മനുഷ്യാവകാശ കമീഷൻ ചെയർമാൻ നിയമനം: ഗവർണർ വിശദീകരണം തേടും
text_fieldsതിരുവനന്തപുരം: മനുഷ്യാവകാശ കമീഷൻ അധ്യക്ഷ നിയമനത്തിൽ ഗവർണർ സർക്കാറിന്റെ വിശദീകരണം തേടും. സർക്കാർ ശിപാർശ ചെയ്ത ഹൈകോടതി മുൻ ചീഫ് ജസ്റ്റിസ് എസ്. മണികുമാറിനെതിരെ ഉയർന്ന ആരോപണങ്ങളിലാണ് ചീഫ് സെക്രട്ടറിയോട് വിശദീകരണം ആരായുക. ഇതിന് ഗവർണർ ആരിഫ് മുഹമ്മദ് ഖാൻ രാജ്ഭവൻ ഉദ്യോഗസ്ഥർക്ക് നിർദേശം നൽകി. രമേശ് ചെന്നിത്തലയും സേവ് യൂനിവേഴ്സിറ്റി സമിതിയും ഗവർണറുടെ ശ്രദ്ധയിൽ കൊണ്ടുവന്ന ആരോപണങ്ങളിലാണ് വിശദീകരണം തേടുക. നിയമപ്രകാരമുള്ള ശിപാർശയായതിനാൽ നിയമനം അംഗീകരിക്കാതിരിക്കാൻ ഗവർണർക്ക് കഴിയില്ല. തിങ്കളാഴ്ചയാണ് ഫയൽ രാജ്ഭവനിലേക്കയച്ചത്. ആന്റണി ഡൊമനിക് മേയ് 31ന് വിരമിച്ചിട്ടും ഇതുവരെ പുതിയ ചെയർമാനെ നിയമിക്കാത്തതിൽ ആക്ഷേപമുയർന്നിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.