ണ്ടാ​വും.

എ​ല്ലാ കേ​സു​ക​ളി​ലും ഒ​രു​മി​ച്ച് ജാ​മ്യാ​പേ​ക്ഷ ന​ൽ​കു​ന്ന​​തൊ​ഴി​വാ​ക്കു​ക​കൂ​ടി ല​ക്ഷ്യ​മി​ട്ടാ​ണ് പൊ​ലീ​സ് ഒ​രു​മി​ച്ച് അ​റ​സ്റ്റ് രേ​ഖ​പ്പെ​ടു​ത്താ​ത്ത​ത്. ക​ണ്ണൂ​ര്‍ അ​ര്‍ബ​ന്‍ നി​ധി ഡ​യ​റ​ക്ട​ര്‍ കെ.​എം. ഗ​ഫൂ​ര്‍, അ​സി. ജ​ന​റ​ല്‍ മാ​നേ​ജ​ർ സി.​വി. ജീ​ന, എ​നി​ടൈം മ​ണി ഡ​യ​റ​ക്ട​ര്‍ ഷൗ​ക്ക​ത്ത​ലി, മാ​നേ​ജി​ങ് ഡ​യ​റ​ക്ട​ര്‍ ആ​ന്‍റ​ണി സ​ണ്ണി എ​ന്നി​വ​രു​​ടെ അ​റ​സ്റ്റാ​ണ് ഇ​തി​ന​കം രേ​ഖ​പ്പെ​ടു​ത്തി​യ​ത്. ക​ണ്ണൂ​ർ അ​ർ​ബ​ൻ നി​ധി ലി​മി​റ്റ​ഡ് (കെ.​യു.​എ​ൻ.​എ​ൽ) ത​ട്ടി​പ്പു​കേ​സി​ൽ റി​മാ​ൻ​ഡി​ലാ​യ ഈ ​നാ​ല് പ്ര​തി​ക​ളെ​യും കോ​ട​തി അ​നു​മ​തി​യോ​ടെ ക​ണ്ണൂ​ർ ജ​യി​ലി​ൽ പോ​യാ​ണ് അ​റ​സ്റ്റ് രേ​ഖ​പ്പെ​ടു​ത്തി​യ​ത്. എ​നി​ടൈം മ​ണി​യു​ടെ മാ​തൃ​സ്ഥാ​പ​ന​മാ​ണ് ക​ണ്ണൂ​രി​ൽ കോ​ടി​ക്ക​ണ​ക്കി​ന് രൂ​പ​യു​ടെ ത​ട്ടി​പ്പ് ന​ട​ത്തി​യ ക​ണ്ണൂ​ർ അ​ർ​ബ​ൻ നി​ധി ലി​മി​റ്റ​ഡ്. ക​ണ്ണൂ​രി​ലെ അ​ന്വേ​ഷ​ണ​സം​ഘ​മാ​ണ് ഇ​വ​രെ അ​റ​സ്റ്റു​ചെ​യ്ത​ത്.

പാ​ലാ​ഴി​യി​ലെ എ​നി​ടൈം മ​ണി സ്ഥാ​പ​ന​ത്തി​ൽ ല​ക്ഷ​ങ്ങ​ൾ നി​ക്ഷേ​പി​ച്ച​വ​ർ​ക്കെ​ല്ലാം അ​ധി​കൃ​ത​ർ ക​ണ്ണൂ​ർ അ​ർ​ബ​ൻ നി​ധി ലി​മി​റ്റ​ഡി​ന്റെ നി​ക്ഷേ​പ സ​ർ​ട്ടി​ഫി​ക്ക​റ്റു​ക​ളാ​ണ് ന​ൽ​കി​യി​രു​ന്ന​ത്. പ​ന്തീ​രാ​ങ്കാ​വ് പൊ​ലീ​സ് ര​ജി​സ്റ്റ​ർ​ചെ​യ്ത ആ​ദ്യ ര​ണ്ടു കേ​സു​ക​ളി​ലെ അ​ന്വേ​ഷ​ണം സി​റ്റി പൊ​ലീ​സ് മേ​ധാ​വി രാ​ജ്പാ​ൽ മീ​ണ​യു​ടെ നി​ർ​ദേ​ശ​ത്തെ തു​ട​ർ​ന്ന് ജി​ല്ല ക്രൈം ​ബ്രാ​ഞ്ച് (സി-​ബ്രാ​ഞ്ച്) ഏ​റ്റെ​ടു​ത്തി​രു​ന്നു. ഇ​തി​ന്റെ അ​ന്വേ​ഷ​ണ​ത്തി​ന്റെ ഭാ​ഗ​മാ​യി കെ.​എം. ഗ​ഫൂ​ര്‍, ഷൗ​ക്ക​ത്ത​ലി, ആ​ന്‍റ​ണി സ​ണ്ണി എ​ന്നി​വ​രെ ക​സ്റ്റ​ഡി​യി​ൽ വാ​ങ്ങി ചോ​ദ്യം ചെ​യ്തി​രു​ന്നു. ഈ ​കേ​സു​ക​ളി​ൽ സി.​വി. ജീ​ന പ്ര​തി​യ​ല്ല. പ്ര​തി​ക​ളു​ടെ ബാ​ങ്ക് അ​ക്കൗ​ണ്ട് വി​വ​ര​ങ്ങ​ള​ട​ക്ക​മാ​ണ് അ​ന്വേ​ഷ​ണ​സം​ഘം പ​രി​ശോ​ധി​ച്ച​ത്.

നി​ക്ഷേ​പം വ​ൻ​തോ​തി​ൽ വ​ന്നു​ചേ​ർ​ന്ന​തോ​ടെ ഡ​യ​റ​ക്ട​ർ​മാ​രി​ൽ ചി​ല​ർ വ​ൻ​തു​ക പി​ൻ​വ​ലി​ച്ച​താ​ണ് സ്ഥാ​പ​നം പ്ര​തി​സ​ന്ധി​യി​ലാ​കാ​നി​ട​യാ​ക്കി​യ​ത് എ​ന്നാ​ണ് ഇ​വ​ർ ന​ൽ​കി​യ സൂ​ച​ന. അ​തി​നി​ടെ പ​ന്തീ​രാ​ങ്കാ​വ് പൊ​ലീ​സ് പാ​ലാ​ഴി​യി​ലെ എ​നി​ടൈം മ​ണി​യു​ടെ ഓ​ഫി​സ് പൂ​ട്ടി സീ​ൽ ചെ​യ്തി​രി​ക്കു​ക​യാ​ണ്. കൊ​യി​ലാ​ണ്ടി, പ​ന്നി​യ​ങ്ക​ര പൊ​ലീ​സി​ലും ത​ട്ടി​പ്പി​ൽ കേ​സു​ക​ൾ ര​ജി​സ്റ്റ​ർ ​ചെ​യ്തി​ട്ടു​ണ്ട്. 2021ൽ ​പാ​ലാ​ഴി​യി​ൽ പ്ര​വ​ർ​ത്ത​നം തു​ട​ങ്ങി​യ എ​നി​ടൈം മ​ണി വ​ൻ ശ​മ്പ​ളം ന​ൽ​കി നി​യ​മി​ച്ച ജീ​വ​ന​ക്കാ​രി​ൽ​നി​ന്നാ​ണ് പ്ര​ധാ​ന​മാ​യും 15 ല​ക്ഷം രൂ​പ​വ​രെ നി​ക്ഷേ​പം സ്വീ​ക​രി​ച്ച​ത്. നി​ക്ഷേ​പ​ത്തി​ന് ഒ​മ്പ​തു ശ​ത​മാ​നം നി​ര​ക്കി​ൽ പ​ലി​ശ​യും സ്ഥാ​പ​നം വാ​ഗ്ദാ​നം ചെ​യ്തി​രു​ന്നു.