അന്തിമ പട്ടികക്കുമുമ്പേ നിയമന ഉത്തരവ്​: വിശദീകരണം തേടി

കൊ​ച്ചി: നി​യ​മ​ന​ത്തി​നു​ള്ള​വ​രു​ടെ അ​ന്തി​മ​പ​ട്ടി​ക പ്ര​സി​ദ്ധീ​ക​രി​ക്കും മു​മ്പേ ഉ​ദ്യോ​ഗാ​ർ​ഥി​ക്ക്​ നി​യ​മ​ന ഉ​ത്ത​ര​വ്​ ന​ൽ​കി​യ​തു​സം​ബ​ന്ധി​ച്ച്​ ഹൈ​കോ​ട​തി കാ​സ​ർ​കോ​ട്ടെ കേ​ന്ദ്ര സ​ർ​വ​ക​ലാ​ശാ​ല​യോ​ട്​ വി​ശ​ദീ​ക​ര​ണം തേ​ടി. അ​ന്തി​മ​പ​ട്ടി​ക പ്ര​സി​ദ്ധീ​ക​രി​ക്കു​ന്ന​തി​ന്​ ഏ​ഴു​ദി​വ​സം മു​മ്പ്​ കാ​സ​ർ​കോ​ട്​ പ​ര​പ്പ സ്വ​ദേ​ശി ​കെ. ​സു​ജി​ത്തി​ന്​​ പി.​ആ​ർ.​ഒ ത​സ്തി​ക​യി​ലേ​ക്ക്​ നി​യ​മ​ന ഉ​ത്ത​ര​വ്​ ന​ൽ​കി​യ ന​ട​പ​ടി ചോ​ദ്യം ചെ​യ്ത്​ ഉ​ദ്യോ​ഗാ​ർ​ഥി​യാ​യ മ​ല​പ്പു​റം അ​രി​യ​ല്ലൂ​ർ സ്വ​ദേ​ശി​നി അ​നു​പ​മ മി​ലി ന​ൽ​കി​യ ഹ​ര​ജി​യി​ലാ​ണ്​ ജ​സ്റ്റി​സ്​ സി.​പി. മു​ഹ​മ്മ​ദ്​ നി​യാ​സി​ന്‍റെ ഉ​ത്ത​ര​വ്.

2019 ജൂ​ൺ 10ന്​ ​പു​റ​പ്പെ​ടു​വി​ച്ച വി​ജ്​​ഞാ​പ​ന പ്ര​കാ​രം അ​പേ​ക്ഷി​ച്ച​വ​രു​ടെ അ​ഭി​മു​ഖം ന​ട​ന്ന​ത്​ ന​വം​ബ​ർ 24നാ​ണ്. ഡി​സം​ബ​ർ 24ന്​ ​നി​യ​മ​ന​ത്തി​നു​ള്ള അ​ന്തി​മ​പ​ട്ടി​ക പ്ര​സി​ദ്ധീ​ക​രി​ച്ചു. അ​തേ​സ​മ​യം, സു​ജി​ത്തി​ന്​ നി​യ​മ​ന ഉ​ത്ത​ര​വ്​ ന​ൽ​കി​യി​രി​ക്കു​ന്ന​ത്​ ഇ​തി​ന്​ ഒ​രാ​ഴ്ച മു​മ്പ്​ 17നാ​ണ്.

ഡി​സം​ബ​ർ 28ന്​ ​ജോ​ലി​യി​ൽ പ്ര​വേ​ശി​ക്കു​ക​യും ചെ​യ്തു. ഇ​തെ​ങ്ങ​നെ സാ​ധ്യ​മാ​യെ​ന്ന​തി​ന്​ വ്യ​ക്ത​മാ​യ മ​റു​പ​ടി അ​ധി​കൃ​ത​ർ​ക്ക്​ ന​ൽ​കാ​നാ​യി​ട്ടി​ല്ലെ​ന്ന്​ കോ​ട​തി പ​റ​ഞ്ഞു. സ​ർ​വ​ക​ലാ​ശാ​ല സ​മ​ർ​പ്പി​ച്ച സ​ത്യ​വാ​ങ്​​മൂ​ല​ത്തി​ലും ഇ​തു​സം​ബ​ന്ധി​ച്ച വി​ശ​ദീ​ക​ര​ണ​മി​ല്ല. തു​ട​ർ​ന്ന്,​​ 10​ ദി​വ​സ​ത്തി​ന​കം വി​ശ​ദീ​ക​ര​ണം ന​ൽ​കാ​ൻ ര​ജി​സ്​​ട്രാ​ർ​ക്ക്​ നി​ർ​ദേ​ശം ന​ൽ​കു​ക​യാ​യി​രു​ന്നു. ഹ​ര​ജി വീ​ണ്ടും ഫെ​ബ്രു​വ​രി ഒ​ന്നി​ന്​ പ​രി​ഗ​ണി​ക്കും.