മനുഷ്യാവകാശ കമീഷൻ ചെയർമാൻ നിയമനം; ഫയൽ ഒടുവിൽ ഗവർണറുടെ കോർട്ടിൽ

തി​രു​വ​ന​ന്ത​പു​രം: സം​സ്ഥാ​ന മ​നു​ഷ്യാ​വ​കാ​ശ ക​മീ​ഷ​ൻ ചെ​യ​ർ​മാ​ൻ നി​യ​മ​ന ഫ​യ​ൽ ര​ണ്ടു​ മാ​സ​ത്തി​നു​ശേ​ഷം ഗ​വ​ർ​ണ​റു​ടെ ക​ള​ത്തി​ൽ. ആ​ന്‍റ​ണി ഡൊ​മ​നി​ക് മേ​യ് 31ന്​ ​വി​ര​മി​ച്ചി​ട്ടും പു​തി​യ ആ​ളെ നി​യ​മി​ക്കു​ന്ന​തി​ൽ പ്ര​തി​പ​ക്ഷ​ത്തി​ന്‍റെ എ​തി​ർ​പ്പ്​ ത​ട​സ്സ​മാ​യി.

കേ​ര​ള ഹൈ​കോ​ട​തി മു​ൻ ചീ​ഫ് ജ​സ്റ്റി​സ് എ​സ്. മ​ണി​കു​മാ​റി​നെ ചെ​യ​ർ​മാ​നാ​യി നി​യ​മി​ക്കാ​ൻ ആ​ഗ​സ്റ്റ്​ ഏ​ഴി​ന്​ തീ​രു​മാ​നി​ച്ചെ​ങ്കി​ലും പ്ര​തി​പ​ക്ഷ വി​യോ​ജി​പ്പി​നെ തു​ട​ർ​ന്ന്​ ഗ​വ​ർ​ണ​റു​ടെ അം​ഗീ​കാ​ര​ത്തി​ന്​ അ​യ​ച്ചി​രു​ന്നി​ല്ല. തി​ങ്ക​ളാ​ഴ്ച​യാ​ണ്​ ഫ​യ​ൽ രാ​ജ്​​ഭ​വ​നി​ലേ​ക്ക്​ അ​യ​ച്ച​ത്. അ​തി​ന്​ മു​ന്നോ​ടി​യാ​യി സ​ർ​ക്കാ​റും ഗ​വ​ർ​ണ​റും ത​മ്മി​ലു​ള്ള ശീ​ത​സ​മ​ര​ത്തി​ൽ അ​യ​വു​വ​രു​ത്താ​നു​ള്ള ശ്ര​മ​ങ്ങ​ളും വാ​ർ​ത്ത​യാ​യി​രു​ന്നു.

മു​ഖ്യ​മ​ന്ത്രി, പ്ര​തി​പ​ക്ഷ നേ​താ​വ്, സ്പീ​ക്ക​ർ എ​ന്നി​വ​ര​ട​ങ്ങു​ന്ന സ​മി​തി​യു​ടേ​താ​ണ് ശി​പാ​ർ​ശ​യെ​ങ്കി​ലും പ്ര​തി​പ​ക്ഷ നേ​താ​വ് വി​യോ​ജ​ന​ക്കു​റി​പ്പെ​ഴു​തി. ര​മേ​ശ്​ ചെ​ന്നി​ത്ത​ല ഉ​ൾ​പ്പെ​ടെ​യു​ള്ള​വ​ർ സ​ർ​ക്കാ​ർ തീ​രു​മാ​ന​ത്തെ വി​മ​ർ​ശി​ച്ച്​ രം​ഗ​ത്തെ​ത്തി​യി​രു​ന്നു. ചീ​ഫ്​ ജ​സ്റ്റി​സ്​ ആ​യി​രി​ക്കെ ന​ട​ത്തി​യ വി​ധി​ക​ളി​ൽ പ​ക്ഷ​പാ​തി​ത്വം കാ​ണി​ച്ചെ​ന്ന​താ​ണ്​ പ്ര​തി​പ​ക്ഷ​ത്തി​ന്‍റെ പ്ര​ധാ​ന ആ​രോ​പ​ണം. വി​ര​മി​ച്ച മ​ണി​കു​മാ​റി​ന്​ ത​ല​സ്ഥാ​ന​ത്ത്​ സ​ർ​ക്കാ​ർ ചെ​ല​വി​ൽ അ​സാ​ധാ​ര​ണ യാ​ത്ര​യ​യ​പ്പ്​ ന​ൽ​കി​യ​തും വി​വാ​ദ​മാ​യി​രു​ന്നു. പ്ര​തി​പ​ക്ഷ നേ​താ​വി​ന്​ പു​റ​മെ സേ​വ് യൂ​നി​വേ​ഴ്‌​സി​റ്റി കാ​മ്പെ​യി​ൻ ക​മ്മി​റ്റി​യും മ​ണി​കു​മാ​റി​ന്‍റെ നി​യ​മ​ന​ത്തി​നെ​തി​രെ ഗ​വ​ർ​ണ​ർ​ക്ക്​ നി​വേ​ദ​നം ന​ൽ​കി​യി​രു​ന്നു.

ഇ​തെ​ല്ലാം മു​ന്നി​ൽ​ക​ണ്ട്​ ഗ​വ​ർ​ണ​റെ അ​നു​ന​യി​പ്പി​ക്കാ​ൻ ന​ട​ത്തി​യ ​ശ്ര​മ​ത്തി​ന്​ പി​ന്നാ​ലെ​യാ​ണ്​ ഫ​യ​ൽ രാ​ജ്​​ഭ​വ​നി​ലേ​ക്ക്​ അ​യ​ച്ച​ത്. ഗ​വ​ർ​ണ​റു​ടെ ക്ഷ​ണ​പ്ര​കാ​രം സ്വാ​ത​ന്ത്ര്യ​ദി​ന​ത്തി​ൽ ന​ട​ന്ന വി​രു​ന്നി​ൽ മു​ഖ്യ​മ​ന്ത്രി പ​ങ്കെ​ടു​ത്തു. മു​ഖ്യ​മ​ന്ത്രി ന​ട​ത്തി​യ ഓ​ണ​സ​ദ്യ​ക്ക്​ ഗ​വ​ർ​ണ​റെ ക്ഷ​ണി​ച്ചു. സ​ർ​ക്കാ​റി​ന്റെ ഓ​ണം വാ​രാ​ഘോ​ഷ​ത്തോ​ട​നു​ബ​ന്ധി​ച്ചു​ള്ള ഘോ​ഷ​യാ​ത്ര​യി​ൽ മു​ഖ്യാ​തി​ഥി ഗ​വ​ർ​ണ​റാ​ണ്. ഇ​തി​നി​ടെ മ​ന്ത്രി പി. ​രാ​ജീ​വ് രാ​ജ്ഭ​വ​നി​ലെ​ത്തി ബി​ല്ലു​ക​ള​ട​ക്കം ഗ​വ​ർ​ണ​റു​ടെ ഒ​പ്പു​വേ​ണ്ട കാ​ര്യ​ങ്ങ​ൾ​ക്കു​ള്ള അം​ഗീ​കാ​ര​വും തേ​ടി.

നി​യ​മ​പ്ര​കാ​ര​മു​ള്ള ശി​പാ​ർ​ശ​യാ​യ​തി​നാ​ൽ നി​യ​മ​നം അം​ഗീ​ക​രി​ക്കാ​തി​രി​ക്കാ​ൻ ഗ​വ​ർ​ണ​ർ​ക്ക്​ ക​ഴി​യി​ല്ല. എ​ങ്കി​ലും രാ​ജ്​​ഭ​വ​ൻ തീ​രു​മാ​ന​ത്തി​ലെ കാ​ല​താ​മ​സം ഒ​ഴി​വാ​ക്കാ​നാ​ണ്​​ സ​ർ​ക്കാ​ർ ആ​ഗ്ര​ഹി​ക്കു​ന്ന​ത്. തി​രു​വ​ന​ന്ത​പു​രം, എ​റ​ണാ​കു​ളം, കോ​ട്ട​യം, ഇ​ടു​ക്കി ജി​ല്ല​ക​ളു​ടെ ചു​മ​ത​ല​കൂ​ടി വ​ഹി​ക്കു​ന്ന ചെ​യ​ർ​മാ​ൻ ക​സേ​ര​യി​ൽ ആ​ളി​ല്ലാ​ത്ത​തി​നാ​ൽ പ​രാ​തി​ക​ൾ തീ​ർ​പ്പാ​ക്കാ​നാ​കു​ന്നി​ല്ലെ​ന്ന ആ​ക്ഷേ​പം ഉ​യ​രു​ന്നു​ണ്ട്.