കരുവന്നൂരിന്​ പുറമെ 12 ബാങ്കിലും ക്രമക്കേട് ന​ട​ന്ന​താ​യി ഇ.ഡി

കൊ​ച്ചി: ക​രു​വ​ന്നൂ​ർ സ​ഹ​ക​ര​ണ ബാ​ങ്കി​ന്​ പു​റ​മെ സം​സ്ഥാ​ന​ത്തെ 12 സ​ഹ​ക​ര​ണ ബാ​ങ്കി​ലും ക്ര​മ​ക്കേ​ട് ന​ട​ന്ന​താ​യി എ​ൻ​ഫോ​ഴ്‌​സ്‌​മെ​ന്‍റ്​ ഡ​യ​റ​ക്ട​റേ​റ്റ് (ഇ.​ഡി) ഹൈ​കോ​ട​തി​യെ അ​റി​യി​ച്ചു. അ​യ്യ​ന്തോ​ൾ, തു​മ്പൂ​ർ, ന​ട​ക്ക​ൽ, മാ​വേ​ലി​ക്ക​ര, മൂ​ന്നി​ല​വ്, ക​ണ്ട​ല, പെ​രു​ങ്കാ​വി​ള, മൈ​ല​പ്ര, ചാ​ത്ത​ന്നൂ​ർ, മാ​രാ​യ​മു​റ്റം സ​ർ​വി​സ് സ​ഹ​ക​ര​ണ ബാ​ങ്കു​ക​ൾ, ബി.​എ​സ്.​എ​ൻ.​എ​ൽ എ​ൻ​ജി​നി​യേ​ഴ്‌​സ് സ​ഹ​ക​ര​ണ ബാ​ങ്ക്, കോ​ന്നി റീ​ജ്യ​ന​ൽ സ​ർ​വി​സ് സ​ഹ​ക​ര​ണ ബാ​ങ്ക് എ​ന്നി​വി​ട​ങ്ങ​ളി​ലാ​ണ് ക്ര​മ​ക്കേ​ട് ക​ണ്ടെ​ത്തി​യ​ത്.

ഓ​ഡി​റ്റി​ങ്ങി​ൽ ക​ണ്ടെ​ത്തി​യ ക്ര​മ​ക്കേ​ടു​ക​ളെ​ക്കു​റി​ച്ച് സ​ഹ​ക​ര​ണ സം​ഘം ര​ജി​സ്ട്രാ​ർ​ക്ക് അ​റി​വു​ണ്ടാ​യി​ട്ടും ക​ണ്ണ​ട​ച്ചു. വ​ർ​ഷ​ങ്ങ​ളോ​ളം ഇ​ത്​ തു​ട​രു​ക​യാ​യി​രു​ന്നു. ചി​ല രാ​ഷ്ട്രീ​യ​നേ​താ​ക്ക​ൾ​ക്ക് ഇ​തി​ൽ പ​ങ്കു​ണ്ടെ​ന്നും അ​ന്വേ​ഷ​ണം നി​ർ​ണാ​യ​ക ഘ​ട്ട​ത്തി​ലാ​ണെ​ന്നും ഇ.​ഡി അ​സി. ഡ​യ​റ​ക്ട​ർ എ​സ്.​ജി. ക​വി​ത്ക​ർ വ്യ​ക്ത​മാ​ക്കി. ക​രു​വ​ന്നൂ​ർ ക്ര​മ​ക്കേ​ടു​മാ​യി ബ​ന്ധ​പ്പെ​ട്ട് സ്വ​ത്ത് ക​ണ്ടു​കെ​ട്ടി​യ​ത്​ ചോ​ദ്യം ചെ​യ്ത്​ പ്ര​തി അ​ലി സാ​ബ്രി ന​ൽ​കി​യ ഹ​ര​ജി​ക്കെ​തി​രാ​യ സ​ത്യ​വാ​ങ്മൂ​ല​ത്തി​ലാ​ണ് വി​ശ​ദീ​ക​ര​ണം. കേ​സു​മാ​യി ബ​ന്ധ​പ്പെ​ട്ട്​ നി​ര​വ​ധി​പേ​രു​ടെ മൊ​ഴി രേ​ഖ​പ്പെ​ടു​ത്തി​യി​ട്ടു​ണ്ടെ​ന്നും പ്ര​തി​ക​ൾ​ക്ക് സ​മ​ൻ​സ് അ​യ​ക്കാ​ൻ ന​ട​പ​ടി പു​രോ​ഗ​മി​ക്കു​ക​യാ​ണെ​ന്നും ഇ.​ഡി അ​റി​യി​ച്ചു.

ആ​വ​ശ്യ​പ്പെ​ട്ട രേ​ഖ​ക​ളു​മാ​യി വ​രാ​മെ​ന്ന്​ പ​റ​ഞ്ഞ ര​ജി​സ്ട്രാ​ർ ഹൈ​കോ​ട​തി​യി​ൽ​നി​ന്ന്​ സ്റ്റേ ​വാ​ങ്ങി​യ​തോ​ടെ അ​ന്വേ​ഷ​ണം തു​ട​രാ​നാ​യി​ല്ല. ഇ​തു​മൂ​ലം മ​റ്റ് ഉ​ദ്യോ​ഗ​സ്ഥ​ർ​ക്കെ​തി​രാ​യ അ​ന്വേ​ഷ​ണ​വും മ​ര​വി​ച്ചു.

കേ​ര​ള കോ ​ഓ​പ​റേ​റ്റി​വ് സൊ​സൈ​റ്റി ആ​ക്ടി​ന് വി​രു​ദ്ധ​മാ​യ ന​ട​പ​ടി​ക​ളാ​ണ് ക​രു​വ​ന്നൂ​ർ ബാ​ങ്കി​ൽ ന​ട​ന്ന​ത്. അം​ഗ​ത്വം ന​ൽ​കി​യ​തി​ല​ട​ക്കം ക്ര​മ​ക്കേ​ടു​ണ്ടാ​യി. അം​ഗ​ത്വ ര​ജി​സ്റ്റ​റോ ബാ​ങ്കി​ന്‍റെ കീ​ഴി​ലു​ള്ള സ്ഥാ​പ​ന​ങ്ങ​ളു​ടെ അ​ക്കൗ​ണ്ട് ബു​ക്കു​ക​ളോ സൂ​ക്ഷി​ച്ചി​ട്ടി​ല്ല. പ​ണ​യ​ത്തി​ന് ഈ​ടാ​യി ന​ൽ​കി​യ സ്വ​ർ​ണം വ്യാ​ജ​മാ​ണ്. നി​യ​മ​വി​രു​ദ്ധ​മാ​യി സ്വ​ർ​ണ​ക്ക​ട്ട​ക​ൾ ഈ​ടാ​യി സ്വീ​ക​രി​ച്ചു.

ച​ട്ട​ങ്ങ​ൾ ലം​ഘി​ച്ച് ജീ​വ​ന​ക്കാ​ർ​ക്ക് സ്വ​ർ​ണ​പ്പ​ണ​യ വാ​യ്പ അ​നു​വ​ദി​ച്ചെ​ന്നും ബാ​ങ്കി​ന്‍റെ പ​രി​ധി​യി​ൽ അ​ല്ലാ​ത്ത ഭൂ​മി​യും ഈ​ടാ​യി സ്വീ​ക​രി​ച്ചെ​ന്നും സ​ത്യ​വാ​ങ്​​മൂ​ല​ത്തി​ലു​ണ്ട്.

ഹ​ര​ജി​ക്കാ​ര​നാ​യ അ​ലി സാ​ബ്രി സ്വ​ന്ത​മാ​യും കു​ടും​ബാം​ഗ​ങ്ങ​ളു​ടെ പേ​രി​ലും ക​രു​വ​ന്നൂ​ർ ബാ​ങ്കി​ൽ​നി​ന്ന് നി​യ​മ​വി​രു​ദ്ധ​മാ​യി വാ​യ്പ​യെ​ടു​ത്ത 6.6 കോ​ടി​യി​ലേ​റെ രൂ​പ ഉ​പ​യോ​ഗി​ച്ച് ത​മി​ഴ്‌​നാ​ട്ടി​ലെ പൊ​ള്ളാ​ച്ചി​യി​ലും പ​രി​സ​ര പ്ര​ദേ​ശ​ങ്ങ​ളി​ലും ഭൂ​മി വാ​ങ്ങി. ഇ​ത് വാ​ടാ​ന​പ്പ​ള്ളി സ്വ​ദേ​ശി ഫ്രാ​ൻ​സി​സ്, ഭാ​ര്യ റോ​സി എ​ന്നി​വ​ർ​ക്ക്​ കൈ​മാ​റി പ​ക​രം തൃ​ശൂ​ർ മെ​ഡി​ക്ക​ൽ കോ​ള​ജി​നു​സ​മീ​പം ഒ​രു ഏ​ക്ക​ർ വാ​ങ്ങി.

പി​ന്നീ​ട് ഇ​ത്​ വി​റ്റ് ഗോ​വി​ന്ദ​പു​ര​ത്ത് വാ​ങ്ങി​യ സ്ഥ​ല​വും വി​ൽ​ക്കു​ക​യും ആ ​പ​ണം പ്രൈം ​ഇ​ല​ക്ട്രി​ക്ക​ൽ കോ​ൺ​ട്രാ​ക്ടേ​ഴ്‌​സ് എ​ന്ന സ്വ​ന്തം സ്ഥാ​പ​ന​ത്തി​ൽ നി​ക്ഷേ​പി​ക്കു​ക​യും ചെ​യ്ത​താ​യി ഇ.​ഡി അ​റി​യി​ച്ചു.