അനധികൃത കെട്ടിടങ്ങൾക്ക്​ അംഗീകാരം; കോ​ഴി​ക്കോ​ട് കോർപറേഷനിൽ നാലു​ ജീവനക്കാർക്ക്​ സസ്​​പെൻഷൻ

കോ​ഴി​ക്കോ​ട്: ജീ​വ​ന​ക്കാ​രു​ടെ പാ​സ്​​വേ​ഡ​ട​ക്കം ലോ​ഗി​ൻ വി​വ​ര​ങ്ങ​ൾ​ ദു​രു​പ​യോ​ഗ​പ്പെ​ടു​ത്തി അ​ന​ധി​കൃ​ത​മാ​യി കെ​ട്ടി​ട​ങ്ങ​ൾ​ക്ക്​ അ​നു​മ​തി ന​ൽ​കി​യ​താ​യി ക​ണ്ടെ​ത്തി​യ​തി​നെ തു​ട​ർ​ന്ന്​​ കോ​ഴി​ക്കോ​ട് കോ​ർ​പ​റേ​ഷ​ൻ നാ​ല് ഉ​ദ്യോ​ഗ​സ്ഥ​രെ സ​സ്പെ​ൻ​ഡ് ചെ​യ്തു. സം​ഭ​വ​ത്തി​ൽ വി​ശ​ദ​മാ​യ തു​ട​ര​ന്വേ​ഷ​ണ​മാ​വ​ശ്യ​പ്പെ​ട്ട്​ ന​ഗ​ര​സ​ഭ സെ​ക്ര​ട്ട​റി സി​റ്റി പൊ​ലീ​സ്​ മേ​ധാ​വി​ക്കും ടൗ​ൺ പൊ​ലീ​സി​ലും പ​രാ​തി ന​ൽ​കി.

ആ​റ്​ കെ​ട്ടി​ട​ങ്ങ​ൾ​ക്ക്​ അ​ന​ധി​കൃ​ത​മാ​യി അ​നു​മ​തി ന​ൽ​കി​യെ​ന്നാ​ണ്​ ക​ണ്ടെ​ത്തി​യ​ത്. പൊ​ളി​ക്കാ​ൻ നി​ർ​ദേ​ശി​ച്ച​ത​ട​ക്കം ആ​യി​ര​ത്തി​ലേ​റെ കെ​ട്ടി​ട​ങ്ങ​ൾ​ക്ക്​ ഒ​രു​വ​ർ​ഷ​ത്തി​ലേ​റെ​യാ​യി വി​വി​ധ സ​മ​യ​ങ്ങ​ളി​ൽ അ​നു​മ​തി ന​ൽ​കി​യെ​ന്ന്​ ആ​രോ​പ​ണ​മു​യ​ർ​ന്നി​ട്ടു​ണ്ട്. ​കെ​ട്ടി​ട​ങ്ങ​ൾ​ക്ക്​ അം​ഗീ​കാ​രം ന​ൽ​കി​യ​താ​യി ക​ണ്ടെ​ത്തി​യ കോ​ഴി​ക്കോ​ട് മെ​യി​ൻ ഓ​ഫി​സി​ലെ റ​വ​ന്യൂ വി​ഭാ​ഗം സൂ​പ്ര​ണ്ട് പി. ​കൃ​ഷ്ണ​മൂ​ർ​ത്തി, റ​വ​ന്യൂ ഇ​ൻ​സ്‌​പെ​ക്ട​ർ എ​ൻ.​പി. മു​സ്ത​ഫ, ബേ​പ്പൂ​ർ സോ​ണ​ൽ ഓ​ഫി​സ് സൂ​പ്ര​ണ്ട്​ കെ.​കെ. സു​രേ​ഷ്, ബേ​പ്പൂ​ർ മേ​ഖ​ല ഓ​ഫി​സി​ലെ റ​വ​ന്യൂ ഓ​ഫി​സ​ർ പി. ​ശ്രീ​നി​വാ​സ​ൻ എ​ന്നി​വ​ർ​ക്കെ​തി​രെ​യാ​ണ്​ ന​പ​ടി. ഇ​വ​രു​ടെ യൂ​സ​ർ നെ​യിം, പാ​സ്​​വേ​ഡ്​ എ​ന്നി​വ ഉ​പ​യോ​ഗി​ച്ച്​ പു​റ​ത്തു​നി​ന്ന്​ ന​ഗ​ര​സ​ഭ​യു​ടെ സോ​ഫ്​​റ്റ്​​വെ​യ​റി​ൽ ക​യ​റി​യാ​ണ്​ അ​ന​ധി​കൃ​ത​മാ​യി അ​നു​മ​തി ന​ൽ​കി​യ​തെ​ന്നാ​ണ് അ​ധി​കൃ​ത​രു​ടെ പ്രാ​ഥ​മി​ക വി​ല​യി​രു​ത്ത​ൽ.

ലോ​ഗി​ൻ കൈ​കാ​ര്യം ചെ​യ്യു​ന്ന​തി​ൽ വീ​ഴ്ച​വ​ന്ന​താ​യി ബോ​ധ്യ​പ്പെ​ട്ട​തി​നാ​ലാ​ണ്​ ജീ​വ​ന​ക്കാ​രെ അ​ന്വേ​ഷ​ണ​വി​ധേ​യ​മാ​യി സ​സ്​​പെ​ൻ​ഡ്​ ചെ​യ്ത​തെ​ന്ന്​ കോ​ർ​പ​റേ​ഷ​ൻ സെ​ക്ര​ട്ട​റി കെ.​യു. ബി​നി അ​റി​യി​ച്ചു. കോ​ർ​പ​റേ​ഷ​ൻ ഉ​പ​യോ​ഗി​ക്കു​ന്ന ഇ​ൻ​ഫ​ർ​മേ​ഷ​ൻ കേ​ര​ള മി​ഷ​ന്‍റെ ഓ​ൺ​ലൈ​ൻ സോ​ഫ്​​റ്റ്​​വെ​യ​റാ​യ 'സ​ഞ്ച​യ' വ​ഴി റ​വ​ന്യൂ ഉ​ദ്യോ​ഗ​സ്​​ഥ​രാ​ണ്​ ഇ-​ഫ​യ​ലു​ക​ളി​ൽ തീ​ർ​പ്പാ​ക്കു​ന്ന​ത്. ച​ട്ട​ങ്ങ​ൾ പാ​ലി​ക്കാ​ത്ത​വ​യ​ട​ക്കം നി​ര​വ​ധി കെ​ട്ടി​ട​ങ്ങ​ൾ​ക്ക്​ കോ​ർ​പ​റേ​ഷ​ൻ അ​നു​മ​തി കി​ട്ടി​യെ​ന്ന വി​വ​ര​ത്തി​ന്‍റെ അ​ടി​സ്​​ഥാ​ന​ത്തി​ലു​ള്ള അ​ന്വേ​ഷ​ണ​ത്തി​ലാ​ണ്​ ക്ര​മ​ക്കേ​ട്​ ക​ണ്ടെ​ത്തി​യ​ത്. യു.​ഡി.​എ​ഫ്, എ​ൽ.​ഡി.​എ​ഫ്​ അ​നു​കൂ​ല യൂ​നി​യ​നു​ക​ളു​ടെ നേ​താ​ക്ക​ള​ട​ക്ക​മു​ള്ള​വ​ർ​ക്കെ​തി​രെ​യാ​ണ്​ ന​ട​പ​ടി. സോ​ഫ്​​റ്റ്​​വെ​യ​ർ പു​റ​ത്തു​നി​ന്ന്​ ദു​രു​പ​യോ​ഗം ചെ​യ്ത​തി​ന്​ ത​ങ്ങ​ളെ ബ​ലി​യാ​ടാ​ക്കി​യെ​ന്നാ​രോ​പി​ച്ച്​ തി​ങ്ക​ളാ​ഴ്ച മു​ത​ൽ പ്ര​ക്ഷോ​ഭം ന​ട​ത്തു​മെ​ന്ന്​ ജീ​വ​ന​ക്കാ​രു​ടെ സം​യു​ക്​​ത സ​മി​തി നേ​താ​ക്ക​ൾ അ​റി​യി​ച്ചു.