ഗവർണറുടെ പേഴ്​സനൽ സ്റ്റാഫ് നിയമനം ദുരൂഹം

തി​രു​വ​ന​ന്ത​പു​രം: ആ​ര്‍.​എ​സ്.​എ​സ് നോ​മി​നി​യെ​യോ ത​ന്‍റെ ഒ​രാ​ളെ​പ്പോ​ലു​മോ നി​യ​മി​ച്ചി​ട്ടി​ല്ലെ​ന്നും മ​റി​ച്ചാ​ണെ​ന്ന് തെ​ളി​യി​ച്ചാ​ൽ രാ​ജി​വെ​ക്കാ​മെ​ന്നും ഗ​വ​ര്‍ണ​ര്‍ ആ​രി​ഫ്​ മു​ഹ​മ്മ​ദ്​ ഖാ​ൻ വെ​ല്ലു​വി​ളി​ക്കു​മ്പോ​ഴും അ​ദ്ദേ​ഹ​ത്തി​ന്‍റെ പേ​ഴ്​​സ​ന​ൽ സ്റ്റാ​ഫി​ന്‍റെ നി​യ​മ​നം ദു​രൂ​ഹം. ബി.​ജെ.​പി സം​സ്ഥാ​ന സ​മി​തി അം​ഗ​വും മു​തി​ർ​ന്ന മാ​ധ്യ​മ​പ്ര​വ​ർ​ത്ത​ക​നു​മാ​യ ഹ​രി എ​സ്. ക​ർ​ത്ത​യെ ആ​രി​ഫ് മു​ഹ​മ്മ​ദ് ഖാ​ന്റെ അ​ഡീ​ഷ​ന​ൽ പി.​എ​സാ​ക്കി ഫെ​ബ്രു​വ​രി 14ന് ​സ​ർ​ക്കാ​ർ ഉ​ത്ത​ര​വി​റ​ക്കി​യ​പ്പോ​ൾ വ്യ​ക്ത​മാ​ക്കി​യി​രു​ന്ന​ത്​ രാ​ഷ്​​ട്രീ​യ നി​യ​മ​ന​മെ​ന്നാ​യി​രു​ന്നു. ഗ​വ​ർ​ണ​റു​ടെ നി​ർ​ദേ​ശം അം​ഗീ​ക​രി​ച്ചാ​ണ്​​ സ​ർ​ക്കാ​ർ ഉ​ത്ത​ര​വി​റ​ക്കി​യ​ത്.

ജ​നു​വ​രി 18നാ​ണ്​ നി​യ​മ​ന​വു​മാ​യി ബ​ന്ധ​പ്പെ​ട്ട ഫ​യ​ൽ സെ​ക്ര​ട്ടേ​റി​യ​റ്റി​ലെ​ത്തി​യ​ത്. ഫെ​ബ്രു​വ​രി ആ​ദ്യ​വാ​രം സ​ർ​ക്കാ​ർ തീ​രു​മാ​ന​മെ​ടു​ത്തു. ഉ​ത്ത​ര​വി​റ​ങ്ങു​ന്ന​തി​ന്​ മു​മ്പു​ത​ന്നെ ഹ​രി എ​സ്. ക​ർ​ത്ത ഗ​വ​ർ​ണ​റു​ടെ ഓ​ഫി​സി​ലെ​ത്തി സ്ഥാ​നം ഏ​റ്റെ​ടു​ത്തു. ജ​ന്മ​ഭൂ​മി മു​ൻ പ​ത്രാ​ധി​പ​രാ​യ ഹ​രി എ​സ്. ക​ർ​ത്ത കു​മ്മ​നം രാ​ജ​ശേ​ഖ​ര​ൻ ബി.​ജെ.​പി സം​സ്ഥാ​ന പ്ര​സി​ഡ​ന്റാ​യി​രു​ന്ന​പ്പോ​ൾ മാ​ധ്യ​മ​വി​ഭാ​ഗം മേ​ധാ​വി​യാ​യി പ്ര​വ​ർ​ത്തി​ച്ചി​രു​ന്നു. എ​ന്നാ​ൽ 30 വ​ർ​ഷ​ത്തി​ല​ധി​ക​മാ​യി മാ​ധ്യ​മ​രം​ഗ​ത്ത് സ​ജീ​വ​മാ​ണെ​ന്ന​താ​ണ്​ നി​യ​മ​ന​ത്തി​നു​ള്ള ന്യാ​യ​മാ​യി​ അ​ന്ന്​ രാ​ജ്​​ഭ​വ​ൻ വൃ​ത്ത​ങ്ങ​ൾ പ​റ​ഞ്ഞ​ത്.

സ​ർ​ക്കാ​റും ഗ​വ​ർ​ണ​റും ത​മ്മി​ലു​ള്ള ഒ​ത്തു​തീ​ർ​പ്പി​ന്‍റെ ഭാ​ഗ​മാ​ണ് നി​യ​മ​ന​മെ​ന്ന ആ​ക്ഷേ​പം പ്ര​തി​പ​ക്ഷ​നേ​താ​വ്​ വി.​ഡി. സ​തീ​ശ​ൻ ഉ​ന്ന​യി​ച്ചി​രു​ന്നു. എ​ന്നാ​ൽ രാ​ജ്ഭ​വ​ൻ ശി​പാ​ർ​ശ ന​ൽ​കി​യാ​ൽ ത​ള്ളാ​ൻ അ​ധി​കാ​ര​മി​ല്ലെ​ന്ന വാ​ദം ചൂ​ണ്ടി​ക്കാ​ട്ടി​യാ​ണ്​ സ​ർ​ക്കാ​ർ നി​യ​മ​നം അം​ഗീ​ക​രി​ച്ച​ത്. ഗ​വ​ർ​ണ​റെ അ​തൃ​പ്‌​തി അ​റി​യി​ച്ചാ​യി​രു​ന്നു നി​യ​മ​ന ഉ​ത്ത​ര​വ്. ഗ​വ​ർ​ണ​ർ ആ​വ​ശ്യ​പ്പെ​ട്ട്​ ന​ട​ത്തി​യ നി​യ​മ​ന​ങ്ങ​ളു​ടെ പ​ട്ടി​ക കൈ​യി​ലു​ണ്ടെ​ന്ന്​ സി.​പി.​എം സം​സ്ഥാ​ന സെ​ക്ര​ട്ട​റി വെ​ല്ലു​വി​ളി​ക്കു​മ്പോ​ൾ വ​രും​ദി​വ​സ​ങ്ങ​ളി​ൽ കൂ​ടു​ത​ൽ വി​വ​ര​ങ്ങ​ൾ പു​റ​ത്തു​വ​രാ​നാ​ണ്​ സാ​ധ്യ​ത.