ആരിഫ്​ മുഹമ്മദ്​ ഖാന്‍റെ സഹോദരപുത്രി ഡൽഹിയിൽ കോൺഗ്രസ്​ സ്ഥാനാർഥി

ന്യൂഡൽഹി: ഡൽഹി മുനിസിപ്പൽ കോർപറേഷൻ തെരഞ്ഞെടുപ്പിൽ കോൺഗ്രസിന്‍റെ സ്ഥാനാർഥിയായി കേരള ഗവർണർ ആരിഫ്​ മുഹമ്മദ്​ ഖാന്‍റെ സഹോദരപു​ത്രിയും. കോൺഗ്രസ്​ മുൻ എം.എൽ.എ ആസിഫ്​ മുഹമ്മദ്​ ഖാന്‍റെ മകൾ ആരിബ ഖാനാണ്​ ശാഹീൻ ബാഗിൽ നിന്ന് കോൺഗ്രസിന്​ വേണ്ടി കന്നിയങ്കത്തിനിറങ്ങുന്നത്​.

തെരഞ്ഞെടുപ്പ്​ പ്രചാരണത്തിനിടെ പൊലീസ് ഉദ്യോഗസ്ഥരോട്​ മോശമായി പെരുമാറി എന്നാരോപിച്ച് ആസിഫ്​ മുഹമ്മദ്​ ഖാനെ കഴിഞ്ഞ ദിവസം ഡൽഹി പൊലീസ്​ അറസ്റ്റ്​ ചെയ്തിരുന്നു. പൗരത്വ വിഷയം, ഏക സിവിൽകോഡ്​ തുടങ്ങിയ വിഷയങ്ങളും ആരിബ പ്രചാരണായുധമാക്കുന്നുണ്ട്​. ഡിസംബർ നാലിനാണ്​ തെരഞ്ഞെടുപ്പ്​. മൂന്ന്​ മുനിസിപ്പൽ കോർപറേഷനുകളും ഒന്നാക്കിയതിന്​ ശേഷമുള്ള ആദ്യ തെരഞ്ഞെടുപ്പാണ്​ നടക്കാനിരിക്കുന്നത്​.