‘അതിനകത്തുള്ളത്​ എന്‍റെ മകനാണ്​, എല്ലാറ്റിലും വിശ്വാസം നഷ്ടപ്പെടുന്നു’

കോ​ഴി​ക്കോ​ട്: ​‘അ​തി​ന​ക​ത്തു​ള്ള​ത് എ​ന്റെ മ​ക​നാ​ണ്. ഞ​ങ്ങ​ൾ ത​മ്മി​ലു​ള്ള ബ​ന്ധം നി​ങ്ങ​ൾ​ക്ക​റി​യി​ല്ല, അ​മ്മ​യും ഭാ​ര്യ​യും മ​ക​നും കൂ​ട്ടു​കാ​രെ​പോ​ലെ​യാ​ണ് ക​ഴി​ഞ്ഞ​ത്. മ​ന​സ്സു​കൊ​ണ്ട് സം​സാ​രി​ക്കു​ന്ന​വ​രാ​യി​രു​ന്നു ഞ​ങ്ങ​ൾ. ഒ​രാ​ളു​ടെ മ​ന​സ്സി​ലെ ചി​ന്ത മൂ​ന്നു​പേ​രു​ടെ ഉ​ള്ളി​ലും ഒ​രു​പോ​ലെ പോ​കും. മ​ക​നെ ഇ​നി ജീ​വ​നോ​ടെ കി​ട്ടു​മെ​ന്ന ഒ​രു പ്ര​തീ​ക്ഷ​യു​മി​ല്ല. അ​വ​ന് അ​പ​ക​ട​ത്തി​ൽ എ​ന്തെ​ങ്കി​ലും പ​റ്റി​യെ​ന്ന​റി​ഞ്ഞാ​ൽ അ​ത് ഉ​ൾ​ക്കൊ​ള്ളും. സ​ഹ​നം എ​ന്ന​തി​ന്റെ അ​ങ്ങേ​ത​ല​ക്ക​ൽ എ​ത്തി​യി​രി​ക്കു​ന്നു’ -ക​ർ​ണാ​ട​ക​യി​ലെ ഷി​രൂ​രി​ലെ മ​ണ്ണി​ടി​ച്ചി​ലി​ൽ കാ​ണാ​താ​യ അ​ർ​ജു​ന്റെ മാ​താ​വ് ഷീ​ല​യു​ടെ വാ​ക്കു​ക​ളി​ൽ നി​രാ​ശ​യും ഈ​ർ​ഷ്യ​യും കോ​പ​വു​മെ​ല്ലാം മ​ല​വെ​ള്ള​പ്പാ​ച്ചി​ൽ പോ​ലെ പു​റ​ത്തു​വ​രി​ക​യാ​ണ്. ര​ക്ഷാ​പ്ര​വ​ർ​ത്ത​ന​ങ്ങ​ളി​ലെ പാ​ളി​ച്ച​ക​ളി​ലേ​ക്കാ​ണ്​ ഇ​വ​ർ വി​ര​ൽ​ചൂ​ണ്ടു​ന്ന​ത്.

മ​ക​ൻ തി​രി​ച്ചു​വ​രു​മെ​ന്ന് ര​ണ്ടു​ദി​വ​സം മു​മ്പു​വ​രെ പ്ര​തീ​ക്ഷ​യോ​ടെ കാ​ത്തി​രു​ന്ന മാ​താ​വി​ന്റെ മു​ന്നി​ലേ​ക്ക് ഏ​ഴു​നാ​ൾ ക​ഴി​ഞ്ഞി​ട്ടും ആ​ഗ്ര​ഹി​ച്ച​പോ​ലെ ഒ​രു ശു​ഭ​വാ​ർ​ത്ത​യും എ​ത്താ​താ​യ​തോ​ടെ ത​ങ്ങ​ൾ​ക്കു​ണ്ടാ​യ ദു​ർ​വി​ധി​യെ മാ​ത്ര​മ​ല്ല ശ​പി​ക്കു​ന്ന​ത്, ആ​പ​ത്തി​ൽ ആ​രും സ​ഹാ​യി​ച്ചി​ല്ലെ​ന്ന രോ​ഷ​വും അ​വ​രു​ടെ വാ​ക്കു​ക​ളി​ൽ പ്ര​ക​ടം. ‘സൈ​ന്യം മ​ക​നെ ക​ണ്ടെ​ത്തു​മെ​ന്ന് പ്ര​തീ​ക്ഷി​ച്ചി​രു​ന്നു. എ​ന്നാ​ൽ, അ​വ​ർ​ക്ക് ഒ​ന്നും ചെ​യ്യാ​നാ​യി​ല്ല. സൈ​ന്യ​ത്തി​ന്റെ ഈ ​അ​വ​സ്ഥ​യി​ൽ വ​ലി​യ വി​ഷ​മ​മു​ണ്ട്’ -അ​വ​ർ പ​റ​ഞ്ഞു. ‘പ​ട്ടാ​ള​ത്തെ ഞ​ങ്ങ​ൾ​ക്കു​വേ​ണ്ടി ഇ​ത്ര​യും ചെ​ല​വ് ചെ​യ്ത് വ​രു​ത്തി​യ​ത് ആ​രെ​യോ കാ​ണി​ക്കാ​നു​ള്ള കോ​മാ​ളി​ത്ത​ര​മാ​ണ്. ഒ​രു​മ​നു​ഷ്യ​നെ ര​ക്ഷി​ക്കാ​ൻ ആ​വ​ശ്യ​മാ​യ ഒ​രു​കാ​ര്യ​വും അ​വ​രു​ടെ കൈ​യി​ലി​ല്ല. ഇ​നി നേ​വി വ​ന്നു തി​ര​യു​മെ​ന്ന് പ​റ​യു​ന്നു. ക​ഴി​ഞ്ഞ​ദി​വ​സം തി​ര​ഞ്ഞ​തും നേ​വി​യാ​യി​രു​ന്നി​ല്ലേ? വാ​ഹ​നം അ​വി​ടെ​യി​ല്ലെ​ന്ന് തെ​ളി​യി​ക്കേ​ണ്ട​ത് ചി​ല​രു​ടെ അ​ഭി​മാ​ന പ്ര​ശ്ന​മാ​ണോ​യെ​ന്ന് സം​ശ​യ​മു​ണ്ട്. ര​ണ്ട് ലോ​റി ഉ​ട​മ​ക​ളെ​യും ഡ്രൈ​വ​ർ​മാ​രെ​യും അ​വി​ടേ​ക്ക് ക​ട​ത്തി​വി​ടു​ന്നി​ല്ല. അ​വ​രോ​ട് ക​ള്ള​ന്മാ​രെ പോ​ലെ​യാ​ണ് പൊ​ലീ​സ് പെ​രു​മാ​റു​ന്ന​ത്. ന​മ്മ​ൾ മ​ല​യാ​ളി​ക​ൾ ആ​യ​തു​കൊ​ണ്ട് മാ​ത്ര​മാ​ണ് എ​ല്ലാ ശ്ര​ദ്ധ​യും പി​ന്തു​ണ​യും കി​ട്ടി​യ​ത്. ഇ​തൊ​ന്നും ല​ഭി​ക്കാ​ത്ത ത​മി​ഴ​ന്മാ​രാ​യ മൂ​ന്നു​പേ​രു​ടെ ആ​ളു​ക​ളെ അ​വി​ടെ ആ​ട്ടി​യോ​ടി​ക്കു​ക​യാ​ണ്. അ​വ​ർ​ക്ക് നീ​തി ല​ഭി​ക്കു​ന്നി​ല്ല. അ​വ​രെ ആ​രും ശ്ര​ദ്ധി​ക്കു​ന്നി​ല്ല. അ​ഫ്ഗാ​നി​ൽ ജീ​വി​ക്കും​പോ​ലെ​യാ​ണ് തോ​ന്നു​ന്ന​ത്. ഈ ​സം​സ്ഥാ​നം ഇ​ന്ത്യ​യി​ൽ​ത​ന്നെ​യാ​ണോ എ​ന്നാ​ണ് സ​ങ്ക​ടം ഒ​തു​ക്കാ​നാ​വാ​തെ മാ​താ​വ് ചോ​ദി​ക്കു​ന്ന​ത്.

കേ​ന്ദ്ര-​ക​ർ​ണാ​ട​ക സ​ർ​ക്കാ​റു​ക​ളി​ൽ വി​ശ്വാ​സ​മി​ല്ല. ഞ​ങ്ങ​ളു​ടെ എം.​പി​യി​ലും ഇ​വി​ട​ത്തെ അ​ധി​കൃ​ത​രി​ലും മാ​ധ്യ​മ​ങ്ങ​ളി​ലും മാ​ത്ര​മാ​ണ് ഇ​നി​യു​ള്ള വി​ശ്വാ​സം. പ​ട്ടാ​ള​ക്കാ​ർ എ​ന്നു പ​റ​യു​ന്ന​ത് അ​ഭി​മാ​ന​ത്തോ​ടെ കാ​ണു​ന്ന​വ​രാ​ണ് ത​ങ്ങ​ൾ. അ​ച്ഛ​ൻ പ​ട്ടാ​ള​ക്കാ​ര​നാ​യി​രു​ന്നു. ആ ​അ​ഭി​മാ​ന​മെ​ല്ലാം ഇ​പ്പോ​ൾ തെ​റ്റി​പ്പോ​യി -അ​വ​ർ തു​ട​ർ​ന്നു.