മകന്‍റെ നിയമനം; സുരേന്ദ്രനെതിരെ വിമതപക്ഷം

തിരുവനന്തപുരം: മകന്‍റെ നിയമനവുമായി ബന്ധപ്പെട്ട് ഉയർന്ന ആരോപണം ബി.ജെ.പി സംസ്ഥാന പ്രസിഡന്‍റ് കെ. സുരന്ദ്രനെതിരെ ആയുധമാക്കാൻ പാർട്ടിക്കുള്ളിലെ വിമതപക്ഷം. സുരേന്ദ്രൻ സംസ്ഥാന അധ്യക്ഷനായത് മുതൽ അസംതൃപ്തരായ ഒരു വിഭാഗത്തിന് വീണുകിട്ടിയ ആയുധമാണ് അദ്ദേഹത്തിന്‍റെ മകൻ ഹരികൃഷ്ണന്‍റെ രാജീവ് ഗാന്ധി സെന്‍റർ ഫോർ ബയോ ടെക്നോളജിയിലെ നിയമനം. നിയമസഭ തെരഞ്ഞെടുപ്പിലെ പരാജയം, കുഴൽപ്പണ വിവാദം ഉൾപ്പെടെ വിഷയങ്ങൾ ചൂണ്ടിക്കാട്ടി സുരേന്ദ്രനെതിരെ വിമതപക്ഷം പട നയിച്ചെങ്കിലും അതൊന്നും ഫലം കണ്ടില്ല. അതിനിടെയാണ് നിയമനം വിവാദമായത്. എന്നാൽ, മകന്‍റെ നിയമനത്തിൽ ഇടപെടൽ ഉണ്ടായിട്ടില്ലെന്നും ഏത് അന്വേഷണം നേരിടാനും തയാറാണെന്നുമാണ് സുരേന്ദ്രൻ വിശദീകരിച്ചത്.

കേന്ദ്രമന്ത്രി അമിത് ഷാ കേരള സന്ദർശനത്തിനെത്തിയ ദിവസംതന്നെ ഇത്തരമൊരു വാർത്ത പുറത്തുവന്നതിനുപിന്നിൽ ബി.ജെ.പിയിൽ തന്നെയുള്ളവരാണെന്ന സംശയമാണ് ഔദ്യോഗിക പക്ഷത്തിന്. ആക്ഷേപത്തിൽ വിശദീകരണം നൽകേണ്ട ബാധ്യത സുരേന്ദ്രനുണ്ടെന്നാണ് ഒരു മുതിർന്ന നേതാവ് 'മാധ്യമ'ത്തോട് പ്രതികരിച്ചത്. ഇത്തരം ആരോപണങ്ങൾ പുറത്തുവരുമ്പോൾ അത് ബി.ജെ.പിയെയും സംശയനിഴലിൽ നിർത്തുമെന്ന അഭിപ്രായവും പാർട്ടിയിലുണ്ട്. വിഷയം കേന്ദ്ര നേതൃത്വത്തിന്‍റെ ശ്രദ്ധയിൽപെടുത്താനുള്ള നീക്കവും വിമതപക്ഷം ആരംഭിച്ചു.

എൽ.ഡി.എഫ് സർക്കാറിന്‍റെ ബന്ധുനിയമനത്തിനെതിരെ ഇനി ബി.ജെ.പിക്ക് എങ്ങനെ പ്രതിഷേധിക്കാനാകുമെന്ന ചോദ്യവും അവർ ഉന്നയിക്കുന്നു. എന്നാൽ, ഇത് ആക്ഷേപം മാത്രമായി തള്ളുകയാണ് ഔദ്യോഗിക വിഭാഗം. ബി.ടെക് അടിസ്ഥാന യോഗ്യതയാക്കി പ്രത്യേകം സൃഷ്ടിച്ച് ഒരു ഒഴിവിലേക്ക് സുരേന്ദ്രന്‍റെ മകനെ നിയമിച്ചെന്നാണ് ആക്ഷേപം. ചട്ടങ്ങൾ പാലിച്ച് മെറിറ്റ് അടിസ്ഥാനത്തിലാണ് നിയമനമെന്ന് രാജീവ് ഗാന്ധി സെന്‍റർ ഫോർ ബയോടെക്നോളജി അധികൃതർ പറയുന്നു.

ഇടപെട്ടിട്ടില്ല -കെ. സുരേന്ദ്രൻ

ആ​ല​പ്പു​ഴ: രാ​ജീ​വ് ഗാ​ന്ധി സെ​ന്‍റ​ർ ഫോ​ർ ബ​യോ​ടെ​ക്​​നോ​ജി​യി​ലെ ടെ​ക്നി​ക്ക​ൽ ഓ​ഫി​സ​ർ ത​സ്തി​ക​യി​ൽ ത​ന്‍റെ മ​ക​ന് ജോ​ലി കി​ട്ടി​യ​ത് യോ​ഗ്യ​ത​യു​ടെ അ​ടി​സ്ഥാ​ന​ത്തി​ലാ​ണെ​ന്ന് ബി.​ജെ.​പി സം​സ്ഥാ​ന അ​ധ്യ​ക്ഷ​ൻ കെ. ​സു​രേ​ന്ദ്ര​ൻ.

നി​യ​മ​ന​ത്തി​ൽ അ​സ്വ​ഭാ​വി​ക​ത​യി​ല്ല. അ​തി​നാ​യി ഒ​രു ഇ​ട​പെ​ട​ലും ന​ട​ത്തി​യി​ട്ടി​ല്ല. മെ​റി​റ്റി​ന്‍റെ അ​ടി​സ്ഥാ​ന​ത്തി​ൽ എ​ല്ലാ ന​ട​പ​ടി​ക്ര​മ​ങ്ങ​ളും പാ​ലി​ച്ചാ​ണ്​ ​ ജോ​ലി​കി​ട്ടി​യ​ത്. മൂ​ന്നു​മാ​സം മു​മ്പ്​ ന​ട​ത്തി​യ നി​യ​മ​ന​ത്തി​ന്‍റെ പേ​രി​ൽ ത​ന്നെ മ​നഃ​പൂ​ർ​വം ക​രി​വാ​രി​ത്തേ​ക്കു​ക​യാ​ണ്. അ​ടി​സ്ഥാ​ന​ര​ഹി​ത​മാ​യ ആ​രോ​പ​ണ​മു​ന്ന​യി​ച്ച് സി.​പി.​എ​മ്മി​നെ​പ്പോ​ലെ​യാ​ണ് ബി.​ജെ.​പി​യു​മെ​ന്ന്​ വ​രു​ത്തി​ത്തീ​ർ​ക്കാ​നാ​ണ് ശ്ര​മം. തെ​റ്റാ​യ വാ​ർ​ത്ത​ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്കും. ത​ന്‍റെ മ​ക​നാ​ണെ​ന്ന​തി​നാ​ൽ ഒ​രി​ട​ത്തും ജോ​ലി നോ​ക്ക​രു​തെ​ന്നാ​ണോ? എ​ല്ലാ​വ​രെ​യും പോ​ലെ ജോ​ലി ല​ഭി​ക്കാ​നു​ള്ള അ​വ​കാ​ശ​മി​ല്ലേ​യെ​ന്നും സു​രേ​ന്ദ്ര​ൻ ചോ​ദി​ച്ചു.