​തിയേറ്റർ ഉടമയുടെ അറസ്​റ്റ്​: പൊലീസുകാർക്കെതിരെ നടപടി വേണം- ചെന്നിത്തല

തിരുവനന്തപുരം: എടപ്പാൾ തിയേറ്ററിലെ ബാലികാപീഡനം പുറത്തു കൊണ്ടു വന്ന തിയേറ്റർ ഉടമക്കെതിരായ പൊലീസ്​ നടപടി ലജ്ജാകരമെന്ന്​ പ്രതിപക്ഷനേതാവ്​ രമേശ്​ ചെന്നിത്തല. കേസ്​ തേച്ചുമായ്​ച്ചു കളയാനുള്ള ശ്രമങ്ങളാണ്​ തുടക്കം മുതൽ നടന്നത്​. സംഭവത്തിൽ ഉന്നതതല ഇടപെടലുകൾ നടന്നിട്ടുണ്ടെന്ന്​ വ്യക്തമാണെന്നും അദ്ദേഹം പറഞ്ഞു. തിരുവനന്തപുരത്ത്​ മാധ്യമപ്രവർത്തകരോട്​ സംസാരിക്കുകയായിരുന്നു അദ്ദേഹം.

പീഡനവിവരം നിയമത്തിനു മുമ്പിൽ കൊണ്ടുവന്ന തിയേറ്റർ ഉടമയെ പൊലീസ്​ ക്രൂരമായാണ്​ പീഡിപ്പിച്ചത്​. കൃത്യവിലോപം നടത്തിയ പൊലീസ്​ ഉദ്യോഗസ്​ഥരെ മുഖ്യമന്ത്രി സഭയിൽ ന്യായീകരിക്കുകയാണ്​. പൊലീസ്​ ഉദ്യോഗസ്​ഥർക്കെതിരെ നടപടി സ്വീകരിക്കാൻ മുഖ്യമന്ത്രി എന്തുകൊണ്ട്​ തയ്യാറാവുന്നില്ലെന്നും അദ്ദേഹം ചോദിച്ചു.

നിയമവശങ്ങൾ പരിശോധിക്കുന്നതിൽ തങ്ങൾ എതിരല്ല, എന്നാൽ​ പ്രഥമദൃഷ്​ട്യാ തെറ്റു ചെയ്​തതായി  മുഖ്യമന്ത്രിക്ക്ബോധ്യപ്പെട്ടാൽ നടപടി സ്വീകരിക്കാം. തുടർച്ചയായി കേരള പൊലീസിന്​ വീഴ്ചകൾ സംഭവിച്ചുകൊണ്ടിരിക്കുന്നു. പൊലീസി​​​​​​​െൻറ കൊള്ളരുതായ്​മക്ക്​ കൂട്ടു നിൽക്കുന്ന സർക്കാറായി ഇൗസർക്കാർ മാറിയിരിക്കുകയാണ്​. പൊലീസി​​​​​​​െൻറ കിരാത നടപടികളെ പിന്താങ്ങുന്ന മുഖ്യമന്ത്രിയായി പിണറായി വിജയൻ അധഃപതിച്ചിരിക്കുകയാണെന്നും പ്രതിപക്ഷ നേതാവ്​ ആരോപിച്ചു. തിയേറ്റർ ഉടമയെ അറസ്​റ്റു ചെയ്​ത പൊലീസുകാർക്കെതിരെ നടപടി​െയടുക്കാൻ മുഖ്യമന്ത്രി തയ്യാറാവാത്തത്​ തെറ്റായ സന്ദേശമാണ്​ സമൂഹത്തിന്​ നൽകുന്നതെന്നും അ​േദഹം പറഞ്ഞു.